اشعر ان زوجي لا يحبني
 

زوجي كويس معي بشكل عام في اشياء بسيطة كأي زوجين مستحيل الحياة تكون زي ما نبغى بالملي بس ما اعرف ليش هالشعور دايم معي احيانا يجي ببالي انه كويس معي لاني متقبله عياله فكأنه يكافئني بهذا الشيء
واحيانا اقول هو يتعامل معي كذا لان يعامل الكل كذا يعني طبعه احس انه يشعر انه يستاهل امراة افضل مني
دائما افكر لو اراد يتزوج او يرجع طليقته كيف بتكون ردة فعلي اش القرار اللي بأتخذهوعيالي اش اسوي فيهم
احس انه ما يحبني بس مجرد تقبل وتمشي الحياة مع اني اقول في نفسي بكيفه وانا ما احب افرض نفسي على احد بس الا ترجع لي نفس الافكار من فترة لفترة

ما اعرف كيف اشيل هالافكار من راسي
اللي متزوجه مطلق هل عندها نفس الافكار
امس قرأت موضوع في الركن كيف تعرفين ان زوجك او زوجتك يحبك احسها على قولتهم جاء عالجرح

رد: اشعر ان زوجي لا يحبني
 

هذه وساويس من الشيطان لافساد حياتك

رد: اشعر ان زوجي لا يحبني
 

الجرح بالجرح يذكر ..!

لا أعلم ماذا أكتب لك في هذا البياض ولكني سأتابع الردود لعلي أقرأ ما يطمئن به جرح قلبي ويستكين ..

رد: اشعر ان زوجي لا يحبني
 

هههههههه
مثل وساويس المدام بتعداد هههه
تعوذي من الشيطان وعيشي حياتك
لاتخلين الشيطان يفسد عليك يومك
وعلاقتك بزوجك

رد: اشعر ان زوجي لا يحبني
 

ياليت تكون وساوس شيطان زوجي مشكلته من الناحية العاطفية مايهتم انا ما اتكلم عن الفراش عن حياة عاطفية مليت كل ما احاول اتجاهل واطنش الموضوع ارجع افكر فيه سرت انتبه لحياة غيري زوجها قلها زوجها جبلها
غير كذا زوجي قلييييل كلام مو طبعه مستحيل اهله كلهم اجتماعيين ويسولفون وهو غير عنهم تعبت كلامه قليل ابغى يسولف عن اي شيء عن حياته وين راح وش صار يحكي مواقف قديمه اي شيء اي داهيه والله تعبت
ويالله اذا زعل على قلة كلامه معد يسولف بس سؤال وجواب وياليت يقول ليش زعلان او نتحاور لا يزعل كم يوم لين ترجع المياه لمجاريها

رد: اشعر ان زوجي لا يحبني
 

أوَ كل البيوت تبنى على الحب !


إذا كان يعاملك بمعزه وكرامه وإحترام
ويقوم بواجباته كامله تجاهك وتجاه بيتك
إستشعري هالنعمه


إستمتعي باللي تملكينه ولاتنشغلين باللي ماتملكينه ومو في يدك لأن هذه الدنيا
الأرزاق وزعت بالتساوي ومحد قدر ياخذ كل شي
وحده زوجها يحبها بس يذلها ويهينها
ووحده زوجها يعشقها لكن محرومين من الذريه
ووحده زوجها مايحبها لكن يعزها ويحترمها
وهكذا

رد: اشعر ان زوجي لا يحبني
 

اصبري ياختك
وادعي

رد: اشعر ان زوجي لا يحبني
 

يارب تكون وساوس بس وش افسر حالة الصمت انا تعبت كلامه قليل وان سألته جواب وسكت في البيت في الخرجه في السيارة على هذا الحال

رد: اشعر ان زوجي لا يحبني
 

مو شرط لانه مطلق بس طبع كثير من الرجال كذا وممكن يكون منطلق مع غير الزوجة،،، اذا كان فعلا كذا كوني صديقته ومع طول العشرة ان شاء الله يتغير

رد: اشعر ان زوجي لا يحبني
 

هلا استنكار انا ماقلت لانه مطلق قلت ممكن يكون مو مقتنع فيني والله انا تعبت من حالة الصمت ودي يكون بيننا حوار يجي يوريني اي شيء يحكيني عن يومه لو عندهم مناسبة او شيء يقولي بنسوي عشان كذا يحكيني اش صار
انا ممكن قليلة كلام بس مو بالشكل هذا عندي زميلات ازور اسولف
لنا سنتين لمتى بيستمر الوضع هذا 💔
اشوفه مع اصحابه واخته يسولف عادي
بس اذا رحنا زيارة بيت اهله الاحظ انه نفس الوضع