منتدى عالم الأسرة والمجتمع - هل ماتت الصداقه .........

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - هل ماتت الصداقه ......... (http://www.66n.com/forums/showthread.php?t=265110)

هل ماتت الصداقه .........

السلام عليكم
هل فعلا فيه صداقه
ام هي مصلحه لفتره معينه
ام الصداقه لسن معين وبعدها كل من يتزوج وينشغل
يعني فتره الجامعه والدراسه فقط
وبعدها تتحول لرسميات وغيره

ودي بنفس صداقه زمان لما كنا نطلع ونجتمع
كنا نزور بعض لو اخر الليل بدون رسميات
الحين صديقاتي مااشوفهم الا اذا فيه اجتماع رسمي
وعزيمه رسميه
ابي طلعات فله جمعات مريحه مافي
الكل لاهي ومشغول
ليه الصداقه تموت
عندي صاحبتي من يمكن 13 سنه تخيلو
وكانت حسبه اخت
فجاه صارت تتهرب وتبتعد
سالتها تعذرت بمشاغل الحياه
علما بانها ماتزوجت عشان نقول طرا تغيير كان سبب ابتعادها
حاولت اكلمها اعاتبها اسالها لكن ساحبه
فهمت انها تبغى تنهي صداقتنا وانتهت
حز بخاطري لاني احبها وللعشره لكن قرارها والحمدلله
صديقتي الثانيه يمكن بينا عشره 15 سنه برضو من ايام الجامعه
صار موقف تافهه وهي الي غلطانه وغلطت علي
ومع هذا هي الي زعلت
ارسلت لها ورد بكبر وغرور
فقلت براحتك
وماعاد ارسلت لها ولا ارسلت لي
لان اصلا تصرفاتها بالفتره الاخيره ماعاد تعجبني ولا عاد فيه شي يجمعنا
ماهي صاحبه صالحه لكن السبب الي كان باستمرار العلاقه اني من النوع المخلص الي يتمسك بالعلاقات لاخر حد
بس هالمره ماني متحمسه لعوده العلاقه معاها لاشياء في شخصيتها ماتعجبني
عندي صديقاتي ثنتين غلطتي اني عرفتهم على باقي الشله فصار همهم هالشله وتوجيباتها على حساب علاقتنا المقربه القديمه
وصارت حزازات والنفسيات ماعادت مثل قبل
اصدقاء الغربه من دول مختلفه وكلن رجع لديرته وعلاقتنا صارت بوسائل التواصل
عندي صديقات كثير اواصلهم بكل وسائل التواصل
لكن محتاجه صديقات اطلع معاهم
جربت اطلع بوحدي وحبيت التجربه
بس برضو محتاجه احد اطلع معاه
انتم شرايكم
هل فعلا الصداقات عمرها الافتراضي مايتعدى 15 سنه
هل يوصل الشخص الى سن صداقاته تصير محصوره بالرسميات والعائله فقط
شرايكم