موعد زواجي اقترب وأحتاج نصائحكم
 

السلام عليكم ورحمة الله وبركاته

أنا ملكة وعرسي شهر 8
وبغية نصايحكم بأفضل الدورات والكتب ونصايحكم

خاصتن أني ما قعدت وياه ولا شفته ألا بالصور
وأنا عندي ربكه لما أتكلم مع أي حرمه ما هي من محارمي
وماني عارف لما أجي ليلة الدخله أشلون راح أزيل الربكه على شان أقدر أتكلم معاه
وكيف أبدا بالمداعبات معاها

وأسف على الأطاله
وشكرًا مقدمًا

تم تعديل العنوان ليتناسب مع المضمون

رد: موعد زواجي اقترب وأحتاج نصائحكم
 

وعليكم السلام

ملكت ولاشفتها إلا بالصور!

لا ياأخي كذا كثير لازم ضروووري تكلمها وتشوفها لازم تروح تزورها

معقولة تلقى نفسك في بيت مع وحدة عمرك ماشفتها ولاتكلمت معها ومطلوب منك تنام معها!!!

أصلاً هي ماراح تتقبلك لأنك غريب والتعود عليك بيكون صعب وياخذ وقت ممكن شهور

لازم تتواصل معها تكسر حاجز الخوف والخجل لازم تعرف إنت مين ماخذ

إعرف تفكيرها أخلاقها مدى إنسجامكم مع بعض

تتقبلها ، تتقبلك ، يمكن تكتشف شي بالملكه يخليك تتراجع

والله الكلام هذا مايصلح أبد كيف تتزوج وحده ماتدري عنها شي!!

حاول الله يرضى عليك يكون لكم جلسات مع بعض وتواصل

رد: موعد زواجي اقترب وأحتاج نصائحكم
 

المشكلة انك مو شايل هم حياتك معاها جديا وكيف بتبدا

قد ما انت شايل هم الامور الخاصة وحدها

وبكرا اذا حصلت اي مشكلة تنقمون عالمجتمع وطريقة الزواج فيه مع انكم اقدمتوا برضاكم وبكامل قواكم العقلية مع ان الخيارات الثانية متوفرة!!!!

رد: موعد زواجي اقترب وأحتاج نصائحكم
 

اتفق معاك تماماً
انا لا اعرف الى متى هاذي العادات التقاليد الي ما لها اي معنى مجرد الشيخ يعقد عليكم هاذي زوجتك شرعية 100% لكن شي مطلوب انك تكلمها بالجوال وتجلس معاها لو ساعة كل اسبوع كلن يتعرف على الثاني اذا صار في ارتياح نفسي وقت الدخلة راح يكون شي سهل ومريح للزوجين.

اذا كانوا اهلها رافضين الله يعينك.

رد: موعد زواجي اقترب وأحتاج نصائحكم
 

السؤال اللي يطرح نفسه يا اخي شلون تتزوج وحده ما عمرك شفتها ولا شفت اسلوبها شلون ولا تعرف شلون تفكر!
الأمر وايد صعب..

رد: موعد زواجي اقترب وأحتاج نصائحكم
 

هل ترضى ان تدخل في شراكة مع شخص في مشروع كبير و أنت لم تتعرف عليه شخصيا ؟! مجرد أنك رأيته في الصور او سمعت عنه؟


النصيحة الوحيدة الفعَّالة في حالتك :
اكسر التقاليد والعادات البالية ، وتعّرف على زوجتك عن قرب

رد: موعد زواجي اقترب وأحتاج نصائحكم
 

انا متفق مع كلامكم بس هذي العادت والتقاليد الي عندنا ولاني قادر اكسره

رد: موعد زواجي اقترب وأحتاج نصائحكم
 

لا انا شايل هم حياتي معاه والدليل أني من أول ما ملكة لحد الحين وأنا قاعد أبحث وأقرى عن الحيات الزوجيه وقريدت العديد من الكتب ولا زلت ابحث وأدور وسمعت الكثير من الدورات

أما العادات والتقاليد لو حاولت اكسره ما راح اقدر لانه بالحاله هذي ما راح اتزوج وانا مشيت على كلام امي وجدتي وعمتي وخالة ابوي ووعمة امي الي شافوها وهي من بنات قبيلتي وهم يعرفونها

رد: موعد زواجي اقترب وأحتاج نصائحكم
 

هذي العادات والتقاليد لو حاولت اكسره ما راح اقدر لانه بالحاله هذي ما راح اتزوج وانا مشيت على كلام امي وجدتي وعمتي وخالة ابوي وعمة امي الي شافوها وهم يعرفونه لانها من نفس عايلتي وجماعتي

رد: موعد زواجي اقترب وأحتاج نصائحكم
 

طبعن ماراح ادخل معا احد شراكه في مشروع وانا ما اعرفه
أما العادات والتقاليد لو حاولت اكسره ما راح اقدر لانه بالحاله هذي ما راح اتزوج وانا مشيت على كلام امي وجدتي وعمتي وخالة ابوي ووعمة امي الي شافوها