منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجي يضربني من جديد (http://www.66n.com/forums/showthread.php?t=265679)

أم الشبل الصغير 23-02-2016 09:37 AM

زوجي يضربني من جديد
 
السلام عليكم و رحمة الله و بركاته
صباح الخير


كان عندي مشكلة مطروحه هنا

باختصار كنت ببيت اهلي بسبب ضرب زوجي لي
و رجعت له بتعهد و اعتذار منه امام اهلي و اهله


و رجعت له و كنت متوقعه انه تعدل
و ماعاد بيمد يده علي
و انه طول الفترة اللي جلستها عند اهلي كانت درس له
لكن للأسف الشديد
كل توقعاتي خابت
طبعا لولا طفلي ما تنازلت و رجعت له لكن هو المحك هو اللي كاسر ظهري


تفاجأت بمرور او مشكلة انه حاول يمد يده و ذكرته و نبهته و قلت له لا تضرب عشان ما ينعاد السيناريو كله
و ابتعد
المره اللي بعدها ضربني !
و ضرب مبرررح و جسمي صار كله كدمات
وخدودي كان واضح عليها اثر اصابعه لانه ضربني برضو ع الوجه
و لما انتهئ اخذ العصا و صار يضرب بطريقه لا انسانية و صار يطلب مني طلبات و اذل رفضت ضربني فيه من ضمن الطلبات حقه الخاص رغم اني ما امتنع و اعرف حرمة هالموضوع ...
عرفت وقتها انه فعلا فقد عقله

طبعا جوالي و لما يطلع من البيت يقفل الباب حتئ يتأكد اني ماراح اخرج



مر يومين ثم خطط لسفره و ع طول سفرني و كنت مكرهه لكن خائفه منه


بعد السفر كني نسيت و رجعت حياتي طبيعية نوعا ما



بعدها برضو تمشكلنا و رجع بضرب تنتهي
و جسمي كله تبقع بقع موف و زرقاأء
و ضربني ع فمي و نزفت شفتي و تورمت


صار اذا رفضت له طلب يركض عندي و يكتم انفاسي لين خلاص اختنق ثم انفذ اللي يبيه
شفت الموووت بالحركة ذي او ياخذ بطانية و يلف راسي فيها و الله اني صرت افز من نومي بسبب هالحركة
لكنه بكل مشكلة يسويها و انبسط اني اخاف منها
اخر مره هددني بالسكين و انه خلاص بيذبحني و يرتاح
انا فعلا صرت اشك فيه و اخاف منه فعلا يذبحني او يخنقني






ليه عرضت كل هذا
لأني مخنووووقه بكل مشكلة ينسحب الجوال و يتقفل الباب علي ليييييين تنتهي يا اما بصراخ منه انه خلاص انهي المشكلة. او اني ابلعها

ممكن ما احد بيفيدني منكم لكن فعلا مو قادره اتصرف
و لا قادره اكلم احد من اهلي لاني ما ابي فضايح اكثر


و اذا هدأ وراح الشيطان عنه جلس يلومني و اني السبب بكل هذا
و اللي سواه كله ردة فعل
طبعا بدون اعتذار او مراضاة
كله عتاب لي


انا تعبت و انهنت و انكسرت

الان متألمه من ضربه لي هذا الصباح قبل ما يطلع لدوامه "":::

اكمل بوقت لاحق

ٍٍSAMA 23-02-2016 09:53 AM

رد: زوجي يضربني من جديد
 
وعليكم السلام ورحمة الله وبركاته
استفزني موضوعك جداً, انظري للمستقبل مع هذا الرجل؛ هل ثمة مستقبل؟
صبرك على هذه المعاملة من أجل طفلك هو ايذاء لطفلك, سوف ينشأ مشوه نفسيا وهو يرى كل هذا العنف, أرجوك أنقذيه, وتأكدي أن الحياة بعيداً عن أحد الأبوين تكون أحياناً أصحّ للطفل وللأم من الحياة التي تعيشينها. أنتِ أيضاً لن تستطيعي أن تربي طفلك مالم تكوني أماً قوية, انتزعي حقك في الحياة الكريمة وحق ابنك بشرع الله الذي يؤكد على صون النفس عن كل مايهلكها ويؤذيها. هذا الرجل مريض تماماً أو ربما مدمن مخدرات.

خالد_عبدالله 23-02-2016 09:56 AM

رد: زوجي يضربني من جديد
 
كل هذا الضرب والاهانه وبعدك صابره عليه .. !!
مادري شو اقولك بصراحه مافهمت وين المشكله .. بس مهمى كانت ما توصل انه يعنفك بهذه الطريقه .. هذا ضرب اجرامي في حقك .. ضرب بالعصي وكتم الانفاس !!
اتمنى انك تروحي بيت اهلك ويتعهد انه ما يمد يده مره ثانيه .. او المحاكم واتمنى تكون اخر الحلول ..
الله يصلحه ان شاء الله ..

واتمنى انك ما تاخذي بكلامي الا بعد ما تشوفي رد عدد كبير من الاعضاء .. انا حكمت لاني رحمتك بسبب الضرب اللي تتعرضين له .. وشاوري نفسك وشوفي شو الحل اللي يريحك ..

Zainab123 23-02-2016 09:57 AM

رد: زوجي يضربني من جديد
 
وش تنتظري ياأختي ؟ تنتظري لما يضربك أكثر الى أن تفقدي وعيك أو يتسبب لك في إعاقة دائمة لا سمح الله؟؟
اهربي منه والجأي الى اهلك وخبريهم بكل شي ,,موضوع الضرب لا تسكتي عنه أقل شي تحمي طفلك ..

شبح الفراق 23-02-2016 10:00 AM

رد: زوجي يضربني من جديد
 
وعليكم السلام ورحمة الله وبركاته
أعانك الله أختنا وحفظك وولدك من كل سوء .. وأسأله أن يكفيكي أذى زوجك وأن يصلحه ويهديه
للأسف زوج بهذا التعامل يا يمكن العيش معه
لا تسكتي عن حقوقك أختي الكريمة

إلهآم 23-02-2016 10:04 AM

رد: زوجي يضربني من جديد
 
_


يا إختي وش مصبرك عليه ؟
وش حادك تتحملي كل هالعنف والضرب

عشان ولدك ؟
ع اساس ولدك الآن عايش ببيئه صالحه واب واعي وناضج ومُحب

صدقيني هاشئ له تأثير نفسي كبير عليه

لازم تخبري اهلك يتصرفو معاه ، لاتسكتي عن حالك

بكرا لاسمح الله يسببلك عاهه مستديمه ، وتخسري صحتك بسبب سكوتك


طمووحه 23-02-2016 10:06 AM

رد: زوجي يضربني من جديد
 
ايش تستني؟؟
اللي وصلت معه للخنق والسكين ما تستغربي منه شي!!

انفذي بجلك انتي وابنك
وتعوضي خير لنفسىك وابنك

شاطى الراحة 23-02-2016 10:08 AM

رد: زوجي يضربني من جديد
 

حنا نسمع من طرف واحد ..ولكن
هو ليش يضربك وش الاشياء الي ترفضين تسوينها
هل هي مخالفة لشرع؟ ..او على الطالعة والنازلة ترفضين

الإشراقة! 23-02-2016 10:17 AM

رد: زوجي يضربني من جديد
 
اقتباس:

المشاركة الأصلية كتبت بواسطة شاطى الراحة (المشاركة 3379609)

حنا نسمع من طرف واحد ..ولكن
هو ليش يضربك وش الاشياء الي ترفضين تسوينها
هل هي مخالفة لشرع؟ ..او على الطالعة والنازلة ترفضين

ما في ولا سبب في الدنيا يبرر له ضربه بهذه الطريقة الوحشية المهينة مهما فعلت

انفذي بجلدك منه مو عارفة ايش تنتظري ..مريض ومستحيل إنسان سوي

هذا يستاهل أكبر فضيحة

لماذا نتزوج ؟ 23-02-2016 10:55 AM

رد: زوجي يضربني من جديد
 
اجمعي الادلة

احضري جوال اخر وشغلي به التسجيل سواء بصوت او بكاميره

وبعد الهواش صوّري اثار الضرب بجسمك

واشتغلي تجميع

واول فرصة او مناسبة عائليه ارسلي الصور هذه لاهلك

مالم تكوني تريدين الاستمرار معاه

عاد وقتها تحملي الضرب بشتى انواعهه حتى تأتيه المنيه ويتوفاه الله

لكن عندي ملاحظة

سبحان الله

كل هذا الضرب والجلد وسلوكك وصوتك وعنادك ماتغيرو!


الساعة الآن 08:05 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©