الكلمة الطيبة / mimomea
اختي الكريمة mimomea السلام عليكم ورحمة الله وبركاته الحمد لله على سلامتك انتي والعائلة الكريمة من الوعكة الصحية التي اصابتكم واتمنى انكم تكونو بصحة وعافيه اختي الفاضلة انتي تمتلكين منتج يندر وجوده هذه الأيام (اكتشفت وجوده عندك من زمن بعيد) وهو ذو قيمة عاليه وله أثر فعّال جداً على شرح الصدور وانعاش القلوب (بلا أي مبالغه) واحتمال انك غير مدركة لامتلاكك هذا المنتج او المٓلٓكه او الموهبة او القدرة او الخُلق الكريم ماشاء الله تبارك الرحمن وبما اننا (انا وانتي واغلب الأعضاء) ما تواجدنا هنا الا لكسب الحسنات والدلالة على الخير وقضاء الوقت المفيد مع صحبة رائعه لذا اطمح في أن تمنحيني شرف اكتشاف سر هذا المنتج لديكي من اجل نشر صناعته بيننا نحن الأعضاء ومن ثم ننشره بين عوائلنا ومن ثم ينتشر للمجتمع وكله بمشيئة الله سيكون في ميزان حسناتك عندي بعض الأسئلة التي تسلّط الضوء حول تركيبة هذا المنتج وماهيته وشفرته السريه (حتى ان كان موروث وليس مكتسب ( من ضمن الاحتمالات الواردة) وجزاكم الله خير اوووه صح نسيت اقول اسم المنتج اسم المنتج : الكلمة الطيبه ماشاء الله عليكي تمتلكين قلماً شديد الحلاوة رطب بالمحبة وتفوح منه رائحة التفاؤل والسعادة انا اللي مالي علاقة بكلامك اللي يكون موجه لإحدى العضوات (للأخت مهرة على سبيل المثال في احدى حوارات الكوفي ) استمتعت بأثر هذه الكلمات التفاؤليه الجميلة الرنانة فما بالك بأثرها على العضوات انفسهن! لذا اطمح واسعد بأن تساعديني في اجابة بعض مما لدي من اسئلة نحو هذا المنتج الذي تمتلكينه ماشاء الله سوف اكون سعيد بموافقتك :D |
رد: الكلمة الطيبة / mimomea
وعليكم السلام ورحمة الله وبركاته اخي الكريم لماذا نتزوج ؟
الله يسلمك اخي ومشكور كتير على تحمدك بالسلامة الي ولعيلتي ربي يحفظلك عيلتك واحبابك من كل سوء الحمد والشكر لله كلنا بخير هيدا بفضل الله ثم بفضل الاعضاء الطيبين ودعاؤهم اول شي بدي اتشكرك على كلامك اللي بعتبره شهادة ووسام بفتخر فيه وخاصة من شخصك الكريم لاني بعتبرك استاذ بستفيد من فكره وطريقة تحليله للامور باي مشكلة بتنطرح او طلب اي عضو لتقديم مساعدتك له وبحب استفيد من خبرتك ولو من ورا الكواليس جزاك الله خير الجزاء على كل حرف وكل جهد عم تبذله وتقدمه والكلمة الطيبة الحمدلله بنسمعها من ناس كتير والدنيا فيها الكثير من الخير ومن الناس الطيبين وان شاءالله اقدر اعطيك الاجابة الكافية اللي بدك ياها وتكرم اخي الكريم انا حاضرة لاي سؤال احترامي |
رد: الكلمة الطيبة / mimomea
جزاكي الله خير على الموافقة واشكرك على اطراؤك الجميل الله يسعدك ويجعلني عند عشمكم فيني نبدأ بسم الله 1- النشأة : س1- هل وجدتي نفسك كذا بتقولي كلمات حلوة تفاؤليه تشرح الصدر وتشحن الطاقات، ام علمتي نفسك بنفسك؟ س2- هل تختاري الكلمات ام تخرج نفسها بنفسها؟ س3- هل الكلام صادر من العقل ام من القلب؟ س4- كيف بتطلع معك هذه الكلمات؟ كيف احساسك ونيتك وهدفك وطريقتك عند قولها؟ س5- لماذا بتستخدمي هذه الكلمات الطيبات الحلوين؟ |
رد: الكلمة الطيبة / mimomea
اقتباس:
والله يا اخي لماذا نتزوج على قد ما السؤال واضح وعلى قد ما بتشكرك لانو طريقة طرحك للاسئلة قريبة لاسلوبي ولهجتي وبساطتي بالكلام على قد مش عارفة كيف وصلك الجواب لانو اذا بسأل حالي انا ليش بستخدم هالكلمات ؟ هل لانو طبعي بيحب المرح او انا من الشخصيات المتفائلة واللي كنت معروفة بايام الدراسة بخجلي مع الاشخاص العاديين وبجرئتي وفرفشتي مع الاشخاص المقربين او اللي بتحب تضل تسمع هيك كلام لانو ربيت على هالشي ولانو هالشي بيعطيها شعور كتير حلو فبتحب تخلي الاشخاص اللي بتتعامل معهن يشاركوها بهالاحاسيس الحلوة او لاني اتعودت اسمع هيك كلام فصرت اعطي هالشي تلقائيا او....الخ بتمنى كون قدرت اعطيتك الاجابة اللي بدك ياها اخي الكريم لماذا نتزوج ؟ واذا حسيت في شي ناقص بتمنى تسألني عن اي شي لهلئ بعد ما وصلك اخي الكريم وسعيدة بحواري معك احترامي |
رد: الكلمة الطيبة / mimomea
2- التطبيق: س1- هل هي في المنتدى فقط ام مع اناس محددين ام مع كل الناس؟وهل فيه اناس مايستاهلوا كلامك الحلو؟ س2-حسب مافهمت من اجابتك على فقرة (النشأة) ان هذا الكلام الطيب الحلو شيء تعودتي عليه منذ الصغر، طيب مع التطبيق هل اضفتي شي او حذفتي شي؟ 3- اثرها عليكي: س1- هل عائلتك (زوجك وابناؤك) مستفيدة من هذه الكلمات ( هل يرون هذا الجانب المشرق والمضي والبلسمي منك؟) وهل لهم نصيب من ذلك ؟ (لانك قلتي قبل كذا انك عصبيه مع عائلتك) س2- هل هذه الكلمات بتنعكس عليكي؟ ( نعم نريد نشر السعادة مثلك وكسب الحسنات، ولكن هل هناك مردود نفسي لها لنفس الشخص القائل لها؟) 4- السلبيات س1- هل عانيتي من قولك لهذه الكلمات اي معاناة (غيرة - دللت الشخص اكثر من اللازم وصدق هذه المجاملة وانقلب الى شخص ثاني - فهم خاطئ) ولي عودة بمشيئة الله تعالى للتعليق على اجابتك السابقة وردك الكريم والوافي والطيب |
رد: الكلمة الطيبة / mimomea
السلام عليكم اخي الكريم لماذا نتزوج ؟
بعد شوي بدي آخد اولادي على درس العربي وبرجع بالليل وبإذنه تعالى بالليل برد عالاسئلة لي عودة ان شاءالله احترامي |
رد: الكلمة الطيبة / mimomea
اقتباس:
الله يبارك فيكي وفي عيلتك الحنونة فرداً فرداً والله يديم السعادة والكلمة الطيّبة بينكم صراحة انا استخلصت من كلامك انك وجدتي نفسك كذا والظاهر ان اصولك من السهول عشان كذا طلعتي سهلة لينة خفيفة لطيفة وان شاء الله من اجوبتك على الجزء الثاني من الاسئلة ممكن نستشف كيف ممكن ننسخ منكم هذه الصفات الحلوة والظاهر ان غالب اللبنانين كلهم كذا ذهبت في مرة من المرات لزيارة احد اعمامي (وكان متزوج سيدة لبنانية بعد وفاة زوجته الأولى ) سألتني : كيفك ؟ وكيف الوالد والوالدة؟ قلت : الحمد لله بخير وبصحة وعافيه الله يعطيكي العافيه سألتني : وكيفها حبيبتك؟ انا : !!!!! تأخرت في الإجابه متفاجئ من قوة الكلمة وكأنها قالت كلمة عيب! واعتقد اني ماعرفت انها تقصد مين :D فسألتها مين؟ قالت : زوجتك ولو. انا : اها اي والله صح زوجتي المفترض تكون هي حبيبتي هههه، بس تصدقي ياعمة كلمة حبيبتك موقعها هنا جداً صحيح. فوافقتني الرأي شاهدنا من القصة ان الكلمات الحلوة تجري في دماؤكم وان شاء الله نخليها تجري في دمائنا احنا كمان مشوار المليون ميل يبدأ بخطوة :D |
رد: الكلمة الطيبة / mimomea
اقتباس:
لا ابدا والحمدلله لانو متل ما سبق وقلتلك اخي الكريم لماذا نتزوج؟ ما بحب بهر بالكلام يعني شي مش حاسيتو طالع من القلب ما بزيفه لمجرد قول كلام معسول واسمع كومبليمانت مع انو دايما مع مقولة الكلمة الطيبة صدقة بس مش معناتها بالغ بالكلام مع شخص واعطيه فوق اللازم لانو ما الو لزوم ولا الو معنى ولاي سبب بدي بالغ بهالشي برأيي بس يكون في احترام بالكلام مع ابتسامة هيدا لوحده بيعبر عن مجلدات كلام دايما الطلة بتسبق الكلمة طبعا باستثناء زوجي مرات بطلعه لفوق فوق ومرات فجأة بخليه على ارض الواقع هيدا بيرجع لطريقة التعامل مع الرجل ما خصها بتعاملي مع الناس بس في موقف ما بعرف اذا بيندرج من ضمن السؤال او فيني اعتبره حدث سلبي في شخص جمعتني فيه الظروف وكان شي اضطراري وكان لسانه بينقط عسل فوقت كنت احكي معو كنت قله مش ملاقيه كلام يوازي كلامك فصديقتي المقربة نبهتني منو وانو طيبتي سلبية فيني بصدق كل شي وبروح بالعواطف وانا اجمالا باخد عالظاهر وهالشخص ما سبق شفته بس صرنا عالتلفون نحكي (الشخص انثى) وبعدين اجت الصدمة منو لانو بالفعل ارتحتله واتعاملت معو على هالاساس وهالشي أذاني وكان درس ضفته لكم درس اتعلمتهن بالحياة وما عرفت الا من بعد ما ازيلت الاقنعة وانا وقت احكي بعرف حالي لانو ما بتخطى حدودي لدرجة انو اللي عم احكيه ما يفهمني غلط ويروح فكره لبعيد لانو من الاساس بكون كونت فكرة عن هالشخص ويا ارتحتله وصرت احكي معو بكل اريحية او حسيت في حدود انرسمت لوحدها ان شاءالله لي عودة للرد على تعقيبك على ردي السابق وخاصة جزئية كلام زوجة عمك احترامي |
رد: الكلمة الطيبة / mimomea
اقتباس:
تسلم اخي لماذا نتزوج؟على الدعوات الطيبة ولك مثل ما دعوت بتعرف اخي لماذا نتزوج من كم يوم كنت عم اقرأ قصة هون بالمنتدى وتقريبا بالصفحة العاشرة او اقل بتظهر شخصية لبنانية بالقصة وكاتبة القصة من اهل الخليج فبالقصة حكيات الفتاة اللبنانية كانوا حبيبتي وتؤبش قلبي ومن هالكلام اللي بنسمعه بلبنان فضحكت واتذكرتك واتذكرت هالموضوع يعني هالشي موجود بثقافة المجتمع وكلمة حبيبتي وحبيبي او عيوني مثلا متداولة بشكل طبيعي ممكن تكون عند طبيبة او طبيب ويقلك عيوني جيب هالدوا بترتاح عليه ممكن شوفير تاكسي يسمعك كلام حلو وطبعا في اللي حكياته دفشين واخلاقه زفت ومتل ما في صاحب الكلمة الطيبة فيه العكس حسب ما بنقول مش كل اصابيعك متل بعض بس اجمالا هالاسلوب متداول بين الجميع وبالنسبة لزوجة عمك بس سألت كيفها حبيبتك هالشي كمان طبيعي يعني عنا بتسمع من شاب بيقول لامه انا رايح لعند حبيبتي يعني بيكون اما عاقد عليها او بس خاطبها خطبة او مسمع فيها واهلو طالبينها بس بعد ما خطبها او لاصحابه اذا اتصلوا فيه ليسهروا بيقلهن انا عند حبيبتي ونفس الشي الفتاة بتقول اتصل حبيبي او اليوم جايي لعندي حبيبي مثلا اذا جيت علبنان ودخلت على مطعم او شركة سفريات او استأجرت شوفير او بالاوتيل وشوف كلامهن مع السائح كيف فطبيعي وقت يربى الشخص بهيك جو رح يحس كل شي عادي ورح يكون سهل عليه يحكيهن ويعبر بعد عشر ايام تقريبا اخي وابن جيرانا جايين يقعدوا عندي اسبوع فانا تلقائيا رح قول لزوجي قدامهن ايه حبيبي او حبي او ناديه باسم الدلع اللي انا اخترتلو ياه ومن هالكلام وهني ما رح يستغربوا ابدا ولا رح يكون كلامي مفاجئ عندهن او جديد عليهن هلئ كيف جرى هالكلام بدمنا الله اعلم كيف بدأ ومن مين هههههه اكيد التعبير بالكلام حلو بس الاهم نقاوة القلوب والطيبة وهالشي الحمدلله موجود عند اكثر الشعوب الدول العربية والدنيا ما بتخلى من الطيبين احترامي |
رد: الكلمة الطيبة / mimomea
جزاكي الله خير اختي ميمويا على الكلام الطيب والتجاوب الرائع والقصص التفاؤليه الله يديم السعادة والمحبة بينكم والله يرزقنا تفاؤلكم ولسانكم الحلو وسنتبع قاعدة انما العلم بالتعلم والحلم بالتحلم ونحاول نقول كلمة حلوة مرة ومرة دعوة حلوة ومرة ابتسامة ومرة تفاؤل وان شاء الله مع استخدام قاعدة كثر الدق يفك اللحام انه ينفك وينكسر الجمود اللي مغطي ملامحنا ومشاعرنا ومع استخدام قاعدة الصبر مفتاح الفرج فإن شاء تنفرج امورنا ونعرف نحكي متلك حكي كتير طيب ومهضوم ويدخل القلب :D |
الساعة الآن 06:34 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©