انا كده نكدية
 

السلام عليكم
انا جوايا كلام كتير من ناحية الراجل اللي متجوزاه ده بس حاليا صعب اكتب كل حاجة بس في حاجة حصلت النهاردة عايزاكم تحكموا فيها وتقولولي انا فعلا نكدية الموقف اللي حصل امس بعد الفطار قعدت في البيت مروحتش لامي قلت اقعد انظف بيتي وهو خرج راح لاهله قعدت نظفت بيتي وظبطت ابني وخليت البيت جميل جدا وظبطت نفسي وهو كان خارج نفسه يتمشي شوية رجع من بره بعض طلبات البيت مالقهاش وجه من غيرها وعادي واليوم كان كويس نيمت ابني وحضرتلي انا وهو اكل احنا بنتسحر قبل الفجر بثلاث ساعات اكلة كبيره وقبل الفجر بنص ساعه زبادي وحاجات خفيفة بعد ما حضرت الاكل قالي انا النهارده مزاجي حلو والنبي متنكدي علينا الواحد اما بيبقي مبسوط بتحصل حاجة قلتله يعني انا نكد قالي لا مش زي ما انتي فاهمة عشان كنا بنتعصب اليومين اللي فاتو اول يومين وصيام وكده وابني شقي جدا بيجنني المهم قلت ماشي واكلنا الحمد لله بعدها هو قام يعمل حاجات عشان يجي ونقعد مع بعض نتفرج علي برنامج قلتله هات تليفونك اكلم ماما لان رصيدي خلص وانا غالبا بتكلم من عنده ومكنتش كلمتها بقالي كام ساعه جابهولي بعد ما قفلت المكالمة بعتولي رسالة بأخر معاد للباقة عنده فبشوف التاريخ عشان اقوله لسة كام يوم والله ما اتجسست انا بطلت ادور من وراه لاني زهقت من كتر القرف اللي بشوفه عنده المهم وانا بشوف التاريخ من غير ما افتح اي حاجة لقيت في التنبيهات فيديو لم يكتمل تحميله طبعا فيديو اباحي للشواذ بنات وهو دايما كده اول ما دخل القوضة عليا قلتله مين بقي اللي بينكد قالي عادي اي انسان عنده اوقات ضعف قلتله طيب ومتكلمتش والله والله قعدت عادي جدا يقوللي يعني منبه عليكي متنكديش وبرده مفيش فايده قلتله انا اتكلمت ولا عملت حاجة قالي كفاية اللي عملتيه فهموني انا غلطت في ايه ومن بعدها بتكلم ولا كان حصل اي حاجة وهو قافل وشه

رد: انا كده نكدية
 

رد: انا كده نكدية
 

اختي الظاهر زوجك متشبع من انتقاداتك
حاولي ان تقللي من نقدك و من نصائحك لانه اسلوب منفر
مثلا رايتي المقطع الاباحي كان ما علقتي و تغافلتي
قللي نصاءحك و لا تسمعي كلام بان المعاصي هي سبب سوء وضعكم المادي فكم من ثري يسكر و يعربد .

رد: انا كده نكدية
 

والله طمنتني يا ابو مريم اني مش نكدية اصله حسسني اني كل يوم بصبحه بعلقة وانيمه بعلقة علي الرغم اني مشاعري بقت باردة جدا من ناحيته وغيرتي تكاد تكون معدومة من كثر ما اتكرر حوارات الحاجات اللي بيشوفها ومش بعمله مشاكل انا بس لما بشوف حاجة بعرفه اني عرفت وبسكت وبتعامل عادي جدا لانه مبقاش فارق معايا لو تفتكر اما كنت ف السعودية وهو كان مش بيرجع البيت الا ينام وشكيت انه متجوز وانت نصحتني باشباعه ورجعلي كويس بقيت لما اعمل كده احس انه كله تمثيل وانا من جوايا مش شايفة غير اللي بيعمله من ورايا وانا للاسف سيئة الظن جداا ومبقتش بدور وراه من زماااان لاني زهقت وهو مبيتغيرش معرفش ليه اغلب الرجاله بقت عاملة كده بصراحة مش شايفة حواليا من يوم ما رجعت مصر راجل كويس كده الا زوج بنت خالتي اخت سارة كلهم يا بيشربو مخدرات يا مابيشتغلوش وكل واحد فيهم يقول لمراته احمدي ربنا انتي متعرفيش الرجالة بتعامل زوجاتهم ازاي وهو مش شايف نفسه اساسا ولا حاسس بالمصايب اللي هو فيها وشايف انه احسن من غيره طيب دول نتعامل معاهم ازاي وكل واحد فيهم معدي الثلاثين الا زوج بنت خالتي الكويس لسة تقريبا ٢٥ سنة بس ارجل منهم مليون مرة تقي شايل مسؤلية نفسه حنيته علي زوجته وبنته لاتوصف ربنا يباركلهم ويبعد عيني عنهم بسم الله ماشاء الله والله بخاف احسدها ربنا يكفيها شري بس ايه الحل مع الرجاله المستهترة دي اللي داخل علي الاربعين ومبيشتغلش وليه بلاويه مع النساء واللي مقضيها مخدرات واللي قاعد في البيت جمب مراته ومعتمد علي اهله ومحدش فيهم بيشتغل وكل صنف منهم في العيلة واللي حواليا مكرر كذا مرة كرهوني في الرجالة ياتري هما بس اللي كده ولا النوعية دي بقت منتشرة ربنا يهدينا ويهديهم
وبخصوص سارة واختها انا ارسلتلك عبر الادارة رسالة