منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زعل زوجي من الاشياء التافهه .. يجنني ! (http://www.66n.com/forums/showthread.php?t=265703)

نوني الحزينه25 24-02-2016 02:42 AM

زعل زوجي من الاشياء التافهه .. يجنني !
 
السلام عليكم ،
الاسبوع اللي فات كنت تعبانه انا وبناتي ورحت ارتاح عند اهلي
المهم انو يوم الأحد جا زوجي الليل ياخذنا وتوني راكبه السيارا ماقلنا بسم الله
وهن يسولف ومسفهل واشتقت لك قلت لو انا بعد ي قلبي
وتنط بنتي الكبيره ( خمس سنوات و 9 اشهر ) تقول بابا ماما تكذب
تقول ل يبه ( اللي هو ابوي ) انا ماحب زوجي خله يموتني ههههههههه
كلام سخيف انا جلست اضحك قام انقلب الرجال وتغير وجهه وراحت كل السعاده
وشغل اغاني قلت طفها بسولف معاك اشتقت لك قال لا افضل من ماتقول البنت شيء اعظم !
قلت يوو تمزح تصدقها بزر ! مارد علي وخلاص خذا وضعية الزعلان ويبتسم ابتسامات سخريه
ويقول كنت داري من زمان ( الطريق طوييييل لبيتي وهو صااامت اعرفه زعل !
لما نزلنا وحت لبنتي قلت ي ماما ليش تكذبين شوفي بابا زعل روحي له قولي الصدق راحت ورجعها وقال لو واثقه انك ماقلتيه ماهتميتي كذا قلت اهتميت لانو مو حابه اعيش الزعل مليت ابي نكون طبيعين انتا ماتزهق من النكد !!! طبعا مايرد ومايكلمني لليوم بس امور عن البيت ويطلع ومايرجع الا متأخر وضعية الزعلان بالعربي !!

/

الاسبوع قبل اللي فات كان عند بنتي حفله بالمدرسه وطالبين نرسل صورها بفلاش عطيته جوالي عشان ينزل الصور كنت مشغوله مع الرضيعه وليتني ماعطيته سوا بحث شامل وشاف صوري وعملها ليله سوداء وجلس زعلان اسبوع يقولي كم مرا قلت لك لا تصورين
قلت له عادي امسحها وبعدين من عرفت نفسي ماعمر جولاتي ضاعو او انسرقو ! وطبعا وضعية الزعلان اسبوع !! ومايرضى الا بطلعة الروح وبتهديد ووعيد

/
تعبت من عدم ثقته فيني اي شيء يفسره على كيفه موقف بنتي فسره انو فعلا ممكن اقول هالحكي !! مع انو والله انا ماجيب سيرته وسوالفي مع اهلي ماتخصه يعني مو لشيء يخصه وان جبته فهو موقف صار لنا مو تشكي وماحب زوجي للان اضحك كيف ممكن طفله تعمل تتش بين امها وابوها لو اني متخلفه كان جلدتها لين تحب الارض بس الحمدلله انا احبها كثير وادري انها طفله وممكن تقول افضع من كذا بس احنا المفروض مانصدق وقلت له بس مايسمع لي

عدم ثقته شكه تحليله للامور على كيفه تعبت كني متزوجته امس !
حتى وصل فيه انه مايثق اني فيني مميزات او مرغوبه او حلوه اذا راح لاهله ومدحوني ي الله يجيني طاير كنو يحتاج ان احد يمدحني !! يعني الحمدلله اهله يحبوني لان لو يكرهوني ويسبوني ويتبلون علي راح يجي ويصدق فيني الى متى راح عيش معاه معاناه سلكت سكت مشيت هو الا يزعل واذا اتخذت موقف وزعلت انا استمات عشان ارضى احس اني على حدود الانفجار من كثر مشاكله ومرررره بخاطري انزل الشنط اللي فوق الدولاب وروحه بلا رجعه تعبت تعبت معه يموت بالنكد والصراخ والمشاكل !!

نبض قلب.. 24-02-2016 03:05 AM

رد: زعل زوجي من الاشياء التافهه .. يجنني !
 
... هالنوعيه من الرجال متعبه يبغالك تددقين في الششي قبل لاتسسوينه ..

الله يعييينك ..

أُويس 24-02-2016 03:33 AM

رد: زعل زوجي من الاشياء التافهه .. يجنني !
 
انتي نفسها اللي كتبت في رد تحب بيت اهلها وكل شوي نايمه عندهم وتكرهين بيتك ؟


سبحان الله كيف مكذب زوجك النفسيه انك تحبينه وتحبين بيتك ولا ودك تتركينه ليله ومصدق بنت صغيره تقول كلام يوافق ما قلتيه مره هنا في المنتدى واصلاً الكلام هذا مستحيل بنت صغيره تألفه من راسها لانها ما تعرف وش معناه في الاساس .،

التشكي سهل يوم الواحد يدور العيوب لكن تقصيره وعيوب نفسه يغفل عنها

روح الطير 24-02-2016 04:04 AM

رد: زعل زوجي من الاشياء التافهه .. يجنني !
 
الطفل ما يكذب و يألف كلام مثل كذا من راسه ..

و موضوع الصور .. تقولي صار لكم سنوات متزوجين و ما عرف طبعك ؟

طيب المفترض نقلب السؤال ..
صار لكم سنوات متزوجين ، معقولة ما عرفتي طبعه ؟
ما قال لك كم مرة لا تتصوري ؟
ليه تعملي شي من وراه و تفقديه الثقة فيك ؟
ليه تتصوري و تعرفي إنه يتضايق و يزعل ؟

.
.

راجعي نفسك قبل لا تلوميه

سكر2 24-02-2016 04:56 AM

رد: زعل زوجي من الاشياء التافهه .. يجنني !
 
طيب زعل وقعد اسبوع مايتكلم معاك
ايش المحاولات اللي جربتيها معاه لرضاه؟؟

شاطى الراحة 24-02-2016 06:10 AM

رد: زعل زوجي من الاشياء التافهه .. يجنني !
 
نسال الله السلامة

السيد مهندس 24-02-2016 06:11 AM

رد: زعل زوجي من الاشياء التافهه .. يجنني !
 
الله يصلحك
اعتذري منه واطلب السماح
واعطي زوجك يعطيك

أُويس 24-02-2016 06:33 AM

رد: زعل زوجي من الاشياء التافهه .. يجنني !
 
الرد هذا موجه لك ولغيرك ليعتبر

الرجل يبغى زوجه مطيعه في ما يوافق شرع الله .، لا تبحث عن مشاكل لترتاح في بيت اهلها .، تظهر له الود .، الاحترام التقدير

اذا تغير الرجل واصبح يتحزز من زوجته ويزعل من اتفه الامور زعله هذا ماهو بسبب الامر التافه ولكنه رد فعل لتصرفات من زوجته متعبته فيها ولا اعتدلت .،
احفظي بيتك وزوجك لان اذا استمر وضعك كذا بيروح الحب اللي يعاملك فيه وبيفتح عيونه وما بيشوف الا انسانه متعبه ما تستاهل يصبر عليها

مسز داني 24-02-2016 06:39 AM

رد: زعل زوجي من الاشياء التافهه .. يجنني !
 
ما احس المواقف تافهة مرة
نجي للموقف الاول
بنتك كم عمرها؟ومن فين جابت هالكلام. هل هي مزوح. او سمعتك تقوليه من باب المزح. او لحظة غضب. و هي تقلدك او تذكرك

ثانيا موقف الصور
لا يوجد شيء اسمه. انا من عمري ما انسرق عندي جوال😳ترى ما يعتمد على الحظ و الشخصية
كلها احتمالات و المؤمن الفطن ياخذ الاحتياط. لان الاحتياط واجب
غلط نقول مستحيل ينسرق الجوال. إنما نقول فيه احتمال ينسرق و تتكشف صورتي حتى لو ماحد عمل شي بالصور. فعيب و حفاظ على الحجاب. و احترام غيرة زوجك.

خالد_عبدالله 24-02-2016 06:43 AM

رد: زعل زوجي من الاشياء التافهه .. يجنني !
 
البنت ما بتقول هذا الكلام الا انها سامعته منك او من غيرك في بيت اهلك .. فاكيد ها الشي راح يزعله ..
ثاني نقطه صورك ف الجوال .. قالك كم مره لا تتصوري وخلصنا .. ما سمعتي كلامه اكيد راح يزعل ..
اشوف زعل زوجك مبرر ..


الساعة الآن 06:20 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©