طلبت مهلة أسبوعين وبعدها أذهب لاهلي بلا عودة.
 

السلام عليكم ورحمة الله وبركاته

أتمنى كل من يمر على موضوعي أن يدعو لي .. فالحال تأزم مؤخرا بيني وبين من كنت أعتقد أنه رفيق دربي وسندي في هذه الدنيا .. بيني وبين الشخص الذي أحبيته من كل قلبي زوجي العزيز .. اتفقنا على مهلة أسبوعين ريثما ينتهي دوامي وأذهب إلى أهلي وأبحث عن وسيلة مواصلات مناسبة إلى وظيفتي في إجازة الاسبوع اللي ستكون بعد هذين الاسبوعين .. وبعدها يتم الانفصال بيننا .. دعواتكم



تم تعديل العنوان ليتناسب مع المضمون

(مستجدات الرد110)
http://66n.com/forums/showpost.php?p...ount=110<br />

(مستجدات الرد173)


http://66n.com/forums/showpost.php?p...&postcount=173

(مستجدات الرد185)

http://66n.com/forums/showpost.php?p...&postcount=185

(مستجدات الرد257)

http://66n.com/forums/showpost.php?p...ount=257<br />

(حلت الرد426)



http://66n.com/forums/showpost.php?p...&postcount=426

رد: المهلة أسبوعين وبعدها ينتهي كل شيء
 

الله يعينك وتتيسر اموركم ويبعد عنكم الطلاق ان كان فيه شر
ايش السبب فجأة كذا
اكيد في شيء
شاركينا يمكن نساعدك

رد: المهلة أسبوعين وبعدها ينتهي كل شيء
 

الله يصلح حالكم
بس كذا فجاة قررتوا

رد: المهلة أسبوعين وبعدها ينتهي كل شيء
 

خير !!!! و ماسبب كل هذه الخطة ؟؟؟

رد: المهلة أسبوعين وبعدها ينتهي كل شيء
 

الله المستعان
ربي يصلح حالكم و يردكم لبعض ردا جميل
هذا قرارك او قراره ?

رد: المهلة أسبوعين وبعدها ينتهي كل شيء
 

السبب تافه بس بسببه طلع كل اللي في خاطره ..

رجعت من الدوام تعبانة .. طبعا هو ماعنده دوام هالاسبوعين .. رجعت البيت هلكانة والله من الدوام .. المهم وأنا داخلة غرفة النوم شفته يأكل وحاط صحن كبير تحت الاكل فقلت له والله العظيم من حسن نية وماقصدت شيء قلت له ليش ماحطيت سفرة تحت الاكل بدل الصحن قال ليش وش فيه الصحن قلت عشان مااضطر اغسله بعدين قام زعل وقالي لاتغسليه خليه .. وأنا والله قلت هالكلام ماقصدت شيء .. المهم دخلت الغرفة .. وهو شوي وطلع والا مرسلي رسالة على الواتس يقول (الصحن تركته لك بالمطبخ من شان تشوفين اذا يبغا له غسيل من شان اذا جيت اغسله وشوفي وش تبغين عشا من شان اجيب الاغراض واسوي لك العشا) صدمني بكلامه والله .. قلت له (جزاك الله خير .. حتى الكلام ماعاد أقدر أقول شيء وماعاد تتحمل مني شيء لأني ماعاد أسوى شيء ..هذي حياة المشاركة اللي دايم تتغنى فيها .. على العموم أنا الغلطانة وأستاهل أكثر.. وعمري ماراح أنتظر منك شيء) وهو فعلا ماعاد يطيق مني ولا كلمة وعلطول يفسر كلامي خطأ وأنا والله اتكلم بحسن نية .. قام يقول أنا والله اللي دلعتك وأنتي ماتستاهلين وأصلا أنا بدور لي واحدة تهتم فيني وتقدرني وانتي اصلا مافي شيء فيك يجذبني وانتي عندك انفصام في الشخصية وماعندك عقل وأنتي ماحملتي وانا لو ماني عاقل كان طلقتك من زمان... قلت خلاص أصبر علي هالاسبوعين عشان دوامي وبعدين اروح لاهلي وورقتي توصلني .. وانا اصلا اللي غلطانة ولا المفروض الانفصال يكون من أول زواجنا .. ولكن ماأقول الا حسبنا الله ونعم الوكيل

رد: المهلة أسبوعين وبعدها ينتهي كل شيء
 

السبب كل من الوظيفة اتركي وظيفتك وانشغل في زوجك وشوفي كيف تصفى حياتك

رد: المهلة أسبوعين وبعدها ينتهي كل شيء
 

هو تزوجني لاني موظفة .. عشان اشيله لحد ماوقف على رجوله وخلاص انتهى دوري هنا .. لكن الله مايضيع أحد..

رد: المهلة أسبوعين وبعدها ينتهي كل شيء
 

انا الا اعرف انك ما تساعديه ابدا وكنت تبكي اذا طلب مساعدتك
طيب انت ليش ما تحاولي تصلحي الوضع كبريائك يوقف عائق بينك وبين سعادتك
حاولي تتصالحي معاه وخذي اجازة اسبوعين جدد حياتكم سوى
وبطلي تضايقي من شغل البيت كلكم اثنين ايش بتسوي الا عندها عيال

رد: المهلة أسبوعين وبعدها ينتهي كل شيء
 

أنا ماتضايقت من شغل البيت .. والله ماكان هذا قصدي بس قلت له كذا من باب الكلام العادي..

على فكرة تونا راجعين أمس من سفرة لاهله وعشانه غبت عن دوامي عشان ارضيه وأكون معه لكن للاسف اللي مثله مايقدر..