منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   تعبت نفسيا من زوجي وتصرفاته الغير طبيعية (http://www.66n.com/forums/showthread.php?t=266962)

حلم ميت 29-04-2016 07:35 PM

تعبت نفسيا من زوجي وتصرفاته الغير طبيعية
 
السلام عليكم

متزوجة من ثلاث سنوات ولسى ماعندي اطفال

مشكلتي الاساسية مع زوجي هو انسان ضعيف الشخصية بشكل متعب جدا
مايعرف يتصرف مايعرف يفكر مايعرف يعطي حلول

عشنا في الغربة أوقات صعبة مع الاسف عند اي مشكلة كبيرة تصير يقعد يبكي ويتعب نفسيتي !!!
او على العكس يكون مب مهتم ويتفرج على الأفلام والمسلسلات
صرت أتكلم معه بس عن فضفضة بس اعرف ان مايقدر يسوي شي
كنت أستشير ابوي او أقاربي
والله العظيم صرت اثق في الناس الي برى اكثر منه
اسمع البنات يقولون ان الرجال سند وذخر لهم اما انا العكس تماما هو عبىء كبير جدا علي
حتى مواعيده في المستشفى مايعرف يحجز او مايهتم لها ،كل الشغل علي
وقت نزلنا اجازة انا ادور الشقق اشوف الاجارات
بتقولون خليه يتحمل المسؤولية ؟ المشكلة ان حتى لو امسكه مهمه او شغله اما يماطل فيها او او يسويها ناقصة واجي انا اضطر اكمل عليها او أسويها كاملة
اقول روح سدد الاجار يقول تعالي معي ؟
روح اشتري مقاضي البيت يقول تعالي معي !
كل حاجة لازم معه او يجيب العيد

مع الاسف ثلاث سنوات اغلبها في غربة وعارفين كيف الغربة صعبة ومتعبة ويفترض تخلي الواحد يتحمل المسؤولية ماتغير فيه شي ابدا
احس نفسي انا الرجال وهو الحرمة !
ماابيه يشيل مسؤوليتي انا قادرة عليه بس اقلها يشيل نفسه
لو احنا صغار ومراهقين قلت الحياة تعلمنا بس احنا كبار في الثلاثينيات
احيانا الوم أهله انهم السبب الي تسلطوا عليه ومسحوا شخصيته وأحيانا الوم نفسي ان المفروض ارمي عليه كل شي
بس مع الاسف حتى لو اقول بخليه يسوي شغله مامره عرف يسويها

في لحظة غضب
قلت له تعرف ليش لنا ثلاث سنوات ولاعندنا اطفال ومع كذا مب تعيسة ؟ لاني اعرف اني بيكون لهم اب وأم في نفس للوقت ان وقت يحتاجون اب فاهم وحكيم ماراح يكون موجود حواليهم

روح وريحان7 29-04-2016 09:40 PM

رد: تعبت نفسيا من زوجي وتصرفاته الغير طبيعية
 
اعتقد وراء صبر كل امرأه سبب

شنو سبب صبرك ثلاث سنوات عليه ؟

الله وكيلك 29-04-2016 09:59 PM

رد: تعبت نفسيا من زوجي وتصرفاته الغير طبيعية
 
مالك الا تبنين شخصيته بنفسك يااختي
حاولي ترتبين مع مستشار نفسي وتشرحين له الوضع كامل وهو بيعطيك خطوات سواءا عن طريق التواصل المباشر او اللا مباشر عن طريق الهاتف او البريد الالكتروني او غيره
لان واضح من كلامك ان زوجك اما اهله ماسحين شخصيته مسح او انه حصل له موقف وهو صغير خلى ثقته تهتز
اعانك الله

حلم ميت 29-04-2016 11:24 PM

رد: تعبت نفسيا من زوجي وتصرفاته الغير طبيعية
 
اقتباس:

المشاركة الأصلية كتبت بواسطة روح وريحان7 (المشاركة 3412661)
اعتقد وراء صبر كل امرأه سبب

شنو سبب صبرك ثلاث سنوات عليه ؟

يمكن بسبب انه طيب !
المشكلة ان اغلب للناس تعتقد ان عايشة مبسوطة وسعيدة لان اي شي اطلبه ينفذه
مايعرفون مقدار التعب النفسي الي أعيشه والضغوطات الكبيرة

حلم ميت 29-04-2016 11:26 PM

رد: تعبت نفسيا من زوجي وتصرفاته الغير طبيعية
 
اقتباس:

المشاركة الأصلية كتبت بواسطة الله وكيلك (المشاركة 3412667)
مالك الا تبنين شخصيته بنفسك يااختي
حاولي ترتبين مع مستشار نفسي وتشرحين له الوضع كامل وهو بيعطيك خطوات سواءا عن طريق التواصل المباشر او اللا مباشر عن طريق الهاتف او البريد الالكتروني او غيره
لان واضح من كلامك ان زوجك اما اهله ماسحين شخصيته مسح او انه حصل له موقف وهو صغير خلى ثقته تهتز
اعانك الله

ثلاث سنوات من المحاولات وأغلبها فشلت مااظن ان اقدر ابين شخصيته اكثر من كذا
اعرف ان عاش طفولة تعيسة لكن في كثير مثله وماشاء الله صاروا رجال ينشد فيهم الظهر

تراجيديا 01-05-2016 02:48 AM

رد: تعبت نفسيا من زوجي وتصرفاته الغير طبيعية
 
انا ما اشوف ضعف شخصيه
انا اشوف كسل وقل دبره واشوف ان الحل انك تتركينه يتصرف بنفسه اكتبي الأغراض اللي تبينها وخليها يجيبها وفي سوالف الحجز اوقفي فوق راسه خليه هو اللي يكلم ويشرف على كل شيء يعني وليه زمام الأمور
تعوذي من ابليس يختي ما فيه انسان كامل ما دامه طيب ومحترمك هذا اهم شيء والبقيه بتنحل بإذن الله

مبتعثة متفائلة 01-05-2016 03:16 AM

رد: تعبت نفسيا من زوجي وتصرفاته الغير طبيعية
 
تغيير الطبع صعب وليس مستحيل
اذا مافيها تطفل
هل تاجيل موضوع الانجاب متعمد

msfr333221 01-05-2016 10:37 AM

رد: تعبت نفسيا من زوجي وتصرفاته الغير طبيعية
 
الله يعيينك صعب تغيرين شخصيته وإن حاولتي ستجدين مشقة

انا من رأيي ان تتأقلمي وتعيشي مع شخصيته مثل ماهي وتنظري للجوانب الإيجابية من شخصيته

يمكن بعيد 01-05-2016 03:13 PM

رد: تعبت نفسيا من زوجي وتصرفاته الغير طبيعية
 
بصراحة استوقفتني جملة الي يطلب منك تجي معاه للسوق و السوبر ماركت..
وين المشكلة؟

أنا اجوف انه ينظر للعلاقة الزوجية رفقة و ميانة..
صيري صديقته،مو أمه..
شوي شوي راح يوثق و تتقوى شخصيته

msfr333221 02-05-2016 10:22 AM

رد: تعبت نفسيا من زوجي وتصرفاته الغير طبيعية
 
وإحتمال حاب يشاركك بكامل تفاصيل حياته وانتي فاهمه انه ما يستطيع الاعتماد على نفسه وماعنده شخصيه


الساعة الآن 06:24 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©