زوجي شاف رسالتي مع اهلي فالوتساب عنه
 

السلام عليكم
انا بصراحه متوهقه مع زوجي
زوجي كان جالس لحاله ومعاه جوالي يطقطق فيه ويلعب
شوية دخل على الوتساب بالغلط وعلى قروب العائلة
وحصل كلامي عنه انه هو سوالفه ممله ومايعرف يسولف
وحقق معي وانا قلتله انها مزحه وانا نيتي مزحه مو سبه فيه
قام قالي وش يثبت لي انها مزحه؟؟؟
وقام يحقق وزعلان مني الحين
وزعله قوي جدا يعني يقطع عني شغلات كثير واهمها الطلاق العاطفي
شنو اسوي متوهقه هو ماراضي يصدق انها مزحه

رد: زوجي شاف رسالتي مع اهلي فالوتساب عنه
 

هذي مو مزحة .. هذي غيبة "ذكرك اخاك بما يكره"
و للامانة يحق له ينجرح .

اعتذري منه اكثر
و ان شاء الله هالمشكلة تكون دافع لتغيير سلوكك جذريا
و احترام شريك حياتك و عدم التهكم عليه

رد: زوجي شاف رسالتي مع اهلي فالوتساب عنه
 

وعليكم السلام ورحمة الله وبركاته..

نعم أخطأت واثبتي له بالفعل، وليس بالقول

افعلي أي شيء يحبه..

وهذا درس لك كي لا تخرجين خصوصياتك مع زوجك مهما كانت لأي أحد ولو أقرب الأقربون..

واحترمي ألفاظك التي تخرج عن زوجك ولا تذكريه إلا بخير وحب له دون أي استنقاص منه..

رد: زوجي شاف رسالتي مع اهلي فالوتساب عنه
 

كيف مزحة شي مايدخل العقل !!
الصدق كلامك يزعل تخيلي نفسك مكانة
ولقيتي في قررب اخوانة كاتب عنك
شي مو كويس بعدين قالك هذة مزحة >> ايش رده فعلك ؟؟

انتي لو قلتي خايفة عليك من المدح واحنا الحريم مابنحب نمدح ازواجنا قدام احد حتى مايحسدوننا ممكن يمشيها
بس مزحة ؟؟ >> ماتدخل العقل الصراحة

الله يحنن قلبة عليك ...
حاولي تفاجأينه بحاجه يحبها ممكن يرضى ويحس بقيمتة عندك
موفقة

رد: زوجي شاف رسالتي مع اهلي فالوتساب عنه
 

عموما اللي سويتيه مو كويس، لكن لازم تشوفين لك مخرج، وانا اقترح انك تقولين له الحقيقه اخاف من عيون الناس تصيبنا ولذلك استخدمت هالاسلوب وانت عارف الناس ما تعطي خير، وهذا هو السبب الوحيد اني حابه احافظ ع بيتنا وانت لو تعرف مجتمعات الحريم بتعذرني..

اتوقع بتنحل كذا، لكن المهم ان تتذكرين ان هذا زوجك ومهما كان ما يجوز تذكرينه بسوء..

رد: زوجي شاف رسالتي مع اهلي فالوتساب عنه
 

هذي البربر بالوتس اب ونتايجها
ونتي تبين انسان كامل مكمل
انتي يمكن فيك عيوب الدنيا كلها
والمثل يقول الناقة ماتشوف عوجة رقبتها
المفروض بدل ماتكتبين لهلك هالملاحظات
قوليها لزوجك بسلوب حلو تكبرين بعينة
يعني انتي متصورة ان اهلك بيعطونك
حل سحري عشان زوجك يسولف معك
يمكن انتي مملة بعد بس ما شكى لحد
من حقة يزعل لانك طلعتي اسرار البيت

رد: زوجي شاف رسالتي مع اهلي فالوتساب عنه
 

الحل

تعتذري لزوجك - أمام أهلك - ،، مثل ما - سخرتي منه -
و تكبريه أمام أهلك

و فعلا هذه ماهي مزحة

رد: زوجي شاف رسالتي مع اهلي فالوتساب عنه
 

يعني شو استفدتي يوم تنشرين الصفات الشينه في زوجك قدام اهلك .. بدل ما تصارحينه بعيوبه اذا كانت صدق فيه ..
ومن حقه يزعل بصراحه .. وينجرح ..
والله ماعرف شو اقولك .. غير انك تروحين تعتذرين له وتصالحينه وان شاء الله انه بيرضى ومستحيل انه ينسى ..

رد: زوجي شاف رسالتي مع اهلي فالوتساب عنه
 

والله تلاقيه...... من اشياء كثيره منك لكنه انسان عنده ذوق
وما يبغا يجرحك


تضمني ما يكون صوتك بشع بنظره وساكت؟



على الاقل هو كلامه ممل فقط


بختصار ما كنتي تمزحي
شفتيه رجل اخلاق
قليتي ادبك عليه امام اهلك

اعتذري وبرري
كيف مدري تصرفي زي ما تحمستي مع اهلك بالحش فيه
تحمسي تطلعي نفسك وتكسبي زوجك

لو كرهك ما بينفعوك اهلك اللي تهايطين معهم على زوجك
ترى هيبتك وهيبة عيالك بكره عند اهلك من هيبة زوجك يا حلوه
كل ما نقصتي من قيمته كل ما استخفوا فيه
حتى بالعزايم تلاقينهم يهتموا بازواج اخواتك
لانهم ما ينقصوا قيمتهم امام اهلهم

الله يعينه

رد: زوجي شاف رسالتي مع اهلي فالوتساب عنه
 

أخيتي :

★ عليك الاعتذار منه حتى يرضى
★ ثم دعاء الله توبةً نصوحةً و إصلاح حالكما
★ عدم العودة الى الذنب كرَّةً أخرى !.

و أخيرا : أرى صوابا فيمن نصحك رفع شأنه في حضور اهلك دون مبالغة !