اريد الحمل وزوجي رافض
 

انا كتبت الموضوع ما ابغاكم تقولون لي انا صح او غلط ابغى طريقه اقنع زوجي بدون مشاكل

بنتي كملت سنة وثلاث شهور وابغى احمل وزوجي رافض كلمته قبل ثلاث اسابيع قال لم تدخل البنت المدرسه افتكرته يمزح واليوم كلمته رافض وزعلت راضاني بس برضه مو مقتنع يقول نخليه لوقتها يمكن تتغير الفكرة والبنت تاخذ حقها من الاهتمام ومن هالكلام انا مو عاجبني الكلام هو عنده ثلاثه بس انا ما عندي غير البنوته وانا مو صغيرة عمري 33 سنة وعندي مشكلة في قدمي ابغى اسوي عملية بس ابغى احمل اول وبعدين اروح اشوف مشكلة رجلي

انا مو عارفه ليه رافض بس اتوقع عشان المصاريف

رد: اريد الحمل وزوجي رافض
 

وجهي له هذه الاسئلة في سياق حوار هادئ ..حتى تعرفي اسباب رفضه..

رد: اريد الحمل وزوجي رافض
 

سنة وثلاث شهور لازالت صغيرة
بعد ثلاث سنوات معقول
لكن الي سن المدرسة كثير جدا
عارف قصدة بس ماودي
اكتبة وينمسح ههههه

رد: اريد الحمل وزوجي رافض
 

شرعا مايحق له يرفض لو تبين عشر
بعدين اذا هو رافض الى هالدرجة وش تنتظرين احملي لو من دون موافقته

رد: اريد الحمل وزوجي رافض
 

هو مارفض قطعيا ولكن حب تاخير الانجاب
وللانجاب لايكون الا برضي الطرفين الموضوع مو بالقوة
واذا حملت بدون موافقتة فهي فتحت باب لان ينغلق
من المشاكل ..التفاهم طيب

رد: اريد الحمل وزوجي رافض
 

حسب علمي ان لا يجوز حرمان احد الطرفين من الانجاب مطلقا
اما تنظيم النسل فجائز شرعا

رد: اريد الحمل وزوجي رافض
 

مرحباً أختي

لكِ ولزوجك 3 حالات من حيث الموافقة والرفض

إما:
1- بطلب.. وهذا الأفضل للطرفين.. طلب من طرف وموافقة من الآخر إلا أن تكون هناك مشكلة صحية محتملة

2- سكوت.. أحد الطرفين يرغب والثاني ساكت.. فهي موافقة ضمنية وقبول

3- رفض.. وينبغي التفاهم وعدم الإختلاف لما قد تترتب عليه مشاكل مستقبلاً

أنصحك بعدم مخالفة زوجك ومفاجئته.. بل إستمري بالطلب كل فترة وأظهري الشوق والإهتمام وأنه لن يحصل منك تقصير للجميع... وإن شاء الله في النهاية ستحصلين على إحدى الحالتين: الموافقة أو السكوت


أعانك الله

رد: اريد الحمل وزوجي رافض
 

33 مو كبيره

الأنجاب ورا بعض متعب لا تستعجلين


تفاهمي معه بس لا تفكرين تحملين بدون رضاه

رد: اريد الحمل وزوجي رافض
 

اقنعيه من ناحيه البنت يكون لها اخو او اخت قريب من سنها وانك حابه تربي اثنين سوا بعدين تجلسين ست سنوات
اقنعيه بقصص ناس جلسو فتره طويله بين اطفالهم وتعبت نفسيه الطفل دايم لحاله

الزوجه لها تاثير ع زوجها اذا اختارت الوقت المناسب والكلمات والاسلوب

والله يكتب لك الخير

رد: اريد الحمل وزوجي رافض
 

اقنعيه من ناحية تقارب الاعمار بين الطفل الاول والثاني بيكونون مع بعض ويكبرون سوا
انا واخوي بيننا سنتين واعتبره من اعز اصدقائي نسهر سوا ونطلع سوا ونجلس سوا مااتخيل حياتي بدونه
وطبقتها بحياتي عندي طفلين متقاربين بالاعمار يلعبون سوا ومع بعضهم
رغم رفض ام العيال لكن جا بدون تجهيز وزعلت وتضايقت لكن بالنهاية رضت وكمكافئه لها دلعتها وقت الحمل وساعدتها برعاية الطفل الاول
خشي من هالناحية وان اصر على التأجيل لاتفتحي الموضوع خلاص
خليها تجي بدون قصد وماحسبتي حسابها مثلا لخبطتي باخذ الحبوب والموانع
بدون قصد بعد 3 اشهر او 4 اشهر مو مباشرة ثم يعرف انك قاصدة