مشاكل امي وابي المادية اثرت علينا
 

السلام عليكم ورحمة الله ....
انا بنت عمري 22 سنه مشكلتي والي يسلمكم امي وابوي دايم يتهاوشون ...

السالفة ابتدت من لما اتقاعدوا امي وابوي وقرروا ياخذون قرض ويشترون لنا بيت ثاني في مدينة ثانية ومن هنا ابتدات المشاكل امي كان راتبها عشرين الف وشي تقريبا وابوي نفس

الشي بس لما اتقاعدوا راح نص الراتب بالاضافه مع اقساط البنك صار كل الي يبقى لنا حوالي 7 الاف وانا من دخلت الجامعه وشفت الوضع انا واخواني رحمنا امي وابوي وصرنا

نصرف ع انفسنا حتى مصروف ما يعطونا بس المشكله مو هنا المشكله انهم ما تجي سيرة الفلوس الي تصير هوشه قد ايش كبرها واخر وحده صارت اليوم بعد المغرب وابوي قال انه

بيترك البيت وانه ما له دخل فينا وقال لامي كلمة انه لو تبغاني انا واخواني تشيلنا واذا ما تبغانا تفتح باب الشارع وتطردنا وانه ما راح يحط ريال واحد علينا ....


اش اسوي ساعدوني يمين الله ما جيت المنتدى اكتب وابغى مساعده الا بعد ما عجزت ومعد اعرف اش اسوي حتى ما نطلب منهم ريال واحد وصرنا نصرف ع انفسنا وفي العيد

كان كل سنه يعطونا عيديات بس من صارت السالفه صرنا نرفض ناخذها لعل وعسى تنهي المشاكل تكفون قولوا لي اش اسوي اخاف يصير شي وانا واخواني نصير بالشارع ....


تم تعديل العنوان ليتناسب مع المضمون

رد: مشاكل امي وابي المادية اثرت علينا
 

ورده مارح ترمو في الشارع ياقلبي

اقترحي عليهم يبيعو البيت الثاني وكل واحد ياخذ حقه

والمصروف بيتفقو عليه ان شاء الله

أمك ممكن دفعت في البيت اكثر من أبوك لو يباع البيت ويسددو الديون بتخف ان شاء الله مشاكلكم

رد: مشاكل امي وابي المادية اثرت علينا
 

هم ضغطوا ع انفسهم بهذا البيت ابدا ماكان له داعي وهم متقاعدين وكمان تقاعدهم هذا زاد المشاكل بينهم الافضل يبيعوا البيت ابو اقساط ويسددوا اقساطه ويرتاحوا ويريحوا بس ممكن تكون مشاكلهم اعمق من سالفة البيت

رد: مشاكل امي وابي المادية اثرت علينا
 

التقاعد هو السبب ولاغيره
ابوج وامج متعودين على العمل وعلى الروحه والرده
ويوم تقاعدو حسو بالفراغ وبما ان الفراغ قاتل ماعندهم الا الهواش هذا شيء طبيعي

اخذي ابوج على انفراد واعطيه فكره يفتح مثلاً محل او مشروع تجاري يحبه ..الخ
حتى يشغل وقته ومايكون فاضي وينشغل بحاله بعيد عن هواش

كمان امج اخذيها على انفراد وقولي لها ليه يمه ماتستغلي فراغج بشيء تحبينه
المشكله اعتقد مو بالمال وقلته المشكله بالفرااااااغ







ـ

رد: مشاكل امي وابي المادية اثرت علينا
 

اقترحت الشي ذا عليهم ورفضوا وما عرفت اش اسوي حاولت اصلح بينهم كثير بس مافي فايده عشان كذا كتبت في المنتدى

رد: مشاكل امي وابي المادية اثرت علينا
 

من الاساس كنت انا واخواني معارضين فكرة اننا ناخذ شي ب اقساط بس امي وابوي كانت الفكره داخله راسهم بالقوه و لما ابتدت المشاكل حاولت فيهم اننا نبيع البيت ونفتك من المشاكل الي مالها داعي بس المشكله رافضين لانهم خايفين يبيعوه بخساره وقلت لهم العقار ما فيه خساره حتى فكرة اننا بس نعرضه للبيع رافضينها حست معهم ما ادري وش السوات ....