محتار اكلم خطيبتي او لا
 

السلام عليكم ورحمة الله وبركاتة...
انا متملك من 6 شهور
وعلاقتي مع خطيبتي( زوجتي) يعني اغلب الوقت والمحادثات مشاكل
طبعا ترفض الحديث معي خصوصا على الجوال
وبدون سبب اقولها ليش تقول بس
طبعا ماعمري زرتها بحكم عادتنا وتقالدينا الهرمه
يعني حاولت بشتى الطرق اخليها تلين تجاهي لكن فشلت
الان لي فترة عنها تقريبا شهر محد كلم الثاني وهي اساسا ماعمرها كلمتني
يعني كلمة ورد غطاها مافي سوالف ولاكلام حلو وهي السبب
انا حاولت انها تتغير بكل شي بس للاسف فشلت
وهي تقول انت ماقصرت معي بشي بس انا كذا مدري وش فيني
عموما باقي على زواجي فترة قريبة
وانا ودي اكلمها صراحة انا احبها جدا ويوميا افكر فيها
لكن ماكلمها لان كل ماكلمها تكسحني وماتتجاوب معي
والله العظيم من وقت الملكة عدد المحادثات ماجت 10 مرات وكلها ماتقعد 5 دقايق rfegr
صراحة مشتاق لها والتفكير اتعبني حاولت اضغط عليها اني اسحب عليها اثقل بس ماطقت لي خبر
وش شوركم

رد: محتار اكلم خطيبتي او لا
 

خذها قاعدة
أول الزواج الزوج يلحق ورى زوجته
وباقي العمر الزوجة تركض ورى زوجها

رد: محتار اكلم خطيبتي او لا
 

لي عودة بعد الفطور

عندي لك كلام كثير و راح تستفيد منه

رد: محتار اكلم خطيبتي او لا
 

خذها قاعدة
المراة مثل الظل
كل ماقربت بتعدات وكل ماقفيت
اقتربت
فلا انصحك بتواصل معها ومصيركم متزوجين

رد: محتار اكلم خطيبتي او لا
 

ياأخي لاتستعجل على رزقك تبي تشوفها وتكلمها وتمل منها ، لكنكم قومٌ تستعجلون ...!
اتركها مشغوله بالتجهيزات...! ومرتبكه ، انت رتب امور زواجك ...!

رد: محتار اكلم خطيبتي او لا
 

قاعدتك اعجبتني ...!

رد: محتار اكلم خطيبتي او لا
 

الاولى صح اما الثانيه اشك فيها ...!

رد: محتار اكلم خطيبتي او لا
 

وعليكم السلام ورحمة الله

انت قلت عاداتكم ماتزورها عند اهلها
يعني حتى المحادثات لايوافقون اهلها عليها

وان شاء الله يكون حبك دائما لها ماتتغير
انتظر اللين الزواج ويصير خير
بالتوفيق لكم

رد: محتار اكلم خطيبتي او لا
 

عزيزي لا تستعجل بالزواج أجله
قد تكون البنت غير منسجمة او متقبلة معك هذه اصبح موده هذه الايام
اجل الزواج و حاول ان تتكلم معها باستفاضة لتفهم هل هي تريدك هل هي متقبلة لك هل هي خجولة
لا تترك الامر للحظ بعد الزواج

رد: محتار اكلم خطيبتي او لا
 

أولا القاعدة تقول ان البنات اقل اندفاع في بداية الزواج و خاصة في المجمتع المحافظ الذي لا يوجد فيه اختلاط بين الجنسين

إضافة الى صغر السن له دور كبير كل ما كانت البنت صغيرة كل ما كان الاندفاع اقل و العكس صحيح

ثانيا الصياد الماهر يمتاز بثلاثة صفات

الصفة الأولى الصبر

الصفة الثانية الإصرار او الإلحاح

الصفة الثالثة استغلال نقاط ضعف الفريسة

بالعربي عشان تصيد قلب زوجتك لازم تكون صبور و عندك إصرار و يكون كلامك و أسلوبك معها قمة في الرومانسية و الروعة

الثقل مطلوب في بعض الأحيان لكن بشكل متوسط و تذكر كثر الدق يفك اللحام

ثالثا يجب عليك ان تعلم ان الحب صناعة لا تتوقع انه مابين يوم وليلة تتعلق فيك زوجتك من دون مقدمات من كلام و أفعال

رابعا يجب عليك تتعامل مع زوجتك كأنها طبخة كل ما صبرت عليها و أحسنت الطهي كل ما استمعت بلذة و طعم الطبخة

اللله يوفقك و يسعدك و يسخر لك قلب زوجتك