|
للموظفة/هل شراءزوجك لك كم غرض لك بمثابة عيدية
السلام عليكم ورحمة الله وبركاته
اسأل الله أن يتقبل صيامنا وقيامنا وصالح أعمالنا ويعتق رقابنا من النار .. أخواتي الموظفات طبعا اللي عندها إمكانية وتشتري لنفسها أغراضها: هل يعطيك زوجك عيدية؟ هل تكفل زوجك بأغراضك للعيد أم تكفلتي أنتي بها؟ ولو تكفل زوجك ببعض أغراضك خاصة إذا كان وضعه المادي يدوب وعليه التزامات هل تعتبرين ذلك كافي؟ وهل ذلك بمثابة العيدية؟ |
رد: للموظفة/هل شراءزوجك لك كم غرض لك بمثابة ع
ماني متزوجة بس اذا راتبه يا دوب
ما رح انتظر منه شي و اذا جاب من نفسه رح اعتبرها عيدية و كافي و نص ازعل اذا عنده و ما عطاني هنا اه رح اشيل بخاطري... بس راتبه قليل و اطمع فيه و انا موظفة ما بظن رح اعملها خاصة ان مصاريف رمضان تنتف الجيب نتف. |
رد: للموظفة/هل شراءزوجك لك كم غرض لك بمثابة ع
اذا موظفه شتبين فيه وهديته اشتري الي نفسك فيه بلا منه وبلا دوخة راس صارت الهدايا ازمة ثقة بين الازواج يادفع البلاء الدنيا صارت دبور نسأل الله السلامه والعافيه 😬
|
رد: للموظفة/هل شراءزوجك لك كم غرض لك بمثابة ع
بالعاده انا اشتري لنفسي ومسؤوله عن نفسي بالعيد او غيره
ومصاريفي مكلفه نوعا ما وزوجي وضعه المادي طيب السنه هذي لقيت زوجي يقولي خذي الفيزه وقضي اللي تبين قلت له والله مالي نفس اشتري يمكن شيء بسيط للصباح وخلاص لان قررت مااعيد بالايام الباقيه قال المهم من عندي حتى لو شيء بسيط وفعلا دفعه مع انها كانت فرصه اشتري باللي ابغاه واركنها لبعدين واحط فلوسي بجيبي بس والله الدنيا مو مستاهله أوجع راسي على فلوس واقعد اخطط او يلا هات وهذي نفقه ومن الكلام ذا ربي رزقني الحمدلله اتهنى برزقي قبل اموت جات منه اهلًا وسهلا ماجات الله يستر عليه احاول اشوف مزاياه لاغطي عيوبه واقنع نفسي صح الزوجه تحب شعور انه الزوج يصرف عليها لكن تقدر في مواضيع تدخل موضوع الصرف بعفويه منها انه مهما كانت المرأه تملك المال تحب شعور ولي امرها ينفق عليها له طعم خاص اما العيديه اذا الشخص بينتظر رد الهديه راح الأجر وبيتعب داخليا ويتنكد عيده اذا الطرف الاخر مااهدى لذلك اقتراحي اللي بتزعل لاتهدي ابدا حتى اذا اهداك بتفرحين وتنبسطين وتعيشين جوها واذا مااهدى بيخف الوضع عندك لأنك اصلا مااهديتي |
رد: للموظفة/هل شراءزوجك لك كم غرض لك بمثابة ع
أخواتي الموظفات طبعا اللي عندها إمكانية وتشتري لنفسها أغراضها: هل يعطيك زوجك عيدية؟
لا 😊هل تكفل زوجك بأغراضك للعيد أم تكفلتي أنتي بها؟ تكفلت انا بها و بأغراض أطفالي كلهم الله يحفظهم لي 😊 انا من توظفت مااطلب منه أي شيء مع أن الراتب حقه أكثر بكثير من راتبي بس مو مهم 😊 |
رد: للموظفة/هل شراءزوجك لك كم غرض لك بمثابة ع
كان عنده التزامات مالية وتنتف اعطاني مبلغ غير كبير كملت من عندي اشتريت ليا والاولاد لكن عادة هو من يتكفل اما العيدية فهي نفبس مبلغ الشراء
|
رد: للموظفة/هل شراءزوجك لك كم غرض لك بمثابة ع
لست كغيري وش تبين؟!
حزنانه على عمرك ولا ودك تتهاوشين معاه ؟! شرى لك بعض أغراضك أنعم وأكرم ما قصر خاصة ظروفه شينه ، تبين هدية ممكن أنت تهدينه ومع تكرارها بيتعود لكن تبينه يتقضى لك ويهديك وظروفه ما تساعد مو معقول؟! خليها قاعدة بحياتك إذا قدم لك الواجب لا تدورين الكماليات واسجدي سجود شكر بعد هو ما قدم لك هدية ، بس تحمل بعض مصاريفك وأنت موظفة خلاص ترى هذي نعمة لاحظت إن ابليس دائماً ينبش سوالف براسك عشان يضيق صدرك ، فتعوذي من ابليس اشكري ربك على الموجود ولئن شكرتم لأزيدنكم |
رد: للموظفة/هل شراءزوجك لك كم غرض لك بمثابة ع
الحمدلله
قبل رمضان كنت مسافر خارج المملكة واشتريت ملابس للعيد ليا ولزوجتي ولولدي وقبل لا اشتري اي شيء كنت اصور اللبس وارسله لزوجتي واذا قالت اوك اشتريته المهم بعد ما رجعت اعطيتها كمان دبل المصروف الشهري لها ولولدي عشان بعض الكماليات والعطورات وصلى الله وبارك على سيدنا محمد ترا كسوة العيد واجبة للزوجة والابناء لانها تدخل الفرحه في قلوبهم وحتى لو كان على حساب انك تتدين ودمتم في حفظ الرحمن |
رد: للموظفة/هل شراءزوجك لك كم غرض لك بمثابة ع
موظفة
اغراض العيد تشاركنا.. من سنتين و انا اشيل كل شيء بحكم غرقه بالديون بس هالسنة رفض.. رفضه رغم حاجاته الشديدة اعتبره احلى هدية يكفي انه ضغط على نفسه ماديا علشان يفرحنا الهدية اببدا ماشاوفت أصلا حتى ايام الرخاء ماأهداني الا سنة وحدة😁 ربي يصب علينا الرزق صبا ويبارك لنا فيه وبالنسبة لسؤالك نعم اذا هو شاركك ماديا بأغراض العيد اعتبريها هدية..خصوصا مع وضعه المادي.. ترا الرجال منظورهم عملي يعني يحب يدفع على شيء أنتي محتاجته.. |
رد: للموظفة/هل شراءزوجك لك كم غرض لك بمثابة ع
اقتباس:
ولاحزنانة على عمري ولا أبي أتهاوش معهhyi والحمدلله عندي زوجي بالدنيا وماهو مقصر علي باللي يقدر عليه .. والله لايحرمني منه ياربfffsg |
| الساعة الآن 11:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©