![]() |
العيشه مع زوجي جحيم
السلام عليكم عندي مشكله واتمنى مساعدتكم لاني وصلت حدي خلاص مشكلتي طويله انا متزوجه من سنه و 6شهور بالبدايه كانت حياتنا لابأس بها و مع اني كنت عروس، رحت شهر العسل 10 ايام ورجعنا وبعدها لا في طلعات ولا في تمشيات و لا مطاعم ولا حركات ، محبوسه بالشقه قلت يمكن بس فتره و كلمته طفش ومن هالكلام يقول انا ماحب اطلع كذا وبس، احب اطلع اذا بشتري شي باخذ شي، وانا صراحه ماقدر اتحمل هالحياه 24 ساعه بالشقه ضيقه نكد ماقدر، بعد 4شهور من زواجي حسيت تصرفاته مو طبيعيه مشكوك بأمره، وبيوم اكتشفته انه يحشش ومعه حشيش كلمته وجلس يحلف ومن هالكلام ان اللي شفته كذب، موحشيش طبعاً كنت ناويه اروح عند اهلي وهم يتفاهمون معه بنفس الفتره عرفت اني حامل،سكتت طبعاً طول فترة الحمل علاقتنا صارت اسوء صار مايجلس بالشقه،مايجي الا بالليل طبعاً اكلمه كم مره لازم تتغير ومن هالكلام يقول ابشري طيب ولا اشوف تغير، وقبل ولادتي قلت ابي اولد بمستشفى خاص قال لا مافي والفلوس ترا ادفعها لكفرات السياره بس مابيك تولدين خاص، وان ماعجبك خلي ابوك يولدك وولدت وجبت بنوته،الحمدلله بفترة النفاس عند اهلي ولا فكر مره يزورني واذا طلبته اغراض قال انا مو مسؤؤل عنك انتي عند اهلك، واذا طلبت ورد عشان ازين المكان اللي انا فيه قال لا مافيه مع انه لا هو ولا اهله عليه قاصر بالفلوس المهم رجعت الشقه ، ماينام معنا بالغرفه بالمجلس، او ينام تحت عند اهله، يطلع لدوام مايجي الا 9 بالليل، ومايطل علينا ابدداً ميتين حيين - واذا طلبت السوق قال ماتروحين مع صديقاتك ولا لحالك يا ممعي او خواتك من تزوجت رحت السوق مرتين بس ودايم اذا طلبته السوق يسوي مشكله واليوم قلت ابي ملابس لبنتي صغرو عليها+ واغراض يقول ليه وملابسها ومافيه وماراح اوديك، واهلي كم مره كلموه ويرد على ابوي بكيفي وبشوري ومن هالكلام وابوي حز بخاطره وش هالردود - طيب ليه هالاسلوب للحين مافهمت ليه يعاملني بهالطريقه دايم يقولي كل شي بكيفي وبشوري وبحكممي غصباً عنك وانا اساساً شاريك من اهلك، انا مدري هو يبي يكرهني فيه او شلون يبيني اترك البيت واروح، يبيها تجي مني،! انا ضاقت فيني صراحه 24 ساعه لحالي مع بنتي وغير صياحها، احس بضيقه واجلس ابكي مقابله الجدران، لاطلعه لاجيه لا مطاعم لا مصروف لا سوق ولا وجوده معي بالبيت، انا ودي اتطلق بصراحه، بس خايفه ياخذبنتي مني ش الحل؟؟ |
رد: العيشه مع زوجي جحيم
(مكانه الأنسب)
|
رد: العيشه مع زوجي جحيم
الله يفرجها عليكي
هل سبق وقلتيلو عن الانفصال؟ وأي ردة فعلو ؟ |
رد: العيشه مع زوجي جحيم
لا والله ولا مره جبت له طاري عن الانفصال،
بس كل مره اروح اجلس عند اهلي اسبوع وعادي عنده مايسألني شفيك زعلانه،، تخيلو امه. اللي تكلمني وتقولي شفيك انتي زعلانه من ولدي!! |
رد: العيشه مع زوجي جحيم
بيجيك يوم تقولين يا ليتني طلعت من بدري
هذا أسلوبه وهذا نظامه بالحياة ، تتغيرين أنت وتموتين ويموت فيك كل شيء جميل وهو على ماهو عليه. |
رد: العيشه مع زوجي جحيم
أستخيري
الله يلهمك الصواب ويكتبلك الخير ويرضيكي فيه |
رد: العيشه مع زوجي جحيم
اقتباس:
لا تتجاهلي هذه الجملة يا عزيزتي. هذه قناعة راسخة يعاملكِ على أساسها. فانظري كيف ترين نفسكِ: إنسانة أم بضاعة .. وتصرفي على هذا الأساس. |
رد: العيشه مع زوجي جحيم
هل فعلا انتي متكدة انة يحشش او مجرد توهم
يمكن طبعة كذ ما يحب يطلع يعني بيتوتي وبنسبة لكلامة انك ما تروحي لسوق مع صديقاتك ويسمح لك مع اهلك اومعة كلامة صحيح ويوم يتكلم مع ابوك بهذي الطريقة ابوك وش قالة يوم بغى يتفاهم معة او كيف كانت طريقة ابوك معة....انصحك ان تجلسي مع زوجك وخلي يكون بينكم حوار هادي وهادف وفي صلب الموضوع لاتنسين بينكم ولد..الله يوفقكم يارب |
رد: العيشه مع زوجي جحيم
اقتباس:
وطفايته فيها اشيا ماهو مثل رماد الدخان وطبعاً بعد ماعرف اني كشفته صار يغسل الطفايه مايخليها ويكب اللي فيها بالمرحاض الله يكرمكم، وهذا أأكد شكوكي. |
رد: العيشه مع زوجي جحيم
مايقدر ياخذ بنتك لانه اذا ثبت انه محشش مايقدر عند القاضي
|
الساعة الآن 08:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©