غيرة زوجي وكبريائة وأنا ..؟؟مستجدات الرد14
 

السلام عليكم ورحمة الله وبركاته ..
اخواني الكرام انا متابعة لمنتداكم من قريب وقد اعجبني مدى مساعدتكم وتعاونكم لتقديم الحلول .. وارغب بطرح مشكلتي لعلي اجد من يساعدني في حلها .
انا امرأة متزوجة من 7 سنوات ولدي طفلين ، انا في الثلاثين وزوجي 37 سنة ، مشكلتي في زوجي .
هو شخص رائع ووفي وبيتوتي ويحب اطفاله ويحب جو العائله ، رجل ذو شخصية قيادية وحازمة . واحببته جدا لرجولته ومازلت اعشقه .
عندما خطبني كان منفصل عن طليقته التي خانته وكان قد اكتشف ذلك وطلقها وليس له منها اطفال .
فمنذ ليلة الزواج قال لي انا رجل قبلي وغيور وبدأت اشعر بغيرته وكانت تعجبني لأني اشعر بوجوده،، لكن مع الاطفال وكذا ومع السنين بدأت اشعر انه يفرض الامور علي فرض فااناقشه ولايقتنع وفي الاخير اقبل بااوامره طاعة له . مثل : احذفي السناب والانستجرام من باب انه خائف ولاتعجبه ووراها مشاكل واختراقات للجوال . وقلت ماعليه زوجي اهم من هالتفاهات .. الى قبل اسبوع جائتني هديه من اخوي واخترت علبة مكياج من امريكا وكانت عليها صورة بنت لابسه قصيره ورجال حولها صدورهم مكشوفه يمكن صورتين لانها شركة اجنبيه وتعرفوا كيف يعملوا جذب للمنتج المهم وجد هالعلبه وصار يخاصمني وكان يبغى يرميها ومسكت يده وترجيته وقلت ابشر انا اشطب عليها لكن ارجوك لاترميها وصرت اترجاه لاني بجد ابغى المكياج بغض النظر عن الصور فيها وكنت ناويه فعلا اجيب قلم واشطبها ، ووقتها هو انفعل وكسرها ورماني فيها وتلفظ علي وقال انتي قليلة ادب وبيتي نظيف وانتي جبتي اشياء قذرة انتي وحدة تبغي تمشي على كيفك المهم كلام عيب ينقال وانا جلست وقتها ابكي من الصدمة انا محترمه وعفيفه وخلوقه جدا حتى لو وجد شي مااعجبه انا كنت مستعده اشيل الشي اللي زعله لكنه تلفظ وجرحني وحسيته شوه صورتي حتى بيني وبين نفسي ، ووقتها طلبت منه يوديني عند اهلي من شدة انفعالي والاهانة اللي قالها بحقي وبالفعل ماتردد وقال حاضر ، (على اني وقتها تمنيت انه يقول اي شي واقعد لكن صار يقول انتي وسختي بيتي وبيتي نظيف وانتي قليلة حياء) وقتها والله حسيت بيته يتعذرني وصرت اقوله لو احسنت الظن بزوجتك لكن خسارة السنين اللي عشناها مع بعض وكنت ابكي من قهري .
المهم اخذت اولادي وحطني عند اهلي ولي الان 5 ايام وصار يقول اجي اشوف اولادي وقت ماابغى ولو ماطلعتيهم راح تندمين وانا اسمع كلامه ومنصدمة احسه مايعرفني ، انا الحمدلله تفكيري ارقى من اني استخدم اطفالي وسيلة للضغط على زوجي او وسيلة اقهره فيهم بالعكس ضميري مايسمح لي احرمهم من ابوهم لانهم متعلقين فيه .
كلمني قبل يومين وقال ابي اشوف الاولاد وقلت طيب وقال ارجعي بيتك انا ماطردتك انتي اللي طلعتي !!
قلت مابعد كلامك قعده لي وانا لو زعلتك اسفه لكن مايحق لك تتلفظ علي كذا وصار يقول انتي قربه مفقوعه والكلام معك ضايع !! انا رجال وانا ماادري ايش واغار ولازم تقدري هالشي ، وقلت له وانا مين يقدرني ؟
قال انتي مو ناقصك شي ،وانا هذا اللي عندي ياتمشين زي ماابغى او نشوف بعدين وش يصير . وقفلنا .
يااخوان بدأت احسه يبي يفرض شروطه وبس لاني قلت له انت ماتثق فيني وبكيت ع الجوال . قال انا غيور والغيرة تجيب كل شي . على انه في نفس الوقت مايفتش جوالي كثير ولايشك مررره بالعكس متزن نوعا ما لكنه يتحكم في هالبرامج وعنده خوف ان احد يضرني ويضر حياتنا .
انا تعبت من هالوضع بدأت افقد ثقتي بنفسي مرات اقول المشكله فيني انا مااستاهل الثقه وحسن الظن ومرات اتذكر الحياة اللي عاشها قبل واحن عليه واعذره ..
هو محمل برامج عادي لكن مايكلم بنات وعذره انه رجال ! ويسافر ومايبيني ازعل وقلت له كذا مررره اني اغار عليه من البنات المكشفات يزعل ويقول انا مو صايع ؟؟ اجل انا ليش يتسلط علي وخايف علي من كل شي . وانا والله عفيفه لا أكلم رجال ولاشي حتى بالسوق اخليه هو اللي يتكلم وانسانه شخصيتي هادية جدا لكن مااحب التحكم ذا وطبعا هالمشكله الصغيره هي اللي فجرت كل شي .
والان كل ماقمت وقعدت تذكرت كلامه وشتمه لي والله مو قادرة انسى ويقولي لاتحاسبيني على كلامي ! ولاهو حاس ان هالكلام اهانني فيه على الرغم من اني قلت له انا مقدرة زعلك ولاكان ودي ازعلك لكن ليش تغلط علي . وهو طبعا مايشوف نفسه غلط ولاشي . ياناس المرأة عاطفيه كلمة تجيبني وكلمة توديني والله لو جاء لعندي وقال لي انزلي وخلاص انسي كل شي ونفتح صفحة جديدة والله راح اروح لاني اشتقت لبيتي واحبه واحسه وحشني لكن معاملته الجافيه ولما يقول هذا اللي عندي افكر و اقول بخاطري وش نهاية هالعلاقة لحد متى وانا اسكت ومالي رأي وهو بس اللي يفرض شروطه .
ماادري تعبت من التفكير وانا ابوي متوفي واخواني في وظايفهم .
بالله عليكم اش رايكم ؟ وانصحوني ووجهوني لكن اسألكم بالله لاتنسون اني انا دايما اللي اتنازل واراضيه واقوله ابشر وحاضر . هو وجد الشي اللي يبغاه لكن انا ماادري فين ألاقي نفسي ؟؟؟؟؟؟؟؟؟
على انه يقول لي هذا نصيبي معك والله يعوضني وكأن المشكلة فيني وكأني انا ابتلاء من الله له .
احساس قاتل يااخوان والله ربي مايرضى بالظلم لاني قائمة بحقوقي الزوجيه ولاعمري حرمته وبالعكس متفقين من هالناحية لكن ليش هالاحساس بدأ يوصلني منه ؟
حسبي الله ونعم الوكيل وكفى .

مستجدات الرد 14

http://66n.com/forums/showpost.php?p...9&postcount=14

رد: غيرة زوجي وكبريائة وأنا ..؟؟
 

يا أختي نحن في الثلث الآخر من الليل
اشكي حالك لرب العالمين وفوّضي أمرك إليه وهو سبحانه سيتكفل بك

رد: غيرة زوجي وكبريائة وأنا ..؟؟
 

مرحباً أختي

كما يقال في المثل.. إللي أنقرص من الحية يخاف من الحبل

زوجك يبدو أن عنده فوبيا داخليه أن لا يتكرر معه أمر هو يخاف منه أشد الخوف.. ولذلك أصبح يبعد عنك كل مافي ظنه أنه قد يسبب لك إنفتاح أو إنحراف

وطبعاً أنت لست مسؤلة عن كل مايشعر به تجاهك ولكن ذكرتِ لكِ ذلك من باب التحليل

ويبدو أن زوجك راغب فيك ويثق فيك وربما يحبك.. ولكنه لا يثق فيما حولك من معطيات

وتلفظه عليك لا شك أنه خطأ فادح ولاتستحقينه.. ولكن الآن نحن أمام مشكلة ونرغب بحلها

لذلك أقترح عليك
أن تكتبي رسالة بخط يدك وترسليها مع الأولاد تشرحي فيها عن نفسك وتطمنيه أنك بنت ناس ومحترمة ومتربية وتخافي الله وتحبيه وتحبي بيتك ولا يمكن أن يخطر في بالك أو تسمحي لنفسك أن يصدر منك خطأ يمسك ويمس شرفك وعفتك وأنك صاينة نفسك في كل وقت من يوم أن كنت في بيت أهلك إلى أن يتوفاك الله

ثم تكتبي له الألفاظ التي قالها لكِ وتعلقي عليها وتقولي هل ترضاها لأختك أو بنتك أن يهينها زوجها هكذا وأنت معروف أنك رجل عاقل وحقاني .. فكما هم بنت ناس فأنا كذلك أخذتني من بيت ناس يخافوا الله وأحسنوا تربيتي

ثم تذكري أنه ماخطر في بالك يوم أن تخرجي من بيتك أبداً .. ولكنك حاولتي أن تشرحي له موضوع الصورة وأنك سمعتي كلامه وكنت ستزيليها ولكنك لم تتوقعي منه أن يتعامل معك بهذا الشكل

ثم تذكري له أنك تحبيه ودائماً ماترينه رجل وسيد الرجال وتسمعي كلامه ولا تعصيه.. ولكن الآن أصبحت تخافي منه لأنه رأيتيه في ذلك اليوم ليس زوجك التي تعرفينه دائماً

ثم أذكري له.. لا تحسبني مرتاحة وأنا بعيدة عن بيتي ولكن كنت أرجو أن تحس بي وتشتاق لي ولعودتي وأن تبادر بها فلا تدري كم هذا الشئ يسعدني وأحس أنه لازالت لي مكانه عندك.



أعانك الله

رد: غيرة زوجي وكبريائة وأنا ..؟؟
 

ماشاء الله الأخ الرسمي كفى و وفى

رد: غيرة زوجي وكبريائة وأنا ..؟؟
 

::PPP::PPP::PPP

رد: غيرة زوجي وكبريائة وأنا ..؟؟
 

اشكركم على تفاعلكم معاي ونصحي .. وجزاكم الله كل خير .
انا لما كلمني اخر مررره قلت له ترضى بنتك احد يتلفظ عليها ويغلط فيها وفي اخلاقها ؟
قال لو هي جابت علبة مكياج فيها صور زي كذا فاانا راح اكسر راسها .

هو عنيد جدا ومعطي نفسه الحق في كلامه علي على الرغم من تقديري لزعله .

يارب اتمنى ماعاد يقول لي انتي قربة مفقوعه وانتي فيكي وفيكي لانه دايما يكررها اذا اختلفنا هو يبغى امرأة تقول له سمعا وطاعه ولاتناقش وكأنه استعباد ..
انا احب النقاش يااقنعه او هو يقنعني لكن مااعرف كيف اغير هالشي ...

الحمدلله .

رد: غيرة زوجي وكبريائة وأنا ..؟؟
 

اهلًا اختي
هل هذا يعني ان اقتراح الرسمي لن تقومي به؟؟
اجد تنسيق رسالته جيدة و خصوصا الكتابة ترسخ الكلمات بالعقل
ارى ان تطبقي اقتراح الرسمي و لا تؤجلي او تتعللي بالتوقعات و كيف سيقول و انه لا يؤثر و تندبي حظك فقط
المحاولة المحاولة اختاه. ان لم تنفعك لم تضرك
و لو اني اتوقع انها ستنفعك
توكلي على الله


عندي سؤال
ماذا قلت لأهلك عن سبب مكوثك؟و مارأيهم؟

رد: غيرة زوجي وكبريائة وأنا ..؟؟
 

الله يهديه
ماادري اذا ينفع بعد ماترجعي تحاولي تقنعيه مو دحين بس يبغالك يكون نفسك طوويل معاه وواثقة بكلامك لأنو لو شافك مو ثابته على كلامك ولا واثقه بيصر على كلامو
الله يسخرو ليكي

رد: غيرة زوجي وكبريائة وأنا ..؟؟
 

كلام اخوي الرسمي ساأقوم به وراح اكتب له الرساله ان شاءالله .. بالعكس حسيت انها بادره طيبه وانا يهمني الصلح وان كل الطرفين يكونو ا راضين سواء انا او هو ..

بالنسبة لأهلي صراحة عرفوا بالموضوع واخوي اللي جاب لي علبة المكياج قلت له الموضوع لاني خفت زوجي يغلط عليه او ياخذ فكرة مو زينه عن اخوي ... وعلى الرغم من كل شي اخوي لامني وقال لو كسرتي الشر وخليتيه يرميها وقفلتي ع الموضوع ، وفهمتهم اني ترجيته يخليها واشطب ع الصور ولكنه انفعل وتلفظ علي .. وقالوا لي خليه ونشوف وش يصير بعدين ..

لكن انا امي الله يهديها تقول لي طنشيه وخليه يجي يتفاهم مع اخوكي وانا بصراحه مو حابه تكبر بينه وبين اخوي لاني خايفه يغلط على اخوي ويقول له كيف تجيب لأختك شي زي كذا ووقتها اخوي ماراح يسكت له واتمنى هالشي مايصير لاني عارفتهم دمهم حار ومايتفاهمون بسهولة وقلت هالشي لأمي قلت المشكله بيني وبينه وخلينا نشوف وش بيصير ...

اتمنى بس يحترمني في كلامه لانه وقت الزعل والنقاش يغلط ... وانفعالاته شديدة واذا شفته كذا اسكت واقوم وانهي النقاش ..

رد: غيرة زوجي وكبريائة وأنا ..؟؟
 

فاهمه عليم وحاسه باحساسك ومالومك صراحه ..

مالك الا تتجهين لله وتبثين له همك والزمي الاستغفار
والله الاستغفار مفعوله عجيب
واكتبي بقوقل قصص عن الاستغفار