كذب أخي على زوجته وحيرتي في اخبارها الحقيقة
 

السلام عليكم ورحمة الله وبركاته
اخي بيكدب علي زوجته في حاجات كتير اووووي وهو من طبعه الكدب اساسا بيجري في عروقه زي الدم وفي حاجات تافهة مش مستاهلة وزوجته بتثق فيا جدا اكتر حد وعايزاني اعرفلها اخبار اخويا بما انه قاعد هنا الفتره دي وان بينهم مشاكل وماما عايزاني اكدب وما اقولش الحقيقه عشان ما اوقعش بين اخويا وزوجته وامي بتكدب عشانه ربنا يهديها ويهديه انا النهارده قلت لامي لا مش هكدب وزعلت وانا عايزه اقول الحقيقة لان اخويا حاله كده مش هيبقي كويس وهو ضايع ومش عايز يحمل مسؤلية اعمل ايه مع زوجته ازاي اهرب بطريقة متزعلهاش ولا تعرفها اني بهرب عشان ما اطلعش اخويا كداب وازاي ما اوقعش بينهم وكدبه عليها في كل حاجة لدرجه انه هنا وبيقول ان مع ماما في بلد تانيه كل حاجة بمعني الكلمة كذب في كذب جزاكم الله كل خير

تم تعديل العنوان ليتناسب مع المضمون

رد: ما خاب من استشار
 

لا تتدخلين بين الزوج وزوجته ولا تخربي بيتهم , هم يتفاهمون بطريقتهم

هذا رأيي , اكره جدا اللي تتدخل بين الزوجة وزوجها , هذه حياتهم مالك علاقة فيها , خليهم يحلو مشاكلهم بنفسهم , و الكذب حبله قصير

قولي لزوجة اخوك , رجاء لا تدخليني بينك وبين زوجك , عشان لا تصير مشاكل

رد: كذب أخي على زوجته وحيرتي في اخبارها الحقي
 

رد: ما خاب من استشار
 

مع هذا الرد.

.

رد: كذب أخي على زوجته وحيرتي في اخبارها الحقي
 

انا مش بدخل نفسي والله هي زوجته اللي بتكلمني بالساعات وبتهرب منها وبتزعل مني وتقوللي انتي عايزه تداري علي اخوكي والمفروض عشان خاطر ابنه تحاولي معايا ومامتك مدلعاه وبتداري عليه وبتكدب عشانه عليا وانتي الوحيده اللي بثق فيكي وعايزه تعرف اخويا هنا قاعد بيعمل ايه لان بصراحه اخويا مبهدلهم جدا قاعد هنا من غير شغل بقاله اكتر من شهر سايبها عند باباها ومبيدفعش ايجار الشقة رغم انه بياخد الفلوس من بابا وهي شاكة انه بيشرب مخدرات وماما عادي عندها المهم ابنها ميبقاش زعلان وتولع الدنيا كلها امي بصراحه غلطانه جدا في موضوع اخويا وبتساعده هي وبابا علي انه يبقي وحش بدال ما يعدلوه والبنت غلبانه وابنه اللي مالوش ذنب ده بس اهلي مستهترين فهيا عايزاني اقولها الحقيقه واساعدها ان احنا نبعده عن ماما وبابا وميبقاش فيه ليه اي حجه يقعد بيها هنا ويشتغل ويعتمد عن نفسه لانه طول ما بابا وماما بيساعذوه ويدارو عليه عمره ما هيتعدل خاصه انه عمره ٣١ وشوية ازاي نسكتعلي استهتاره كانه لسة شاب مراهق ذنبها ايه بنت الناس معاه ولا عايز يطلق ويبعد ولا عايز يتعدل وسايبها متعلقه كده وهي بتحبه وهو بيحبها بس لحد امتة واداري انا كمان عليه اوك ممكن اداري بس اتخلي عن البنت اللي استنجدت بيا لانها عارفه ان امه وابوه بيدارو عليه غلطاته ومبينصفوش الحق وهيا لو عرفت الحقيقه هتعرف توقفه عن حده بس امي هتزعل مني وتقولي وقعتي بينهم

رد: كذب أخي على زوجته وحيرتي في اخبارها الحقي
 

طيب اذا أخبرتيها الحقيقه ، هل سيغير من حاله شي او هي راح تحاول تغيره ، اذا عندك المقدّره على نصحه و الضغط عليه ، جيد ، أما هي أبدي لها انزعاجك من افعال اخيك ، وأنك لا ترضي بها أبدا ، وحاولي تصبيرها ، اما ان احسست ان ممكن اخبرها سيزيد المشاكل فلا تخبريها وتهربي منها .

رد: كذب أخي على زوجته وحيرتي في اخبارها الحقي
 

هي عارفة انه بيكدب عليها والكل عارف بس عايزه تتاكد مني عن تحركاته لانه بيتهرب منه وهو سلوكه مش تمام معاها وظالمها جدا وانا وهي كنا متفقين اننا نحاول نغيره بانها تعرف الحقيقة ونواجهه واني ابعده عن ماما ومش اخليه يسيطر عليه واحاول اخلي امي تفوق من المصايب اللي هو عمال يشدها ليها وهي عشان بتحبه بتعمل كل حاجة قروض وخدت كدب وكدبت ودارت عليه كتير فقلنا انا ادورله علي وظيفة في البلد اللي فيها شقته ومراته ومخليش ليه حجة انه يفضل قاعد هنا عندنا مع اصحابه السوء لانهم بتوع مخدرات واخويا ساسا خياله واسع وبيالف قصص عجيبه المهم انهم عارفين كل ده وانا لو قلتلها هنمشي تبع خطتنا واننا نحاول نخليه يعتمد علي نفسه ونبعده عن ماما وبابا واول شهرين بس علي ما يظبط نفسه نخلي ماما وبابا يديوله الايجار ومتطلبات البيت بس نديهم لمراته لانه بياخدهم يصرفهم مستهتر جدا واناني ومش بيراعي اي حد ولو قلتلها علي كدبه امي بتزعل وتقولي متكلمنيش تاني بس لو فضلت تداري عليه عمره ما هيتعدل لانه شايف اللي سانده ورامي مراته وابنه ومش حامل اي مسؤلية لدرجة انه كان ساعات يقولهم رايح الشغل ومبيروحش ويجي عندنا فلازم وقفة ليه وبابا هيقف معايا لان ماما هي اللي مبوظاه وبابا برده ليه دور بس اما مايلاقيش لاخويا حجة انه يديه الفلوس دي ويضطر يشتغل ويشوف بيته هيتحمل المسؤليه بس اعمل ايه مع امي ولو قلت لمراته معرفش معناها اني بقولها اه بيكدب بس انا مش هقولك الوضع بالظبط ومراته حاطة امل عليا كبير اننا نحاول نعدله ونخليه يتحمل المسؤلية وهي واثقة فيا انا لانها عارفه من زمان اني دايما معترضه علي تصرفاته ومش في صفه وبقف مع الحق لكن ماما وبابا بيقفو معاه وبيكدبو عشانه

رد: كذب أخي على زوجته وحيرتي في اخبارها الحقي
 

اخوك مسكين ضايع ويكذب لانه يعرف ان طريقه خطاء ادعي له كثير
ولااا تقولي اي حاجه عنه لزوجته اذا سالتك عنه والحت لاتكذبي عليها ولاتصدقي معها
صرفيها او قولي اسالي عن نفسي اعلمك لاني بحبك وو
عن غيري لا مهما كان خليه مبدا
امك وابوك تصرفهم تصرف اكثر الاباء عااطفه
اكثر من انه رضا
ممكن انهم اكثر ناس متضايقين الا اكيد لكن
هذا ابنهم