في حيرة من امري اخذ قرض او لا
 

السلام عليكم ورحمة الله

انا للتو توظفت..مشكلتي هي زوجي يبغا قرض بيفتح مشروع..مع تعههدات انه حيدفع القرض كل شهر ...مشروعه اعتقد انه ناجح باذن الله ..خايفه اخذله واندم سمعت كثير اخذوا قروض لازواجهم وندموا واخاف ماخذ. له وينقلب علي هو زين معاي وطيب حاليا ..مشكلتي مو انه اخاف مايسدد مايهمني كثير لكن خوفي انه خلاص تصير عاده كل شوي افك له زنقه ..
وهو فعلا محتاجها...محتاره جدا ارشدوني

(مكانه الأنسب)

رد: في حيرة من امري اخذ قرض او لا
 

استخيري احس صعبه ترفضين بس لاتاخذين مبلغ كثير اذا كان طيب معك وماتدرين عن الغيب اهم شي اذا بتساعدينه انسي ولاتقعدين تكررين عنده انا ساعدتك وبالنسبه للضمان مااحد ينضمن ،،،
انا اخذت لزوجي قرض وبعدها بفتره بسيطه خطب وحده ثانيه!!! ومع اني زعلت واخذت موقف لكن ماجبت له طاري القرض ابداً الى يومك هذا مع العلم اني انا اللي اسدده !!!
لاتفكرين ان هالشي بيرده ،،

رد: في حيرة من امري اخذ قرض او لا
 

والله يا اختي هالموضوع القرار لك استخيري الله
لكن ليه تحملي نفسك قرض عشان مشروع ممكن ينجح وممكن يفشل
الافضل اقنعي زوجك تنتظروا سنه
وخلال هالسنة اجمعي مبلغ المشروع وادخلي شريكة براس المال وهو بالعمل

رد: في حيرة من امري اخذ قرض او لا
 

هل المشروع اللي بيسويه لاجل انه محتاج ماديا ولا لاجل التجاره
والقرض اللي يبي ياخذه بفايده ولا تورق ؟
اذا بفايده ربويه اكيد لازم ترفضي
وفي الحالتين فكري ألف مره واستخيري

رد: في حيرة من امري اخذ قرض او لا
 

وثقي كل شيء..

وتقدرين تخلينه يشتغل بالمشروع باسمك
راس المال منك انتي والارباح نص بالنص ويتسدد لك راس المال.. غالبا بيرفض الاقتراح

لكن الحق حق!!

رد: في حيرة من امري اخذ قرض او لا
 

الحذر واجب اختي وانت ادرى بطبع زوجك وعادته اعرف وحدة طلب منها زوجها قرض وسحب عليها وما دفع شي ولافيه اشياء تثبت انه تسلف منها وطلب بعدها مبلغ ورفضت تعطيه صارت مشاكل وانفصلو ولا سددها ولا هلله وكمان رفض يرجع اغلب عفشها اللي اشترته على حسابها فانا اشوف لو بتسلفينه وثقيها

رد: في حيرة من امري اخذ قرض او لا
 

الغالب أن التعامللات المادية بين الزوجين تسبب الكثير من الإشكاليات..
,اكبر غلط أنه يقترض لكي يفتح مشروع حتى لو كان ناجح..

أنا أرى أنك ترفضي بطريقة مناسبة..
وليس من حقه أن يزعل أو يتضايق..
أنا أقلك هذا الكلام لأني وقعت في نفس الحفرة..
طارت الفلوس وأنا اللي سددتها ريال ريال زنقة زنقة..

لم أكترث للمبلغ الذي دفعته، لأني كنت مقدم سورة الحشر..
أي أني كنت متوقع هذا الموقف..
لكنها أثرت في نظرتي تجاهها..
أصبح في النفس شيء عليها..
لكن الله يستر عليها ويسامحها..

القرار لك، ولكن لو أنا في مكانك أكيد راح أرفض..
وفقك الله

رد: في حيرة من امري اخذ قرض او لا
 

ممكن تقولي له بعطيك المال بس كشريكة أنا بالمال وانت بالجهد .. وهنا ضربتي أكثر من عصفور بحجر واحد ..ولازم هالشيء يتوثق كشراكة في المشروع وأبدا مافيها إحراج لك..يصير وقفتي مع زوجك وضمنتي حقك وعودتيه إنك ماتعطيه كذا .. واستخيري

رد: في حيرة من امري اخذ قرض او لا
 

نصيحه لوجة الله لا تطيحى نفسك بالقروض ومن بداية وظيفتك
يزعل مو من حقه و مهما تعهد مافيه ضمان حقيقي ..

اما مسالة لا تمن عليه
اشوف زودها الازواج يجبرك بطريقة غير مباشره تاخذى قرض
وبنفس الوقت يزعل ان تكلمتى .. سياسة ظالمة

لا تاخذى قرض مهما كان واغلب القروض ربوية ..

رد: في حيرة من امري اخذ قرض او لا
 

كم لكم متزوجين؟
وكيف راتب زوجك؟
وكيف تعامله معك؟
وهل هو كريم ينفق عليك بسخاء؟
ومن اللي سعى وراء الوظيفة انتي ولا هو؟