|
اهل طليقي ومحاولتهم ارجاعي له
السلام عليكم ورحمة الله وبركاته ..
اتمنى من الله أن يكون الجميع في افضل حال .. انا مطلقةمن شهر ونص تقريبا طلقتي زوجي عند القاضي طلقة وحدة .. مشكلتي كالتالي .. طليقي مريت معاه من بداية زواجي اللي استمر سنه بعدة مشاكل اولها واللي خوفني اهماله في الصلاة وثانيها نومه الطويل جدا واللي يستمر لاكثر من 13 ساعه بدون احساس بالمسؤوليه كذلك اسلوبه في الزعل المتمثل في الهجر وعناده الشديد وكذلك عدم احترامه لمشاعر انوثتي وادمانه على المقاطع الاباحية التي تجعله عازف عن زوجته واللي فهمته انه من قبل الزواج على هذه المقاطع .. في الشهر الثامن من زواجنا اجرينا تحاليل وكانت الصدمه انه طلع عقيم وانا مااعرف اذا هو عارف من قبل الزواج او لا لانه طلبني نتبنى من الشهر الثالث من زواجنا واستغربت من طلبه لانه راتبه ع قدنا واعترضت على هذه الفكرة وقلتله نربي عيالنا باذن الله .. طبعا استقبل خبر العقم بكل برود وماظهر عليه اي حزن ابدا .. طبعا شكيت في عزوفه عني انه رجع للمقاطع وحلفته وزغل مني رحت لاهلي لاني كبت كثير وتحملت كثير ولا قدرت اكمل معاه لين يتعدل جلست في بيت اهلي 5 شهور مارفع الجوال ولا ارسل ولا شيء واهله كانوا دائم يتصلوا ويحاولوا يرجعوني طلعا في ليلة رمضان طلقني لانه اخوي قاله انه اختي ماعد تبغاه وخيروني هم بين ابقى معاه بدون اطفال او اتطلق واختار اخوي الطلاق .. واتطلقت االحمدلله وبعدها رجعوا اهله في رمضان والعيد يججيبوا نفس المواضيع ويبغوا يحننوا قلبي..انا بعد تجاهله لي فكرت جديا بالطلاق والذريه لانه في اي وقت يرمييني زي كذا الان في الوقت اللي جفاني ذي الفترة كلها وغاب عني دي الفترة فيقدر يكرره في اي وقت انا الان تجيني لحظات حنان له .. واهله يكلموني كثير ومدري هل هم مرسولين منه او له ؟ ويحننوني عليه ويقولون هو ماياكل ولا يشرب ونفسيته تعبانه ؟ انا ماانكر انه كان يحبني وله ايجابياته بس سلبياته اللي ذكرتها تعبتني نفسيا .. والله اني تعبانه نفسيا ومدري ايش اسوي مع اهله خاصه انه هو ماعمل اي خطوة تدل على انه يبغانا نرجع لبعض .. ساعدوني واعطوني رأيكم .. الله يجزاكم اعالي الجنان ... اختكم المحتارة تم تعديل العنوان ليتناسب مع المضمون |
رد: محتارة بكل ماتعنيه الكلمة
فرج الله همك..
للحدة فكرتك واحدة من الأعضاء لأن معرفك نفس معرفها... لي عودة ان شاء الله |
رد: اهل طليقي ومحاولتهم ارجاعي لولدهم
والله يا أختي الطلاق خيرة لك وأحسن حل في نظري ..
قصتي مشابهه لقصتك لكن اختلف عنك في كونه خائن بالاضافة للصفات اللي ذكرتيها رغم صبري على العقم والمعاملة السيئة والسهر خارج البيت لفترات طويلة الا إنه أذاني بخيانته .. والله الحمدلله ارتحت وحققت انجازات كثيرة في حياتي .. منها عملي ودراستي ومشاريعي الصغيرة صحيح ينقصني رجل بس صدقيني حاجتي للرجل مو حاجه عاطفيه لأني شبعت من الكذب .. حاجتي للرجل بس عشان العيال وعشان اسمع كلمة ماما .. والله ان الطلاق خيرة لك .. في نظري أتنازل عن كل شي في الحياة الزوجية الا مسألة العيال مستحيل أتنازل عنها والله أي رجل مايتحمل يعيش مع انثى عقيم وبيقعد يجرح فيها طول العمر .. هذا غير انه احنا الحريم أغلب وقتنا جالسين في البيت والطفش والملل بيذبحنا والوحده بتتعبنا .. هو رجال طول وقته يفرفر خارج البيت والطفش والملل مالها مكان بحياته لا والله اتزوج واعيش مع عيالي احسن من رجال اعيش معاه واذوق أنواع النكد والقهر . |
رد: محتارة بكل ماتعنيه الكلمة
اقتباس:
في انتظارك غاليتي |
رد: اهل طليقي ومحاولتهم ارجاعي لولدهم
اقتباس:
والله ثم والله خروجي من البيت ما كان بسبب العقم كنت ابغاه يتعدل في امور كثيرة بس هو حط العقم السبب وخاله لما كلم اخوي خيروه بين اني ارجع له بدون اطفال او اني اختار الاطفال اخوي اختار الاطفال بالنيابه عني وبدون مايرجع لي ... بس الان امه وابوه منهارين ييغوني ارجعله لكن هو مافي اي اتصال او رساله منه |
رد: اهل طليقي ومحاولتهم ارجاعي له
الله يفرج همك
شوفي يا اختي لو كنت مرتاحة معه بغض النظر عن عقمه اقولك اتبني ولا تفرطي فيه لكن هو مكتفي بنفسه مع مقاطعه القذرةوسوء المعاملة ماذا نلت من هذا الزواج ربنا يرزقك بابن الحلال نصيحة لا تخليهم يضغطون عليك لا تسمعين لاحد |
رد: اهل طليقي ومحاولتهم ارجاعي له
حبيبتي
شوفي مصلحتك انت امه وابوه طبعا بيشوفون مصلحه ولدهم وانتي من بيشوف مصلحتك لاصارت مشكله استخيري ومن وجهه نظري قرار الطلاق كان مناسب لانه بالاضافه لعدم الانجاب فيه مشاكل اخرى صعبه ممكن يتقدم لوحده عقيمه او عندها اطفال ويربي عيالها وانتي الله يرزقك والله يرزقه هو |
رد: اهل طليقي ومحاولتهم ارجاعي لولدهم
اقتباس:
أمه وأبوه يحبون ولدهم ولا بيحبون بنت الناس هذا الواقع ماصدقوا يزوجون ولدهم ويفرحون فيه وبالتالي الطلاق صدمة لهم يبغون يرجعونك بدل مايروحون يدورون ع بنت ثانيه ويدخلون في موال اختيار وخطبه وتكاليف زواج و و و و حبيبتي حبي نفسك وفكري في مصلحتك أنا مثلك أبوه وأمه تأثروا لما فارقت ولدهم لكن في النهاية رجعوا وقالوا لي الله يوفقك ويرزقك باللي احسن من ولدنا ولدنا خلاص ماعد له زواج .. خافوا ع بناتهم من الظلم لما ذكرتهم اني بنت ماقصرت مع ولدكم في شي سيارة وشريت .. وصرفت اموال كثيرة ع شغلات تخصه بس ماعد احب اذكر ذي الشغلات عشان ما يروح أجري خلاص وش تبغوني اعمل لولدكم عشان يصلح .. اااااه بس الحمدلله واني خلصت منه والله يستر عليه بس .. |
رد: اهل طليقي ومحاولتهم ارجاعي له
بغض النظر عن اهلك ومة وبوة
ونصائح الاعضاء انتي وش رايك بالموضوع لك رغبة برجوع هنا مربط الفرس وهنا يكون الجواب |
رد: اهل طليقي ومحاولتهم ارجاعي له
اقتباس:
هو كان يحبني لكن مبتلى بهذه المقاطع اللي اعتبرها خيانه لي والشيء الثاني عدم سؤاله فترة الخمسه الشهور اللي كنت فيها عند اهلي .. والله اني احن له كثير لكن خايفه من امور كثيره منها العقم والصلاة واانه ماترك هذه المقاطع وعناده وكمان هو ماسأل اساسا فيني اهله بس اللي يتصلوا ويحاولوا ويقولون لي تعبان ومعتزل الناس ..ومدري هل هذا الوضع صحيح ولا لا انا هذه الفترة اللي امر فيها اصعب فترة في حياتي .. مرتاحه لقرار الطلاق وفي نفس الوقت تجيني عاطفة له وامه وابوه منهارين للاخير |
| الساعة الآن 03:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©