منتدى عالم الأسرة والمجتمع - نفسى اكرهه اواتعامل معاه بالمثل

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - نفسى اكرهه اواتعامل معاه بالمثل (http://www.66n.com/forums/showthread.php?t=267002)

نفسى اكرهه اواتعامل معاه بالمثل

السلام عليكم ورحمة الله وبركاته
انا كتبت مشكلتى قبل كده وجزاهم الله اخواتى فى الله ردو عليا لكن انا تعبانه جدا من زوجى ربنا يهديه كل لما اقول هعيش لعيالى بلاقى نفسى منتبه ليه ولتصرفاته وكلامه على النت مع البنات غصب عنى اصله مش واحد غريب مع انى مش فارقه معاه دا ممكن يبصلى بقرف ويبص لكمبيوتر ويكتب ويضحك وابص كده القيه بيكتب كلام كل رومنسيه للبنات ويستخسر يقولى كلمه حلوه واقول مش مشكله ولواتعامل معايا مره كويس واجى افتكر الاساءه بلاقى نفسى نسايها انا تعبانه انا حاسه انه بيكرهنى وانا مش عارفه اكرهه لانى مبعرفش اكره حدا ماشى معايا باسلواب حبيبك ابلعله الزلط وعدوك اتمنله الغلط لو قولتله مره مالك ممكن يشتمنى ويقولى بتقوليلى مالك ليه
انا تعبت منه والله معايا تلات اطفال منه مراحل مختلفه وماليش غيره بعد ربنا وهوا عارف كده وبيستقوى عليا
عايش حياته على مواقع التواصل الاجتماعى انما انا ممنوع انا مشتركه فى المنتدى من وراه والله العظيم ممنوع اى برنامج ينزل على التليفون مع انه منزل جميع البرامج وعايش براحته ممنوع اصاحب حد ممنوع الخروج كل حاجه ممنوع ممكن افضل فى شقتى بالشهر مخرجش الا عند حماتى اروح لامى كل سنه مع انى بينى وبينها ساعتين مواصلات ممنوع شحن تليفون الا نادر ولعيزك يتصل بيكى ولو قولت اتخنقت يقولى مخنوقه من ايه كل حاجه عندك وقصده الاكل والشرب اكر ان الحياه اكل وشرب انا متهانه منه حاسه انى ماليش كرامه
بجد تعبت جدا انا قررات اربى عيالى واعيش لرضا ربنا ومتنزله عن جميع متطلباتى الشخصيه طب هعمل ايه مالوش كبير كبيره ربنا وانا ماليش اى حد غير ربنا ماليش ماوى غير بيته
فيدونى الله يكرمكم ازاى اعيش حياتى معاه فى بيته كأنه مش موجود مع اللعلم مبردش الاساءه بالاساءه لانى بخاف ربنا فيه واقول رسولنا الكريم قال كده عليه الصلاة والسلام انا بفضل الله ملتزمه دينيا الى حد ما ولله الحمد ومنتقبه يعنى بيكون هوا عايش حياته بره وانا محافظه على بيته على اكمل وجه الحمد الله على كل شىء انا بعتذر على الاطاله وعلى عدم ترتيب كلامى