زوجي والهدية تم الصلح الرد 119
 

اول شي زوجي مايرضى اروح السوق لحالي
لازم هو يوصلني ورجله على رجلي بكل محل
وبنفس الوقت مايحب استلم غرض من مندوبين رجال




قبل يومين طلعت مع زوجي السوق
وفاجأني انه شرى لي حاجة خاطري فيها من زماااان
وقال اعتبريها هدية ذكرى زواجنا
قلت له لسى ذكرى زواجنا باقي له يومين
قال خلاص هديتك وصلتك بدري هالسنة
وانا مره فرحت وشكرته ودمعت عيني من الفرح


امس قررت احتفل معه بذكرى زواجنا
جهزت شموع وورد مجفف وزينة وخبيتها لليل
وطلبت هدية من وحدة بالانستقرام
على أساس توفرها وتغلفها وتوصلها بنفس اليوم
وانا سبق تعاملت معها
ميزتها انو البنت تجي للبيت بنفسها
وحددت موعد الاستلام قبل رجعة زوجي بساعة
لكن تأخرت البنت
وانا خفت تجي مع دخلة زوجي
والاسوأ من كذا دق باب البيت الا رجال برا
على طول اخذت منه الكيس وقفلت الباب
لان دافعه على الانترنت

المهم
بعد 10 دقايق دخل زوجي
وراح يريح قبل الفطور
وانا كنت مبسوطة ضميته ونومته ورحت المطبخ اكمل شغلي
افطرنا وكل شيء تمام
وجلست اسولف واتدلع على زوجي بعد التراويح
وهو معطيني جوي
بعدين قلت له ايش مشتهي عالسحور؟
قال لا معزوم بتسحر برا !
قلت غريب بالعادة تقول من بدري
قال معليش نسيت ولازم اروح.. قلت الله معك
ودعته وقلت عوافي على قلبك
وقلت يابنت فرصة اذا جاء يلقى الترتيبات كاملة
وجلست ارتب وارتب وازين واعمل ديكورات
وقلوب وبطاقات وزحمة
صارت الساعة 2 وما جاء زوجي
أرسلت له واتس اب سهرة سعيدة حبيبي
اذا جيت شيك عالمكان الفلاني
تاركة لك حاجة بسيطة
بمناسبة ذكرى اهم يوم بعمري
ارسل لي وردة
وانا قلت بنتظر الصلاة اصلي وانام
بعد الفجر جاء البيت
قلت حبيبي تعال نم الصباح رباح
راح فتح الهدية
وقال كيف جبتيها؟
قلت له طبتها من وحدة انستقرام
ومين جابها؟
هي البنت
اقصد كيف استلمتيها؟
قلت من الباب
هي عطت اياها؟
ايه
فجأة انفجر علي: يا كذاااااابة
انا شايف سياره جيب ابيض برا
وشفت رجال نازل وسلمك إياها
انتي كذابه انتي محتاله
حتى هديتك سخيييفة وغبيه مو من مستواي
ولو تكررت حركتك ترى الباب يوسع جمل!!


انا كنت ساااااكته ومصدوووومه من ردة فعله
قلت له الوضع الطبيعي اول ماتدخل البيت تسأل عن السيارة
وانا وقتها برد لك وأقول لك كل شيء
لكن انت اللي قررت ماتكون صريح وتخدعني
انا نيتي من الترقيعه اني ما اعكر صفو الليله
وانت كانت نيتك تترصد وتعمل لي مكيد وتضغطني
واذا هديتي حقيرة بنظرك فانا اعتذر هذا ذوقي وهذي امكاناتي

قال بعد بتغلطيني؟ هاتي اشوف المحادثة
عطيته جوالي
وتأكد اني طول الوقت كنت اكلم بنت
واني كتبت لها بعد التسليم: ليه ماجيتي بنفسك زي كل مره؟
قالت: اعذريني تعبانه وماقدرت فارسلت اخوي

هو هنا قال المفروض قلتي هذي التفاصيل بصراحة
قلت له انت داخل وبرأسك سؤال مغلم
لو قلت الصدق بتزعل ولما قلت رد يناسبك زعلت
صح تصرفي غلط
بس ما اقدر اعتذر لك وانت مهددني بالطرد من البيت!
جملتك قوووويه كأني مسويه جريمة
انت كنت تراقب برا
الموقف اخذ ثانتين
كان بيني وبينه حجاب وماخضعت بالقول ولاشي
شرعا وعرفا ماغلطت.. بس خفت اصارحك تعصب
والله كان اكبر همي تكون ليلة وذكرى حلوة بينا
عطاني ظهره وجلس يلعب بالجوال
وانا عطيته ظهري وسكت


تم الصلح الرد119


http://66n.com/forums/showpost.php?p...&postcount=119

رد: زوجي والهدية
 

رد: زوجي والهدية
 

انت سويتي من طيبتك حبيتي تفرحيه مثل ماا فرحتي انت .... يا اختي صيري مثل هل نسوان الي ياخذون وما يعطون .... ربي يصبرك

رد: زوجي والهدية
 

الصدق منجاة

رد: زوجي والهدية
 

و عليكم السلام كنافة

قلبي معاك حبيبتي

كان الله في عونك

رد: زوجي والهدية
 

كنافه عزيزتي .. زوجك مثل زوجي .. لازم كل شي معاه .. واذا دؤى اني تعاملت مع غريب يقوم الدنيا .. بس ماشاء الله زوجك هدأ بنفس الوقت وماسواها مشكله ولا قالك روحي بيت اهلك ...

الحمد لله انك مامسحتي الرسائل وقرأهم ... لان في بعض الازواج الله يهديهم يتحسسون بهالمواضيع ... اما بالنسبه للهديه عندي وعندك خير .. مايحب الهدايا اللي مالها قيمه وكم مره اعطيه هديه واحس من كلامه ان بلاش تضييع الفلوس على شي فاضي .. مع انه ماصرح فيها بس حسيت بهالشي .. تدرين الحين وش اسوي لي اكثر من سنتين بكل مناسبه اذا معي مبلغ حتى لو 100 ريال احطها بظرف واكتب عليه عبارات واهديها له .. وبكل مناسبه تختلف طريقة اعطائه الظرف .. اشوف يفرح اكثر من الهدايا .. فبدل ماتحطين نفسك بموقف وماتدرين وش اللي مايعجبه ووش اللي يعجبه حطي له مبلغ وكثر الله خيرنا .. والله مره من المرات حطيت له 50 ريال ماكان معي غير هالمبلغ ولما وصلت له قال تنفع رصيد 😁 ... اذا بينفع مع زوجك طريقة الفلوس بالظرف بيكون احسن ... وحاولي تنسي اللي صار البارحه وسوي يوم جديد ذكرى جديد مو شرط نفس التاريخ ... خلي كل ايامك ذكرى سعيده ..

بالتوفيق 🌹 وربي يهدي زوجك ...

رد: زوجي والهدية
 

مصيره يوصل لل40 ويركد ويعرف ان الله حق ويهدأ اكثر من كذا بكثير

كلنا نكون متحمسين اول سنين زواجنا وخايفين على زوجاتنا

نخاف نعطيها جوال

نخاف نعطيها مصروف

نخاف نخليها تروح مع سواقين

وبعد مايتقدم العمر ويعقل الواحد يتخلى عن كل هذه الحواجز والاحتياطات

رد: زوجي والهدية
 

انتو تستنوا الزلة ع بعض هو وانتي كمان

رد: زوجي والهدية
 

الله يكون بعونك حبيبتي..
لو كنت بمكانك جاوبت مثلك
مع اني دايم انقفط بس ياخي نكره النكد😣



صااادق لماذا نتزوج
زوجي من قرب ال40وهو واحد ثاني ناحية الغيرة والتساهل
اكل شبابي بالنكد والحين كل شيء عادي..

ربي يعينك

رد: زوجي والهدية
 

اداكي جوك ولاتكلم زوجك متعب
ماجا فبالك إنّو شاف الرجال وسكت
ماشاء الله تبارك الله ربي يهنيكي بنفسك