السلام عليكم جميعا
هذي اول مشاركه لي معاك بس حبيت تفيدوني بموضوعي اللي ماعرفت له حل
انا متزوجه عن علاقه من سنه ونص تقريبا
زوجي من النوع الكتوم مايتكلم ومستعد يزعل شهر كامل ولايحكي معاي عن موضوع زعله مني واي موقف صار المهم جلسنا حوالي 6 شهور وضعنا عادي بعدها جته فتره مايحكي معاي ودايم مع نفسه وسرحان ويفكر واحيانا لما اسال يبكي ولا حاول يوضح لي شي
الى جا يوم وصار بينا مشكله وجلس بعدها يمكن 3 اسابيع يبنام برا الغرفه بعدها انا طفشت من كثر ماسال ولا يرد علي قلتله الموضوع لازم ندخل احد فيه يحله لنا
وطلبت منه نروح لاهله نعلمهم باللي يصير
بعدها قال خليني لحالي فتره وروحي لاهلك
بعدين امه قالتلي انه محسود وراح عند شيخ يقرا عليه والشيخ قالهم فيه حسد وعين وبعدين قالي انه صار يحلم ان في واحد يجيه بالحلم ويقوله ليش اخذتها مني وطول عمرك ماراح تعيش مبسوط لان انا كنت ابيها وانت اخذتها حلم بذا الحلم يمكن 3 مرات وانا وقتها شكيت بأحد وجبت غسال منه وكل مره يتغسل فيه يحلم بالرجال هذا انا عارفه الشخص بس ماقدر اقوله منهو
وبعدها جلست عند اهلي تقريبا 7 شهور وهو بطل يروح لشيخ بحكم انه مو جالس يتحسن بعد فتره علاج 3 شهور , وقرر انه يتوكل على الله ويعيش من غير مايتعالج عن مشايخه وبصراحه ماحسه حريص على الموضوع هذا هو مشكلته انه شخص سلبي جدا جدا جدا
علما انه يمر بضروف ماديه صعبه
وانا ساعدته ووقفت معاه وماقصرت بس لي فتره مليت من هذا الجفى والبعد اللي بينا حتى لما نجلس مع بعض مافي اي مشاركه بيننا كل واحد لاهي وانا مليت من المبادره بكل شي حتى بالاشياء الخاصه انا اللي ابادر بس كل شخص وله قدره تحمل وانا للحين ساكته بس مو حل السكوت من الطرفين كلهم .
علما ان مابعد حملت وهو اللي مأجل الموضوع .
ابيكم تساعدوني وش الحل معاه انا معاد عرفت وش يبي مايبي عيال الحين ومايبي يتعالج !!


ابي مشورتكم ودعواتكم لاتبخلون علي

المشاركة الأصلية كتبت بواسطة أسينات (المشاركة 3413823) ممكن يمر بإكتئاب ومحتاج دكتور نفسي؟

المشاركة الأصلية كتبت بواسطة msfr333221 (المشاركة 3413770) زوجتي تشبه زوجك ... حاس بمعاناتك مالك الا الصبر الامور هذي ماتنحل بسهول .. وعليكي بالدعاء وكثرة الاستغفار فهي دائما تريح القلب وتزيل الغمه

المشاركة الأصلية كتبت بواسطة ليش انا.2016 (المشاركة 3413946) الله يعيني ويعينك ويعين كل مسلم بس السؤال الى متى طيب ؟ لان الصبر بدا ينفذyyy

المشاركة الأصلية كتبت بواسطة msfr333221 (المشاركة 3413965) من ناحيتي صبري نفذ بعد كل المحاولات وحطيتها عند اهلها لأن ماعاد بيدي شئ اسويه وجالس هالفترة ارتب لحياتي واعطيها مساحه للتفكير اما ارجع لوضعي السابق فهو مستحيل. لكن انتي حاولي الى آخر رمق وحاولي تصلحين قد ماتقدرين عشان بعدها لو حصل انفصال لا قدر الله يكون الشخص سوا الي عليه وارتاح ضميه ( الواحد يفعل بالأسباب والباقي على رب العباد )