منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجي لايثبت لي صدقه رغم وعده لي (http://www.66n.com/forums/showthread.php?t=267162)

حظ عظيم 11-05-2016 10:53 PM

زوجي لايثبت لي صدقه رغم وعده لي
 
قبل سنه كشفت زوجي في بيتي مع امراءة واهلي كانو
معي يوم دخلت بيتي (امي، ابوي)
وصارت مشاكل كثير واستمرت شهور الى ان صار الي صار
ومن وعوده انه حلف لي واقسم انه مراح يخبي شي عني
علشان يرتاح قلبي
الي صار مع الايام بداية غير الرقم السري وقالي متى ماتبينه افتحه لك
وشوي شوي صار ماعاد يفتحه لي
بس بالنسبة لجوالي متى مابغى يجي ياخذه مني بالقوه
ولا يرجعه لي الا لما افتحه له ف اظطر افتحه علشان يرجعه لي
انا قلت مراح افتش جواله خلاص بس معليش ماتحمل
نار بقلبي ما ارتاح الا اذ مسكته وشفت وش فيه
الى متى اتعب مع نفسي وهو مايفكر يثبت لي
يسوي اشياء مايثبت لي وقتها لما اطلب منه
بعد ماتنتهي يجي بالكلام يبيني اصدقه
المهم الايام ذي متوتره العلاقة بيننا
هو يحق له متى مايبي يشوف كل شي يبيه
وانا بسبب غلطته اتعب مع نفسي ومافي اي اهتمام ليه!
لانه مافتح جوالته ولا فكر
المهم قلتله خلاص من اليوم ورايح ماني مستعده اتحمل واتعب مع نفسي وانت ولاهمك
بتفتح جوالاتك كل ماجيتك ولا! قالي لا
ولا عاد كلمته او جيت عنده
خلاص انا طفح فيني الكيل ماعاد اتحمل ابدا وسوستي مع نفسي وشكي فيه
هل تصرفي صحيح!






ق

لِثام الصمت 12-05-2016 07:30 AM

رد: زوجي لايثبت لي صدقه رغم وعده لي
 

شوفي ياختي حياتك وتفاصيلها بالكامل انتي ادرى بها
مجرد وضعتي رؤؤس اقلام مانقدر نعطيك الحل الكامل واحنا فيه خفايا مانعرفها
يعني ذكرتي انك لقيتي امرأه مع زوجك في بيتك ؟؟
طيب هل المرأه تعرفينها لكم لها قرابه
وهل تعتقدين انه وصل معها لزنى ام ماذا ؟

امور الخيانه سوا من زوج او زوجه لابد من اخذ رأي مستشار او مستشاره من اهل الثقه
وكماااان أسالي شيخ افضل
لان هم اللي عندهم حلول اكثر منا ــ





فرج الله همك وهم كل مسلم


حظ عظيم 12-05-2016 07:38 AM

رد: زوجي لايثبت لي صدقه رغم وعده لي
 
اقتباس:

المشاركة الأصلية كتبت بواسطة بقايا انتظار (المشاركة 3416766)

شوفي ياختي حياتك وتفاصيلها بالكامل انتي ادرى بها
مجرد وضعتي رؤؤس اقلام مانقدر نعطيك الحل الكامل واحنا فيه خفايا مانعرفها
يعني ذكرتي انك لقيتي امرأه مع زوجك في بيتك ؟؟
طيب هل المرأه تعرفينها لكم لها قرابه
وهل تعتقدين انه وصل معها لزنى ام ماذا ؟

امور الخيانه سوا من زوج او زوجه لابد من اخذ رأي مستشار او مستشاره من اهل الثقه
وكماااان أسالي شيخ افضل
لان هم اللي عندهم حلول اكثر منا ــ





فرج الله همك وهم كل مسلم


مشكلتي مو كيف اتصرف بعد خيانته
لان سبق واتخذت موقف وانتهيت
الخيانه قبل سنه
مشكلتي انه مايقدر قلقي وخوفي وغيرتي
ولا يبين لي انه صادق وواثق من نفسه
انه مايراعيني في شي مراح يضره لو اثبت لي
هو وعدني واقسم انو مراح يخبي عني شي وصار يخبي
هاذي مشكلتي

حظ عظيم 12-05-2016 07:44 AM

رد: زوجي لايثبت لي صدقه رغم وعده لي
 
لاننا بنسافر بعد يومين ماحبيت اخرب ع نفسي وعلينا الجو... ف رجعت عادي اتكلم معه
قولولي كيف اتصرف معه بعد مانرجع من السفر!؟

لِثام الصمت 12-05-2016 08:50 AM

رد: زوجي لايثبت لي صدقه رغم وعده لي
 
مادام سامحتيه خلاص
كل اللي تحتاجين عزيزتي هي جلسه مصارحه في مكان هادئ خارج البيت
صارحيه بكل اللي بقلبك بعدها دعيه يتكلم
لاتظهرين له مخاوفك لربما ياخذها عليك نقطه ضعف متى ماحب يلعبها لعبها فيك
يعني يصير يعرف يلعب بعصابك عرف نقطة ضعفك وهو الشك

اطلبي جواله بطريقه مهذبه لاتوحي بالشك كـــ مثلاً
هل تتابع اخبار صحيفه كذا على جوالك او هل وصلك المقطع الفلاني اللي ارسلته لك
اعطني اتفرج على المقطع
وهـــكذا انتي بطريقتك اخذي الجوال منه مو من اجل المراقبه
مجرد اطمأنان او ازالت الشك في نفسك

وانتي تعرفين شخصية زوجك واسلوبه


اما السفر ترجعون بالسلامه ان شاء الله
استغلي السفر اجمل استغلال
دعي قلبك وعقلك يتكلم بعدها دعيه هو يبادلك الحوار
اهم شيء بداية الحوار يكون بعيد عن الجوال وشكوكك به
ناقشيه بحوار عام بعيداً عن مايدور في قلبك
بعدها ادخلي باحساسك وصارحيه بطريقه بعيده عن مخاوفك وايضا يكون حوارك هادئ



ينابيع الهوى 12-05-2016 01:34 PM

رد: زوجي لايثبت لي صدقه رغم وعده لي
 
اقتباس:

المشاركة الأصلية كتبت بواسطة حظ عظيم (المشاركة 3416770)
لاننا بنسافر بعد يومين ماحبيت اخرب ع نفسي وعلينا الجو... ف رجعت عادي اتكلم معه
قولولي كيف اتصرف معه بعد مانرجع من السفر!؟

مدام عندك قدرة على السيطرة
على مخاوفك ومشاعرك
خلاص اجلي النكد على طول
وعيشي مبسوطة وسعيدة
مو لازم نكد ومشاكل...

طمووحه 12-05-2016 01:52 PM

رد: زوجي لايثبت لي صدقه رغم وعده لي
 
انتي بين امرين
اما انك عديتيله وجود امراة غريبة في بيتك بكم كلمه ووعد
ولا شاف عقاب قوي يزلزله
مجرد مخدر وانتهى مفعوله


او انه تايب وانصلح حاله فعلا
بس انتي بقيتي تلاحقينه بنظرات الشك
والتتبع لحركاته وانفاسه حتى اختنق وثار بداخله كبرياء الرجل
ودخلك في عناد اتعبك وهو ما عندت شي غلط

شوفي وضعك بالضبط اي واحد منهم

*علو الهمه * 15-05-2016 05:01 AM

رد: زوجي لايثبت لي صدقه رغم وعده لي
 
السلام عليكم ورحمة الله وبركاته...

عزيزتي حظ عظيم ما مضى فات، فلا تسمحي ما مضى أن يجعل نفسيتك هكذا ولا يأكلك مرتين.

أنت مازلت تتألمين عن الماضي فرغي ذلك بالكتابة وابدئي صفحة جديدة أولا مع نفسك

ولا تراقبي زوجك بتاتا بتاتا هكذا يكبر الفجوة بينكما والشيطان حرص على أن يدمر ثقتك في زوجك كليا واغلبيه عزيزتي

نعم صعب لكن بالإرادة والإستعانة بالله تستطيعي تخطي كل ذلك دون أذى عليك وعلى زوجك..

انتبهي من نظرات الشك وامنحي زوجك الثقة كي يشعر بالأمان وأنت تشعري بالأمان أما دون ذلك ستعيشي دوما بفوضى قد تدمر حياتك وتنتهي، كوني واعية بأن تصرفاتك خاطئة وحان أن تتغيري..

أعانك الله.

صـمـصـام 15-05-2016 03:49 PM

رد: زوجي لايثبت لي صدقه رغم وعده لي
 
بالنسبة لما مضى فقد انطوى ولا تشغلي بالك به
ابحثي عن حل للمشكلة ولاتبحثي عن المشكلة نفسها
اصرفي النظر عن موضوع تفتيش الجوال
لا تلحي عليه بتفتيش جواله ، هنا تزداد المشكلة وتتعبين نفسيتك
ادعي لنفسك ولزوجك فلا تدرين اي السهام تصيب وترين ثمرها

صرخة مظلوم 15-05-2016 11:37 PM

رد: زوجي لايثبت لي صدقه رغم وعده لي
 
ممكن كم عمرك انتي وزوجك


الساعة الآن 10:34 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©