|
أكره قريبتي ( طفلة )
أكره قريبتي ( طفلة ) عمرها 9 سنوات .
ما آذتني لكن غصب عني ما أدانيها .. تستفزني جداً بشكل خيالي .. انا بطبعي حنون .. ومعلمة صفوف اولية لمدة 3 سنوات ولا مرت علي بنت وحدة ماحبيتها بالعكس كنت احب الجميع واحتضن الطالبات واضحك معاهم يعني فعلا ما احط حواجز بيني وبينهم ومررررة وسيعة صدر معاهم .. ودايم استغرب من قضايا التعذيب كيف شخص يقسو ع طفل ! يعني الا الاطفال بالنسبة لي اكررره تعنيفهم والقسوة عليهم واحب ادللهم الا مع هالادمية عجزت يارب والله مو بيدي .. غصب عني ! ما اعرف هل ممكن يروح هالشعور ؟ او ع الاقل يخف مع الايام ؟! لاني اعرفها ومن هي صغيرة ىاشوف نفسي اكرهها اكثر واكثر الله لا يواخذني 😤 طبعا مستحيل اوضح لها شيء .. تجي وتسولف معاي واضحك لها .. واذا طلبت مني شيء سويته لها .. لكن شعور دااخلي 🤒 ما اقدر حتى استظرفها يا رباه .. احب اهلها واتقبلهم جميعا .. الا هي ما اقدر ! طبعا انا اشوفها بشكل كثير .. فهالمشاعر مؤذية لي جدا .. فعلاً ما اعرف اذا فيه حل والا اتعايش مع الموضوع ؟! هي مدللة بشكل مبالغ فيه ، بطريقة مستفزة .. ووالديها طبعا كبار ومستحيل اني اهاوش بنتهم امامهم فأضطر اني اجامل واضحك لو تجاوزت حدودها معي .. لانهم بهالوقت جالسين يستظرفونها .. فهمتوا علي؟ واعيد اهلها احبهم وعلاقتي معهم ممتازة .. لكن الا هي ما اقدر . |
رد: أكره قريبتي ( طفلة )
كيف تتجاوز حدودها معك ؟
|
رد: أكره قريبتي ( طفلة )
اقتباس:
تسحب الربطة من شعري بقوة .. تسخر من كلامي او من صوتي .. طبعا اهلها كانوا يضحكون ويتوقعون اني اشوفها ظريفة ! فشعور الكره خذا جالس يتصاعد بداخلي .. طبعا الان كبرت ع هالتصرفات وبدات بتصرفات اخرى مثل تفتيش دولاب الملابس او ضرب بنتي او اي سبب وحتى طريقتي تغيرت معها بطلت اسلك واجامل .. فـ اهاوشها واعلمها ان تصرفها خطأ واحيانا ما اكلمها كل هالمناسبة كنوع تأنيب . لكني لازلت اكرهها ! |
رد: أكره قريبتي ( طفلة )
الشعور بالكره سابق لهذه التصرفات ولا لما صارت تتصرف معاج جذي ؟
|
رد: أكره قريبتي ( طفلة )
اذا تصرفت تصرف خطا ولم يعجبك ، أبدي انزعاجك مثلا فتح الشنطه مع التعليل و السبب امام اَهلها وعلى مسامعهم ، لكن بهدوء ، حتى يفهموا انك متضايقة و يتصرفوا معها ، وثانيا يعرفوا سبب تضايقك ،،،، وكله أمامهم و بصوت مسموع ، مثلا لا تفتحي شنطتي ، أغراضي اللي فيها تنكسر ، هذيك المره كسرت الشي الفلاني ....
|
رد: أكره قريبتي ( طفلة )
وإذا قلت أدبها بالكلام ، وولي امرها يضحكون اول مرتين أبدي انزعاجك و اصمتي عشان لا ينصدموا ، ثاني مره قولي على مسمعهم بتهكم او بسخريه ، في منتهى التربيه و الأخلاق او ما شاء الله باين انها متربيه وكرريها أمامهم ... وهم راح يفهموها .
|
رد: أكره قريبتي ( طفلة )
اقتباس:
وشوي شوي لحد ما وصلت لهالمشاعر الحالية : كره . |
رد: أكره قريبتي ( طفلة )
اقتباس:
لكن المشكلة الان ان مشاعر الكره وعدم التقبل اللي احس فيها كل مرة اتعامل معها متعبة لي .. |
رد: أكره قريبتي ( طفلة )
طيب هذا الكره مآثر على تصرفك معها ؟ اذا لا و تجاملي أظن انه عادي
|
رد: أكره قريبتي ( طفلة )
ما راح اكون مثالية واقول لج هذيل احباب الله
ووووو إلخ .. كله كلام مأكول خيره ونعرفه وشبعانين منه وكتبنا عنه وايد في حصة اللغة العربية في حصص التعبير... بس مع ذلك كلمة كره وايد عوده على ياهل خل نقول ما تستلطفينها... بصراحة ؟ معاج حق ما تستلطفينها فيه ناس عبالهم ان قلة الادب لما تصدر من عيالهم يعني ظرافه .. آنه احب اليهال وايد .. لكن ما اتحمل قليل الادب اللي يمد يده او يتعبث بأغراضي ويزيد عدم استلطافي للطفل بسبب سكوت اهله عنه... صادفني موقف .. كنت في المسجد وكان فيه محاضرة.. كانت فيه وحده وعيالها جنبي.. الصغير اسم الله عليه شاق القاع .. يتنطط وراي و جدامي .. ظهري الله وكيلج راح وطي.. بعدين قعد .. وظل يصارخ .. يصارخ .. يصارخ يمكن عمره جذي 3 سنين بعدها شفت عنده اكل .. طبعا ياكل ويمسح يده في عبايتي الله وكيلج صرت له كلينكس " مناديل " وين أمه ؟ أمه جنبه بكل روقان تقول له : واااي حمودي حبيبي اقعد .. عيب .. لو بكيفي ؟ خذيت حمودي و ام حمودي طقيتهم طق سنة بساعة .. الاطفال ب ايدنا نمسكهم اذا اعرف ولدي حركي ومؤذي امسكه بحضني .. اكفخه على ايده .. مو نقعد نناظره ببرود ... عيالكم يمونون عليكم .. خو الناس مو مجبورين يتحملونهم .. عاد يايج ارمضان والله يعينا على هالعينات في المسجد 😆 يختي قلبييييي متروووووسه المهم .. بخصوص مشاعرج احس ان مو بايدج تغيرينها المهم ان عامليها بلطف .. ولما تزودها لا تسمحين لها تتمادى |
| الساعة الآن 02:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©