كيف تتعامل العروس مع خطيبها العصبي
 

متابعة المنتدى من زمان ومعجبة به وبالاعضاء احدى قريباتي تشكي من زوجها وهي لس عروس تقول يتحكم فيه ويامرها غصب عنها ويعصب عليها وتخاف منه كثير ماعد تقدر تتكلم معه واي شيء مايبغاها تقول لاهلها حتى امها
تقول تبغى تعرف كيف تتعامل معه
البنت مملكة ولسه ما صار فرح

(تم تعديل العنوان ليتناسب مع المضمون)

رد: كيف تتعامل العروس مع زوجها العصبي
 

الله يعينها ! بس ليش يعصب عليها ؟ وشنو الامور اللي مايبغيها توصل لاهلها ؟! ..
اذا من البداية بهالحال فربي يعينها بعد الاستقرار !

رد: كيف تتعامل العروس مع خطيبها العصبي
 

رد: كيف تتعامل العروس مع خطيبها العصبي
 

الي شدني اكثر شي ( تخاف منه كثير ) !
وهي ببيت أهلها يخوفها بذا الشكل اجل لو تزوجت وسكنت عنده كيف بيكون وضعها ؟

احيانا احس البنات يتعلقون بأي خاطب وخلاص ويسيرون يحبونه لو ايش وضعه ،،،
هذي اشارة ساقها لها رب العالمين عشان تعرف الوضع المستقبلي اش يكون

خليها تستخير كذا مرة قبل اتمام الزواج والله يختار لها مافيه الخير وييسر لها امرها

رد: كيف تتعامل العروس مع زوجها الهمجي
 

طبعا هي طلبت مني المشورة ومنا عارفة ايش اقول لها

رد: كيف تتعامل العروس مع خطيبها العصبي
 

بالنسبة للعنوان ليس خطيبها انما زوجها واجبرها على الدخول بها

رد: كيف تتعامل العروس مع زوجها العصبي
 

مثلا يبغاها تخرج معه بدون علم اهلها واذا قالت له باقول لامي يعصب ويجبرها تروح بدون ماتقول لهم وهي خائفة منه

رد: كيف تتعامل العروس مع خطيبها العصبي
 

الفرح تحدد خلاص بعد شهر تقريبا
فعلا الخوف منه غريب مع ان ظاهره طيب واخلاق
صدمنا فيه للاسف
طبعا ابوها سمح له ياخذها معه لكن هي ماتبغى قبل الفرح
وهي تحبه بس تخاف منه لو ماتخاف منه كان خلت امها تكلمه

رد: كيف تتعامل العروس مع خطيبها العصبي
 

هي تسال كيف تتعامل معه وللاسف تقول ماتقدر تخلي احد يكلمه عشان مايرجع يهاوشها انها تكلمت عنه

رد: كيف تتعامل العروس مع زوجها الهمجي
 

كيف سلمت نفسها له قبل الزواج الرسمي الان صعب تتراجع مسكها من اليد الي تعورها ،،، عشان كذا خايفة تقول لأمها ،، الله يعينها ويجبر كسرها المسكينة