مسجات بين زوجي واخوه مستجد رد151--218
 

السلام عليكم ورحمة الله وبركاته ...

*‏اللهم لا تختم رمضان إلا وقد رفعت أسمائنا ‏في صحائف العتقاء ...

من اول شهر رمضان او قبله بكم يوم ... كنت افتح جوال زوجي " من غير علمه " ... لفتني مسجاته مع واحد من اخوانه اللي ساكن بالمدينه اللي فيها اهلي في الواتس اب ... والموضوع عن الميراث* ... كان يقوله ... قول لزوجتك ان اخوانها بيوزعوا الميراث ولازم تكون على درايه وكذا... او يقول هاه زوجتك درت عاللي صار كذا وكذا .. هو الموضوع كله على الميراث وان اخواني جالسين يخططوا ويسووا مشاريع ومدري ايش ... ويقول خلى زوجتك تكلم اخوانها ان مو وقت المشاريع والخرابيط.. وانا احنا كلمناهم بس مايسمعوا مننا ...طبعا انا داريه بكل شي من اختي وامي بس ساكته مابي احد يتدخل ... ولا انا ابي اتدخل كل واحد ويصطفل بنفسه ... المشكله ان ردود زوجي على اخوه هي اللي محيرتني ... يقوله طيب بكلمها ... ويرجع يقول كلمتها وهي كلمتهم خلاص ... او يقول انها اتصلت على اخوانها واتفقوا على تأجيل الموضوع .. او انها تزاعلت مع اخوانها وماتبغى تكلمهم الا بعد ماترجع .. !!

بس هو ماعمره فتح معاي الموضوع ابدا .. ولا يتكلم عن اخواني قدامي ... من وين يجيب هالكلام على لساني ؟!

شهر وانا ساكته بس افتح اقرأ الرسايل واقفل .. ودي افتح معاه الموضوع بس مابيه يعرف اني عارفه الرقم السري وافتح من وراه لان بتصير مشكله وانا في غنى عنها ...

هل اقوله ولا اسوي نفسي مو داريه بشي .. وبصراحه انا ساكته بس ابي اعرف لوين بيوصلون هو وأخوه!؟

فمادري وش اسوي عجززت اطنش اكثر من كذا ..* صار عندي فضول اعرف كل شي وليه يقول لاخوه انه يكلمني وهو ماكلمني ... وليه حاشرين نفسهم باخواني ..

ثاني يوم العيد برجع لمدينتنا ولعند أهلي ومابي أتدخل بالموضوع ابد ...


مستجدات الرد 49



http://66n.com/forums/showpost.php?p...8&postcount=49


مستجدات الرد 151



http://66n.com/forums/showpost.php?p...&postcount=151



مستجدات الرد 218


http://66n.com/forums/showpost.php?p...&postcount=218

رد: مسجات بين زوجي واخوه
 

حريم والله انكم تبحثون عن المشاكل
اولا تفتيشك جوال زوجك فعل مشين وحرام
وتكسرين الثقة بينكم ولا راح يثق فيك لو اكتشفك....بنسبة للميراث امر يخصك انتي واهلك

رد: مسجات بين زوجي واخوه
 

والله عيب هالشغلة ومافيها اي احترام لزوجك ،، باي حق تتطلعين على خصوصياته كل يوم من غير علمه ،، وابشرك اذا استمريتي كذا مالك الا الهم والقلق ،،

رد: مسجات بين زوجي واخوه
 

مو من حقك تفتشي جوال اي انسان
هذي خصوصياته وانتي انتهكتيها
والتجسس حرام

بالنسبه لكلامه مع اخوه عن ورثك
واضحة
اخو زوجك ملقوف
وزوجك يحاول يسايسه ويبين له انه متحكم
بينما في الواقع معترفه انه ماتدخل
وتارك الموضوع لك ولخوانك

رد: مسجات بين زوجي واخوه
 

ممكن مايبغى اخوه يدخل فيرد كذا
سموره انتبهي لا يكشفك انك بتفتشي ولو تسيبيها أفضلك هذي خصوصيات

رد: مسجات بين زوجي واخوه
 

طيب ادري انه مو حلو افتش .. بس مو سالفة ثقه وما ثقه ... انا اثق فيه بس تفتيشي لجواله مجرد فضول ... وهو ماكان مانعني وكان معطيني الرقم السري .. بس حصل موقف قبل فتره وغيره وماعطاني ومنعني ... وهذا مو موضوعنا التفتيش ومثل ماقلت مجرد فضول وماهي سالفة عدم الثقة...

رد: مسجات بين زوجي واخوه
 

مو سالفة تجسس والله بس حبيت اعرف لوين بيوصلوا وليه حاشرين نفسهم ...

انا اعرف زوجي يموت ولازم يتدخل ... لأنه مره قال لي على اخواني على الميراث وقال الحقي قبل لا ياكلونه عليك ... هذا الكلام قبل اكثر من شهر ونصف ... في اشيا كثيره ببالي وقاعده اربط مابينهم ومدري كيف ...

غسق منتبهه لهالنقطه بس صعب اتركها ... فيني فضول اعرف وش يدور براسهم ..

رد: مسجات بين زوجي واخوه
 

بكر لو كشفك وداك لبيت اهلك وسحب عليك
حطيتي موضوع طولة متر وكلة دور المظلومة وتظلم وتحسب مثل غيرك
من الصعب بناء الثقة ولكن من السهل هدمها

رد: مسجات بين زوجي واخوه
 

ي بنت الحلال واضحه ومايبي لها كلام
الموضوع بأختصار زوجك رجل ونعم فيه مايبي يتدخل ..
في موضوع الميراث لأنه مايخصه ولأنك ماطلبتي منه يتدخل
ومنحرج من أخوه ومايقدر يرد عليه ان الأمر مايخصه ولايعنيه..
وبيض الله وجه ... وأحمدي ربك على هالرجال

رد: مسجات بين زوجي واخوه
 

اختي التجسس مايجيب الا الهم والنكد
وهالشي لمستيه بعينك
اتركي جواله الله يرضى عليك
لاتصير عاده عندك