![]() |
زوجي اناني وبخيل ساعدوني
السلام عليكم
مشكلتي بحاول اختصرها لكم قدر الامكان انا فتاة على قدر عااااالي من الجمال والاخلاق والاناقه بشهادة الكل دايم احاول اكون متواضعه وابتسم واسولف مع الكل انا اقولكم هالكلام فقط عشان تفهمون الصورة خطبوني كثييييييير بس تزوجت ولد خالي مع عدم قناعتي فقط لانهم كانو يقولون لي هو يحبك ويبغاك وانا بس كنت ابي رجل يحبنننننني ويحترمني اي بنت تبحث عن الحب ماكنت اعرف شكله فقط اتذكره من ايام الطفوله وحاولت اني اقابله او اكلمه قبل الزواج بس ماحصل لان اهلي متشددين شوي المهم تزوجنا وكااااااااانت الصدمه طلع قصير ونحيييييييييييييف جددددددددااا كا الاطفال هزيل ومافيه قوة سكت وقلت القصر مو عيب والوزن بحاول اخليه يسمن بطبخ له كل يوم بدينا حياتنا ولاحظت بخله من اول الايااام كان حريص جدددددا على الفلوس لدرجة اقوله يلا نقضي للبيت عشان اسويله اكل يقول مو لازم !!! ويترك البيت فاضي بالشهووور وانا اسكت لاني لسى عروس ومنحرجه والله بس على وجبه وحده باليوم واذا جاب اكل جاب شي قلييييل حبة دونات مثلا !! واستحي اقوله روح جيب ثاني المهم تغاضيت عن سالفة الاكل والجوع وصرت احتاج مصروف شهري خاص فيني اشتري منه اشياءي الخاصه وبدأت المشاكل يرفض دااائما يعطيني مصروف واذا رحت السوق يجلس معصب ويرفع صوووته علي قدام الناس لدرجة انحرح وابكي واكره كل شي واكره السوق كله تغاضيت عن سالفة السوق واللبس كمان عشان ما ابي مشاكل وصرت اشتري من ابو خمسه ريال وابو عشره وصرت اتفشل اذا جيت بزور احد وما احب اطلع للناس لان لبسي رخيص وهو ولا همه وكنت كل ما اشكيله واحاول اتفاهم معه يعصب ويقول انتي ماديه !! وبس تفكرين بالفلوس !! طبعا دايم برا البيت واذا جا يجلس كم دقيقه معاي وبعدها يروح لغرفة المكتب يطقطق بجواله ويسوي العاده السريه !!!!! انا ماعمري شفت رجال يترك وحده متكشخه له على اخررررر شياكه ويطنشها ويروح يسوي العاده السريه !!!!؟ لا تقولون اسلوبك او يمكن انتي مو عاجبته او جسمك مو حلو واسلوبي وربي ما اعاتبه ولا شي بالعكس انسى اذا جا واتدلع عليه واسولف بإبتسامه بس يرد بكل بروووووووود ومايطالعني حتى بالعلاقه الخاصه اناني لابعد درجه دايم يطلب مني اسوي له كلللل شي يخطر على بالكم وانا مايكلف على نفسه حتى يبوسني واذا طلبته اعطاني بدون نفس كأنها حمل ثقيل عليه ويقول والله انك فاضيه !!! سكت وصبرت قلت مع الوقت بيتغير ان شاءالله ودايما ادعي ربي يصلح حالي طبعا جيت البيت ناقص غرف ما أثثها من قبل الزواج بحجة اني انا اختار الاثاث وكل فتره اذكره بطريقه حلوه ويقول بعدين بعدين مو وقته ومرت سنتين وما جا الوقت المناسب له !! بالاخير قرررت ابدا مشروع بنفسي عشان ااثث الغرف الناقصه لان البيت مافيه حياة ابي احس بالاستقرار كلمته وقال اوكي موافق وقلت بس ساعدني براس المال والتوصيل قال طيب اشتغلت لمدة شهر وكان الشغل يدوي يعني انا اتفنن فيه واسويه بإيدي ويتطلب جهد وتعب بس تحملت وكسبت 7000 ريال بشهر واحد وقلت خلاص وربي تعبت انا اللي مثلي ماتشتغل كذا وعندها زوج خصوصا اني طالبه جامعيه هذي مو شغلتي كلمته قلت خذ راس المال حقك واعطني الباقي وخلني ابدا اثث البيت عصب وزعل وقامت الدنيا ويقول كملي انا ابي اجمع الفلوس ما ابي ااثث هذا بيتي كيفي عاجبني كذا انتي بس تفكرين بالفلوس انا محتاجها ابيها وانسي اعطيك منها شي ولو ريال واحد احتد النقاش وقلتله انت من اخذتني وانت ماتبي تصرف علي شي ولا على بيتك ولا عندك مسؤؤلية ابدا خلاص انا تعبت معاك ابي اتطلق قال انقلعي يلا وجمعي اغراضك بوديك عند اهلك حسيت بقممممة الاهانه والذل ... انا بستشيركم كل واحد يحط نفسه بمكاني ويقول لي ايش اسوي ملااحظه :هو مااايصلي ابدا وراتبه 9500 شهريا ولاعنده وازع ديني وكذا مره اكتشفت انه يكلم بنات وماعندنا اطفال ولنا سنتين متزوجين |
رد: زوجي اناني وبخيل ساعدوني
اشعر بك مره
تصدقين اغبطك عارفه لانه كنت اتمنى وماخلفت عشان اتطلق من اللي مثل اللي عندك بس يصلي في البيت يجمع الله لايبتلينا وللا اللي مايصلي مايجوز البقاء معه مره انفذي بجلدك واحمدي ربك ماعندك اطفال وربي راح يعاوضك البخل مرض ولايمكن يتعالج الا بمعجزه من رب العباد اسمعي نصيحتي واستشيري اللي مافيه خير لدينه مافيه خير لك |
رد: زوجي اناني وبخيل ساعدوني
روحي بيت أهلك، واشتري نفسك
وبكرة بيلحقك صدقيني |
رد: زوجي اناني وبخيل ساعدوني
شنو ايجابياته ؟
|
رد: زوجي اناني وبخيل ساعدوني
احرصي على ان تاخذي مانع الى ان تقرري
|
رد: زوجي اناني وبخيل ساعدوني
زوجك يحتاج إلى توعيه سواء لنفسه أو لحياته معك
ويبدو أنك غير قادرة على تغييره وليست عندك شخصية لها تأثير عليه لذلك لابد من تدخل طرف خارجي لتوعيته على الأقل بما يخص حياتكما الزوجية فأقترحي على زوجك أن يدخل حكم بينكما حتى يبان الخطأ على مين وبما أنه ولد خالك فحاولي أن تدخليه ولكن لاتخبري خالك بالأمور الخاصة مثل العادة أو العلاقة بل أجعلي تركيزك حالياً على بخله معك وعدم إهتمامه بك وعدم إهتمامه بصلاته مما يؤثر على بقائك معه شرعاً أما الأمور الأخرى فأتركيها لوقت آخر لعل الله يهديه ويمتنع عنها من نفسه فإن لم يفد معه هذا الحل فليس لك غير الشكوى على أهلك ليتدخلوا بما يقدرون عليه للحل |
رد: زوجي اناني وبخيل ساعدوني
ايجابياته انه احيانا يجي مروق بنص الليل ويبتسم ويشغل محاضرات عن الاقتصاد والمال بجواله الى الفجر ويكون جنبي لحد ما ننام (هذا الوقت اللي احس انه فيه احد معي بالبيت ) طبعا اذا حاولت اتودد له بهالوقت يقول اسكتي اسكتي بسمع المحاضره اسمعيها
|
رد: زوجي اناني وبخيل ساعدوني
ماحكم البقاء مع رجل لايصلي أبدا ؟؟ ياأختي هذي فيها أحكام شرعية المفترض أنك تذكرينها أول نقطة اياك ترجعي له قبل تستفي شيخ في وضعك لأنه حسب علمي لايجوز البقاء مع رجل لايصلي ولو كان فيه كل الحسنات فمابالك مع رجل جمع كل هذي السلبيات .
|
رد: زوجي اناني وبخيل ساعدوني
اقتباس:
هههه بالاصل هو اللي يعطي محاضرات عن الاقتصاد لا وعالميه |
رد: زوجي اناني وبخيل ساعدوني
الله يعينك ويصلح زوجك ان شاء الله ..
اولا واهم نقطه هي الصلاه .. حاولي انك تنصحينه بملازمة الصلاه فمن استهان بحق ربه هانت عليه جميع حقوق العباد .. يعني اذا هو مقصر مع ربه فاكيد بيقصر عليك .. لذلك اول شي لازم زوجك يتوب لربه ويعود للصلاه جماعه في المسجد وما يتركها بعد ذلك اموره بتزين لحالها باذن الله .. بخصوص راتبه 9500 بصراحه في هذه الايام وين يكفي هذا الراتب . الحمدلله ع كل حال .. يمكن زوجك حريص ومب بخيل .. بس على الاقل يعطيك 1000 مصروفك تمشين فيه حالك لين ما تفرج .. وعن مشروعك .. كان المفروض تتفقين معاه على اساس انك ترجعين له راس المال اللي اعطاكي اياه بعد مرور فتره تتفقون عليها .. والارباح لك خالصه ولو حبيتي تعطيه نسبه فهذا الشي راجع لك وراجع له يعني تتفقون .. اما انتي تتعبين وهو ياخذ الاولي والتالي فهذا ظلم واجحاف .. حاولي انك تجلسين معاه وتكلمينه باسلوب هادي بعيدا عن العصبيه .. واذا ابد مافي فايده علمي عليه ابوه اللي هو عمك .. قولي له بانه مقصر معاكي وان الرجال ابد ما يطب المسجد !! استغفر الله .. |
الساعة الآن 07:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©