|
طليقتي تتصل بي
السلام عليكم ورحمة الله وبركاته
كل عام وجميع الاعضاء بالف خير ويارب يعيده علينا وعلى جميع المسلمين بالخير والمسره قبل كم يوم جتني رساله من رقم مااعرفه على الواتس يقول احبك ودنيتي مالها طعم من غيرك ومن هالكلام رديت بعلامة استفهام وكمل كلامه الغزل وقلت مين قالت انا فلانه اللي هي طليقتي ام اولادي وعلى طول طبعا بدون كلام سويت لها بلوك وحظرتها في الواتس وامس الصبح ارسلت لي رساله عاديه تقول حبيبي وكل عام وانت بخير وكلام غرام مع معايده ومارديت طبعا بس انا فكرت اتصل على اخوها واقوله بس قلت ياولد خلاص غثيت الرجال كل شوي وانت متصل فيه وتقوله عن كل شي مادري وش تبي هي بالضبط انا مطلق بالثلاث مدري وش تبي ووش المطلوب مني يعني ومتى تفكني من شرها وتفهم ان خط الرجعه مستحيل وش رايكم اتصل على اخوها اقوله والا اطنش حتى تطفش وتحل عني |
رد: طليقتي تتصل بي
سلاماااات!!
وش هالكلام اللي كاتبته وإنت مطلقها بالثلاث! أصلاً حتى لو فيه مجال للرجعه إنها ترسلك بهالطريقة مو حلوه في حقها تأكد أول إنها هي اللي ترسل مو أحد ثاني قبل تتهمها وإذا تأكدت إنها هي صور الشاشة وإرسلها لأحد من أخوانها تعرف طبعه هادي وممكن يتفاهم لأنك بالنهاية أجنبي عنها حتى لو أبو عيالها عيالك كم أعمارهم وتتوقع أحد منهم ببرائة يرسلك هالكلام من جوالها على أساس ترجعون لبعض؟ وهل إنت متزوج الحين؟ وطليقتك يمكن تزوجت بالسر وتطلقت وصارت تحل لك تأكد برضوه من هالموضوع والأفضل لاترد على رسايلها عشان ماتدخل نفسك بمتاهات |
رد: طليقتي تتصل بي
اقتباس:
أتأكد من الأسباب اللي ذكرتها عفوا بسأل سوْال اذا ممكن انت اتزوجت وحده ثانيه مو ؟ |
رد: طليقتي تتصل بي
بلغ اخوانها قول انا مطلقها وماعاد تحل لي شنو تبي فيني وكلام الغزل منها مايجوز ....! ودير بالك تقع في فخها والله يسامحها على الفعل الي فعلته فيك ...!
|
رد: طليقتي تتصل بي
اقتباس:
|
رد: طليقتي تتصل بي
اقتباس:
اما عيالي صغار مايعرفون هالحركات والكلام اللي مكتوب مايقوله طفل اما عن زواجها لا اخوي ماتزوجت وحتى لو تزوجت هي تدري اني ماراح اطالع فيها لو مابقى بهالدينا الا هي |
رد: طليقتي تتصل بي
اقتباس:
والحين لي فتره عزوبي |
رد: طليقتي تتصل بي
اقتباس:
|
رد: طليقتي تتصل بي
لازم تبلغ اخوها حتى ينتبهون لها اكثر
لا تكون تراسل غيرك وهم ما يدرون فيفتحون عيونهم وانتبه ترد عليها بحرف واحد ما تدري يمكنها خطة انتقام منك هذي بديتها |
رد: طليقتي تتصل بي
اقتباس:
من ناحية الرد ابدا مارديت ولا راح ارد بس ماتبي تحل عني وتخليني اعرف اعيش مثل الناس |
| الساعة الآن 05:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©