هل انا طبيعيه ام معقده ام ايشش
 

السلام عليكم
كل عام وانت بخير
اليوم جيت اكتب وافضفض عشان تريحوني وتقولون لي هل انا طبيعيهاو لا..
اول شي بقولكم موقف صار لي وانا اولى ابتدائي كنت بالحصه وزميلتي طلبتني غرض عطيتها خلصت منه لفيت اباخذة ثم تجي المعلمة وتدبغني بضربه على ظهري لين شهقت ولفيت ابرجع الضربه افكرها طالبه الا وهي وهي معلمتي انا وقتها انصدمت وانا طفله جسلت ابكي ابكي لين رجعت البيت وانا يوم كامل ابكي تخيلو جاني اكتئاب صرت العب شوي بالبيت اتذكر المعلمه ابكي واروح لامي بتروحين معاي عند الابلى تقول ايوه حبيبتي واروح والهى وارجع اتذكر واشهق من الخوف وارجع ابكي واروح لامي وهكذا لين اليوم الثاني رحت متاخره معاي امي قالت لها ضربتي بنتي وانكرت ودخلت الفصل وصرت اكره المعلمه كره شديد لدرجة عطرها حفظته لين عمري عشرين اشمه اقول عطر ابلا فلانه بيتها عرفت وينه كان قريب للمدرسه واسمها كامل عرفته المهم انها تسببت لي بعقده صرت اخافمن المدرسه لانها موجوده vdgdوهي عرفتني يعني ايش اكتئاب ...
،،،،
الان وانا عمري 27 سنه صار كل عمري يجيني اكتئاب دايم ي بسبب ي بدون فجاة كذا القاني ابكي المهم صار اي موقف ياثر علي وعلى قلبي بمكان اكره المكان نفسه وصارت مواقف كثيره واكتئبت كثيييير بحياتي بس مرت السنين وانسى وكذا الان اول ماتعينت لان وظيفتي داخل الحرم المكي اول يوم لي بالمشفى داومت رجعت جده مريضه حمى وزكام شديدين قعدت اربع ايام مسخنه اليوم الخامس هدت وخفيت بس صرت خايفه يجي الاحد وانا مريضه مابي اداوم اشوف الحرم اتذكر الدوام اجلس ابكي خايفه من ايش مدري وانا داومت يوم واحد بس خفيت الحمدلله وداومت ونسيت ولي سبعة اشهر متوظفه اللهم لك الحمد على نعمك العظيمة
اليوم وانا اكتب لكم نفسيتي تعبانه وابكي من اول يوم بالعيد م تهنيت بالعيد ولا فرحت ولا شي جاني خبر وفاة زميل لنا بالدوام بحادث الله يرحمة ويصبر اهله الخبر هذا قلب كياني فوق تحت الشخص هذا ماعرفه الا من ست اشهر طيب جدا ابتسامته دايم على وجهه ماياذي احد مايتكلم على احد حتى صوته واطي من هدوءه ماشاءالله المهم لما جاني الخبر انصدمت صدمممه قويه قويه جدا قعدت ابكي واتخيل كل شي حتى اقول استغفرالله بارب سامحني ليش هو اللي توفى اثرت بقلبي وفاته اتخيل مشيته وابتسامته وصوته معنا بالدوام وكل شي اقول هو الحين صار من الاموات وانفجع اليوم خامس يوم وانا اسهى وارجع اذكر انه توفى واشهق من الفجعه وابكي مادري كيف بنساه وبنسى الخبر هذا م تهنيت بالعيد بسبب الحزن القوي اللي احسه بقلبي وكارهه الدوام وخايفه من الدوام اروح ويتكلمون عنه وارجع ابكي جدا خايفه من الدوام ومرعوبه نفس رعب اولى ابتدائي
انا اصلا من توفى ابوي وانا صرت اخاف من طاري الموت اوسوس واتخيل اشساء خطيره حتى الحوادث متعقده منها لان صار لنا حادث قبل ست سنوات او اكثر وصار لي انا حادث وانا رايحه للدوام صرت اخاف من السيارات واتخيل حوادث فضيعه واخاف من الفراق والفقدان بشكل هوسي ماحب اعاشر ناس فجاه يختفوا حتى بالدوام لما يغيب شخص مالي علاقه فيه احس بنفص بالدوام ليش غاب هالشخص ليش كذا ومادري ليش ابي كل شي يمشي على نمط واحد وكذلك الحياة من غبائي ابيها تمشى على نمط واحد م تتغير عجزت اغير تفكيري عجزت اريح قلبي عجزت اتغير واصير مرحة اقل سبب ياثر ف مزاجي ويكئبني ويقعدني مكاني يشيل السعاده مني ينغص علي يومي قريت بالنت عن قلق اسمه ( القلق الوجودي) تعرفونه .... مابي اطول سامحوني ولو ان ودي احكي لين ارتاح لان كثير مواقف بحياتي اثرت علي واستنزفت دموعي وصحتي ومنها اللي سواه معي طليقي قبل الطلاق 😔

هل انا طبيعيه ولا معقده ولا مريضه بدي الاشياء او ايش

رد: هل انا طبيعيه ام معقده ام ايشش
 

رد: هل انا طبيعيه ام معقده ام ايشش
 

والله يا اختي ما الًومك ، المدرسات يجبًون العقد ، اذكر انا لقيت صفعه على وجهي من مدرسه ، وجلست سنين حاقده عليها ، لكن لما فكرت ان انضربت ههه وغيري انضرب ولقى اكثر مني ، صار الشي مقبول ذكرى سيئه لكن قبلتها ههههه ، فات ضعي في بالك انك وحده من ملايين ضحايا المدرسات ، اما بخصوص الموت ايضا ما ألومك ، وتعرضت وانا طفله لوفاة احد ابناء من والدي ( كتبتها كذا عشان ما اريد اذكر اخ او اخت ) في عمر صغير و عشت الفقد واشعر ما تشعرين ، لذللك يلزم لك انك تخرجي نفسك من هذا الوضع ، من البيت اولا ، فإذا اللي حوليك في البيت مذكرينك كل شوي حاولي تبين لهم ان الشي انتهى وقدر وان الحياة تمشي ، وأنت حاولي تندمجي في نشاطات تروح النادي تتفسحي ، تشوفين اشياء تبسط القلب ، اما ازميلك اللي في العمل الله يرحمه ارتاح من الدنيا ، كل ما تذكريه ادعي له ، او تصدقي له .

رد: هل انا طبيعيه ام معقده ام ايشش
 

طبيعية ياقلبي بس مزودتها حبتين
المدرسة منتي الوحيدة اللي عانيتي منهم وفيه اللي كرهوا الدراسة وإنقطعوا عنها بسبب هالشي
سامحيها عشانك مو عشانها وعشان تقدرين تتجاوزين هالخوف والكره
وبالنسبة لزميلك الله يرحمه ويغفر له وأموات المسلمين طبيعي جداً تحزنين عليه لو ماحزنتي أنا بستغرب منك لكن كل ماذكرتيه تصدقي عنه لو بريال هالشي بينفعه ومحتاجه مو محتاج تبكين عليه
والحوادث الله يكفينا شرها من كثر ماأقرا عنها بالجرايد هاه أبدأ أوسوس لكن أتعوذ من أبليس وأستودع الله نفسي وأهلي وأحافظ على أذكاري وأذكار الخروج من المنزل وأذكار ركوب الدابة وأحط في بالي إن اللي الله كاتبه بيصير واللي مقدّر علي قبل تخلق الدنيا بشوفه الدنيا دار إبتلاء بنشوف فيها أشياء كثير تتعبنا لكن إسئلي الله العوض بالجنة اللي مافيها خوف ولا تعب ولا فقد ولا حزن نعيم لاعين رأت ولا أذن سمعت الله يجعلنا وأياكم من أهلها

رد: هل انا طبيعيه ام معقده ام ايشش
 

سامحي المعلمه وراح ترتاحي

رد: هل انا طبيعيه ام معقده ام ايشش
 

عندنا وعندك خير
مشي حياتك طبيعي والمعلمه ماعليك منها
ياما شفنا تحقير وشوفه نفس ولاجانا شئ
بس شكلك متعوده على المثاليه والاخلاق الطيبه
المدرسه والبيت غير المدرسه بعضهم يجون عشان الراتب
وتعاملهم مع البنات صفر ماعندهم امانه ابدا
ترا ماتستاهل تضيعي وقتك عشانها
انسي وارتاحي

رد: هل انا طبيعيه ام معقده ام ايشش
 

انا انساها تماما
بس مجرد م اتعرض لاكتئاب اتذكر انها السبب
انا صرت حساسه بزيادة عن اللزوم مليون مره
صرت اخاف هل انا محتاجة طبيب نفسي او ايش
لان اتاثر بسرعه واوسوس واتخيل اشياء مو موجودة
ومضطربه المزاج دايم. وكثيرة التأنيب لنفسي في كل خطوه
اخطيها
احس ماني مرتاحة متشتته وقلقه
لا اله الا انت سبحانك استغفرك ربي واتوب اليكً
اطالع ‏فـي الحياة بمنظور غير مريح للنفس احس في غشاء على عيني مخلي لي الدنيا سودا
اقول لاهلي الدنيا صعبه انا م ابيها م اقدر عليها
ودمعتي جاهزه علطول ليش😢

رد: هل انا طبيعيه ام معقده ام ايشش
 

شوفي ياقلبي أنا زمان كانت تجيني أوقات أكتئب وأوسوس وأتوقع فيه شي سيء بيصير
المهم قلت مو معقولة هالشي يجي من دون سبب ولا هي حالة أقعد كذا طول عمري
فاصرت أركز على نفسي والأحداث اللي تصير حولي عشان أعرف السبب اللي يخليني أصير كذا
وبالنهاية إكتشفت إنها تجيني هالحاله قبل الدورة الشهرية ومش أنا لحالي تقريباً غالبية البنات يعانون من هالشي
إن كان وضعك سببه تغير هرمونات قبل موعدها ياستي إشربي أعشاب تهديك وتريحك وإذا مش هي السبب بكل مره تمر عليك الحاله إكتبي بورقة وقلم الأحداث اللي وصلتك لهالشعور السيء
وإسئلي نفسك بصدق ليه موضوع المُدرسة مأثر فيك لهالدرجة؟ وحاولي تطلعين بإجابة

رد: هل انا طبيعيه ام معقده ام ايشش
 

يا اختي هونيها وتهون
من منا لم ياخذ علقة من المعلمين
مرة لم احفظ سورة لانؤ كنت بالحمى ليلتها
امسكتني من شعري كان طويل ولوته في يدها ورجت اسي فوق الحمى
بس زمان الاهل ما كانو ينصفونا ولا يشتكون عادي ضربتك معلمتك
الحمد لله اليوم القانون يمنع الضرب والاولياء عرفوا حق ق اولادهم
حببتي ما المانع من مواجهة مخاوفك تبقى هواجس لن تقتلك وما العيب في زيارة طبيب نفسي انت مثقفة ما شاء الله عليك والاكتىاب ليس هناك ما هو اسهل منه في العلاج
سبق وان اصبت به يجي على شكل نوبات
الحياة حلوة وقصيرة لا تضيعيها في الخوف والهواجس

رد: هل انا طبيعيه ام معقده ام ايشش
 

اعتقد انك ما عندك توكل على الله ، يعني مثل اللي شايل الدنيا فوق رأسه ، و مفتكر ان الدنيا سباق غير مدبر ، كل شي مكتوب ومدبر من رب العالمين ، يعني انت اعمل بالاسباب ، وبعدها خلاص ، توكلي على الله ، في كل يوم ، صلي الفروض و اقراء الأذكار ، يعني اللي يصلى الفجر هو في ذمة الله ، يعني ضعي ذلك في بالك ، وإذا انت شايفه انك محتاجه تدخل الطب النفسي مثل ما ذكرت الأخت وفاء ، قدمي لنفسك وتعالج .