|
سوء الظن
السلام عليكم ورحمة الله وبركاته
موضوعي اليوم عن سوء الظن بالطرف الاخر او مع الناس بصفة عامة والله ياجماعة اكتشفت انو دااايماً اسيئ ظني باشخاص حوليا ولمن اعرف حسن نوايهم اقول بقلبي ( انا كيف ظلمتهم ) باحكيكم مواقف حصلت معايا اول موقف : كنت بايته عند اهلي عشان كانت عنده دورة كم يوم برا مديتنا ولمن جا بياخدني قاللي بدي اطلع اسلم على اهلك واشرب الشاهي ولمن جا اتصل عليا بيقول افتحيلي الباب انا تحت فتحت الباب وانتظره انتظره ما دخل الا انا اتصلت عليه مارد اول مرة وتاني مرة رد وعصبت عليه قلتلو دي هيا حركااااتك ماراح تتغير ليش ماترد من اول اتصال اكيد مشغول بخط ثاني مع صاحبك ومطنشني وهوا سااااكت ... ولمن دخل البيت بيده كيس هدية لامي بيقول لها والله يا ماما اشتهيتلك دي الهدية وحاجة بسيطة مني (( تعليقة ذهب )) وطبعاً ليش مارد عليا من اول اتصال لانه بيجهز الهدية وكدا ثاني موقف : مرة امه خرجت للسوق وماقالت لزوجي ( بحكم اننا عايشين معاها بالعمارة ) ودخلنا نبغا نسلم عليها ماحصلناها في البيت الا عادي زوجي دق عليها بيسأل عنها ويسالها فينك ؟؟ ف بتقلو بالجوال خلاص بعدين اقلك لمن اجي اقلك وانا جالسه جمبه ولمن قفل منها قلتلو ليش الا تبا تعرف يمكن بعدين بينك وبينها تقلك يمكن ماتباني اعرف فينها خلاص براحتها مو كل شي لازم تعرفه بوقتو وانا بصراحة ما اخفيكم في قلبي اتضايقت يعني عشني جمبو ماتبا تقلو عشان لا يوصلي الكلامgfn والله العظيم بعدين طلع انها راحت سوق الذهب واشترتلي طقم ذهب عشني اتخرجت من الجامعه وحبت تفااااجئني وتعطيني هيا هدية وانا شوفو كيف اسأت الظن :( الموقف التالت : كان نهار العيد وكل يومو مشغول طبعاً استعدادات وطلبات المهم جا الليل وقاللي انا خارج عندي مشوار قلتلو انت كل يومك برا البيت ومشغول عني المهم انو ماعجبني الوضع وجلست اتنفخ الا خرج ولمن جا معاه هدية ليا يقول ( انا خرجت والله عشان حبيت افاجئك بمناسبة العيد وكدا ) والله ومواااقف كثيرة طبعاً الزبدة لا تسيئو ظنكم بأحد واتركو الموضوع ومصير الايام تبينلكم معدن الاشخاص ولاتحكموا عليهم بكل سوووء وطاب صباحكم بذكر الله ❤❤ |
رد: سوء الظن
زوجتي راحت عليها سفرات بسبب سوء الظن ومشاكل من هذا القبيل .
|
رد: سوء الظن
فعلا دايما الشيطان يزرع في الشخص الشك وسوء الظن في الغير .. اعوذ بالله منه ..
شكرررا عالطرح غاليتي |
رد: سوء الظن
..................
من جد حصلت لي مواقف كثير مع زوجتي بنفس السيناريو .. وياما راحت عليها هدايا ومفآجات والسبب هالموال .. لاتسيئوا الظن ان بعض الظن اثم .. |
رد: سوء الظن
ينقل لمكانه الأنسب..
|
رد: سوء الظن
شاكرة لكم مروركم ♥♥
|
رد: سوء الظن
الشيطان يجري في أبن أدام مجرى الدم
سوء الظن زرعه الشيطان فينا حتى يوقع بيننا وبين من نحب اعوذبالله منه |
رد: سوء الظن
يحليلك والله يازين سوء ظنك
دايم وراه هدايا (امزح معك) تصدقين انا كنت مثلك انا و صديقتي و بثالث جامعة اتفقنا نتغير و اتفقنا نبدا نمرن عقولنا على احسان الظن و الافكار الايجابية و صرنا كل يوم نرجع من الجامعة نسال بعض ايش صار معنا من مواقف و كيف حولنا نظرتنا لنظرة ايجابية و الحمدلله استمرينا فترة على كذا و بعدين صار حسن الظن طبع فيني بفضل الله اذكر من المواقف اني قلت لها في وحدة كانت تطالعني اليوم بنظرات حادة يمكن ذكرتها بشخص تحبه و يمكن تقاسيم و ملامح وجهها حادة .. يعني كنا نناقش اتفه المواقف و نطلع لها تبريرات عشان نعود انفسنا على حسن الظن و نخليه طبع قال الحسن البصري التمس لاخيك سبعين عذرا فإن لم تجد فلعله نسي |
رد: سوء الظن
شاكرة مروركم ❤❤
|
رد: سوء الظن
ما شاء الله .. موضوع جدا جميل :)
سوء الظن يتعب صاحبه قبل أن يتعب من حوله . وحسن الظن حتى لو اعتبروه هبل لكنه مريح للنفسية ليش أتعب أعصابي بالظن انه فلان قصد يسيء لي او انه علان نظرته كان معناها كذا ؟ مثلا انا الان ببلد أجنبي وعارفه نظرتهم للمسلمين والحجاب واللبس الشرعي يشير للوحده ولاسلامها وفي كثير بنات تعيش مكتئبة لأنها تحلل نظراتهم وتصرفاتهم مع انه ممكن أغلبها يكون عفوي وغير مقصود فيه الاساءة . حتى النظرة اللي فعلا مقصود فيها الاساءة ممكن حسن الظن يقلبها ويخليها تتحول لنظرة جميلة . ولهذا تلاقيني احاول أكون مبتسمة دائما ابتسامه خفيفة جدا .. المهم وجهي ينفرد شوي خخخخخخخ واذا قابلت أحد أساء بنظرة او بحركة ممكن تفسيرها عدة تفسيرات فأفترض التفسير الحسن واوسع ابتسامتي .. وصدقيني تصرفي يخليهم يحسوا بغلطهم وتنقلب نظرتهم وتصرفهم لتصرف ودي وجميل .. |
| الساعة الآن 08:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©