حياتي محتاجة لتنظيم و ترتيب .. ساعدوني
 

السلام عليكم و رحمة الله و بركاته

حابة أخد رايكم اخواتي و اخواني و خاصة اللي يعرفوني من زمان ..
بمستجدات حياتي .. و مساعدتي بإصلاح أي خلل فيه و تحسينه ..
من جميع النواحي ..

ملاحظة :
أقرا الردود اكثر من مرة و استفيد منها و أطبقها .. لكن ما أقدر مرات ارد على فرد فرد بتنسيق
فسامحوني و ما أتقصد التطنيش لاسمح الله .. النت بطئ مرات و مرات من الجوال ادخل و ماقدر اقتبس

.
.

و كمان من يوم مشكلة الأخت مهرة و خاصة أم الدان ..
و أنا أشعر بضيق و رغبة بالبكاء و ما أبغى أشوف زوجي ..

.
.

حالياً هو يشتغل و الحمد لله و بوظيفتين .. و ما نشوفه غير بالنادر ..
و يصرف عالبيت ..

هناك هفوات بسيطة ، لكن عادي تصير بأحسن العايلات ..

.
.

حاسة إني أحتاج لتنظيم جدول حياتي .. و خاصة أموري الزوجية ..
فلا أحد ينقل الموضوع .. بليز hhn


بمساعدتكم .. hth

رد: حياتي محتاجة لتنظيم و ترتيب .. ساعدوني
 

طيب اشوف طبعه وسلوكياته تحسنت كثير

وين المشكلة حاليا ؟

وعن اي نوع من التنظيم تبحثين ؟

رد: حياتي محتاجة لتنظيم و ترتيب .. ساعدوني
 

رد: حياتي محتاجة لتنظيم و ترتيب .. ساعدوني
 

ماشاء الله مايحتاج ننصحك انت تعرفي تديري امورك
بس غلط زوجك يشتغل وظيفتين ارهاق للنفس ولا تلقوا بايديكم الى التهلكة
خلي يوقف عمل ويلتفت لكم ودلعيه

رد: حياتي محتاجة لتنظيم و ترتيب .. ساعدوني
 

للأسف حتى أنا زيك روح تأثرت جداً بالموضوعين خاصه إنه بعد كم سنه راح أنتقل لسبب ما للإنتقال لمدينه بعيده جداً عن مكان عمل زوجي ورح أظطر أعيش فيها سنوات وهو قالي مارح أظل كذا اذا رحتي بفتح محل نسائي 😢 والقهر انه المكان الي بيفتح فيه مليان ببنات جماعتهم ...

مارح أفكر كثير ومارح أستبعد إنه يحصل لي مثل ماحصل لهم لذلك تاركه كل شي لله لو قدر الله انه يحصل بيحصل مهما فعلت وفعلت في النهايه أمر الله جاري والحمدلله أحس براحه إذا فكرت بهذا الشي لا تنظيم ولا غيره يمنع القدر ...

النصيحه الي ممكن أقدمها لك الدعاء

رد: حياتي محتاجة لتنظيم و ترتيب .. ساعدوني
 

السلام عليكم عليكي التفصيل في اي ناحية تريدي التنظيم
لكن شدني كلامك عن تغير نفسيتك بعد موضوع ام دان يجب ان لا تسيري عواطفك سلبيا انما ايجابيا انظري الى ام دان برغم ما عانته الا انها صامده ماشاء الله وقالت لن اترك من عشت معه سنين واجعل انسانة تاخد حياتي
فاي مشكلة تدخلين فيها اوتسمعينها خذي منها الايجابيات وتعلمي منها المواقف لكي يكن لديك رد لو تصادفك
نحن بانتظارك

رد: حياتي محتاجة لتنظيم و ترتيب .. ساعدوني
 

زوجي انسان فوضوي و ما يعرف يرتب أولوياته .. فمعتمد علي اعتماد كلي في تنظيم حياتنا ..
يعني يقول لي دايما ( الي تقوليه .. أسويه / أو ما عندي حل .. إنت قولي / إنت فكري / من يدك هذه لهذه )

بس طبعا لازم يقتنع و بشرط ما أقيد حريته و لا اتعامل بفرض سيطرة أو تحكم أو تسلط ..

.
.

أعطيك مثال ..

كان يشتغل بوظيفته الأساسية .. و وقت اجازته الرسمية ..
يسهر مع أصحابه و كلهم ناس مالهم هدف بالحياة .. دخان / شيشة / معسل / ورق / بلايستشين ..

لكن الحمد لله .. أهون مما كانوا شلته سابقا و زمان ..
عالأقل هذولي يضيعوا طفشهم في الأمور هذه ..

كلمته و قلت له .. يستفيد من وقته و فترة صحته و عمره و شبابه ..
و يلاقي شغلة مفيدة في وقت فراغه .. لإنه اجازته مرات تكون 4 أو 5 أيام ..
يوم يضيعه بالنوم بسبب تعب أيام الدوام ، و يوم لي و للأولاد و الباقي كذا فضاوة و مع أصحابه ..

سمع نصيحتي و الحمد لله و صار يشتغل في شغلة حرة .. و يطلع منها مصروف جيبه و سيارته و كذا ..
و ما يحتاج انه يتدين أو ياخذ مني .. أو يكون ثقيل على أحد ..

صاحبه عجبه شغله و طلب منه يشتغل معاهم في مكتبهم و أعطاه توكيل و شفت التوكيل مختوم من المحكمة ..
و احتمال صاحب المكتب يفتح فرع اخر و يخلي زوجي له نسبة معاه ..
و صار له راتب ثابت و بسيط من المكتب .. و تجيه مرات مكاسب بسيطة 200 أو 500 ريال ..

زوجي لانه اجتماعي و الشغلة التانية فيها تعارف و علاقات مع أصحاب المكاتب و كذا ..
عجبته الشغلة .. لإنه ما يحب الشغل المكتبي و الروتيني ..

.
.

المشكلة ..

ما صرنا نشوفه أبدا .. صبرت 3 أو 4 أشهر ..
هو كمان بدأ يصير عصبي و جاف .. و يتحجج بإنه جاله الضغط و بدايات السكر من الإرهاق و قلة النوم ..

تحملت و سكتت .. و نفس الوقت أراقب كل فترة و أتأكد إنه فعلا بيشتغل ..

لكن أنا كمان بدأت أشعر بالضغط ..
و هو يقول سمعت نصيحتك و استغليت فترة صحتي دحين ..

و صار يردد علي ، الكلام الي كنت أقوله له ..
يقول لي ( لو ما اشتغلت دحين .. متى يعني ؟ لما أكبر و أعجز ؟ و استفيد اتعرف على اصحاب المكاتب
و اعمل علاقات من خلال عملي بالمكتب و ممكن استفيد )

.
.

ايش المطلوب مني أخوي ؟
المشكلة انه مو منظم وقته أبدا .. ومو عارف كيف ينظمه و يقول لي اعطيني إنت الحل ..
و نفس الوقت ما أبغى يتخلق بيننا - جفاء عاطفي - و لإني صرت مرات أستنى متى يخرج ..
تعودت اني اجلس لوحدي بالبيت .. و أحس بتتصنع حواجز بيننا ..

مليت اني أنا اللي اهتم و اطبطب ..
و هو يجي هلكان و يشخر و يقوم و يخرج .. ناكل لوحدنا و ننام لوحدنا ..
لدرجة لما يجلس معانا .. أولادي يغاروا علي من أبوهم و تعلقوا فيا أكثر ..

هذه أول مشكلة تحتاج لتنظيم
حتى أمه كلمته و قالت له .. نظم وقتك و لا تهلك صحتك و عندك حرمة و أولاد و بيت ..

هو يقول لي ( ما عندي حل .. عندك حل ، أعطيني .. لكن الشغل بالمكتب ما راح أتركه
و لإني بأسدد منه ديوني .. و قالي اتحمل تعب الجسد و لا اتحمل هم الدين و قهر الرجال ) <--- ترى زوجي تغير كثير و أول مرة كذا يجلس يفكر .. و شي حلو و ايجابي

ما أبغاه يترك شغله .. لإنه راح يرجع للفضاوة ..

لكن شوية ( تنظيم ) و يعطينا من وقته ..

و حتى تعامله صاير جاف .. و مكشر و دمه ثقيل بعض المرات ..

يحاول يسعدني و يريحني ماديا - قدر المستطاع و بحدود استطاعته - ..
بس أنا ما أدور عن الفلوس .. و هو يشوف انه هذا هو معنى الإهتمام

رد: حياتي محتاجة لتنظيم و ترتيب .. ساعدوني
 

و الشي الآخر ..

مرات اقول ما بغى أحسسه إنه كل شي تمام .. و أِشيل الحمل لوحدي ..
لازم أحسسه اني تعبت من مسؤولية البيت و الأولاد لوحدي .. و أخليه يصرف و يتحمل مسؤوليتنا
( ترى ما أثقل عليه .. أقصد أخليه يصرف يعني .. 20 ريال أو زي كذا )

لإنه مثل ما يعرفوا الاغلبية إنه - شخص اتكالي - ..
لو ما عملت كذا .. بيشيل يده نهائي من كل شي ..

و لما أشوف مشاكل العضوات اللي ضحوا و تعبوا مع أزواجهم .. و كان المقابل للأسف - نكران من الزوج -
و أزواجهم كانوا يغيبوا بالساعات بحجة العمل ..

اضطر إني بعض المرات أزن عليه و اطلب منه يعطينا من وقته و يستقطع لنا وقت و يخرجنا فيه ..

بس برضو الموضوع محتاج لتنظيم و ترتيب ..
حاسة كذا الوضع ملخبط و مافي نظام ..

رد: حياتي محتاجة لتنظيم و ترتيب .. ساعدوني
 

رد: حياتي محتاجة لتنظيم و ترتيب .. ساعدوني
 

هو لو يجلس بوظيفة وحدة و يجلس ايام إجازته معانا ..
ما عندي مشكلة ..

بس ما يتحمل زوجي يجلس بالبيت ..
حتى لو ياخدنا و يلفلف بما الشوارع ..
عقدته جلسة البيت بسبب قبل الزواج كان ابوه يمنعه يخرج و يتعرف على احد و لحد ما تزوج ..

فالشغل التاني كان الهدف انه لا يجلس فاضي و يضيع وقته مع اصحابه في الاستراحات و ورق و شيشة و بس ..
لكن هو مرررررررة صار بزيادة .. لانه شغله التاني يتعلق بالمعتمرين و الحجاج و حجوزات و كذا ..
فضروري حتى بعد ما يقفلوا المكتب الساعة 12 الليل .. يروح يلفلف على الباصات و اصحاب المكاتب و زي كذا

بس مرة ما صار لنا وقت .. ابداااااااااااااا
و لو فيه وقت .. اشوفه تعبان و يشخر ..
و اخر مرة طاح من الإرهاق و راح المستشفى اعطوه مغذي