حيرتي في اخبار والد اطفالي باني ساتزوج
 

السلام عليكم
ارجوا المساعده
انا مطلقة عندي ولدين أعمارهم 8 و 6 سنوات تقدم لي مطلق
محتاره كيف اخبر ابوهم كيف بيكون وضع الأولاد لو اقدمت عالموافقه
يعني ابي اعرف وضع أولادي قبل ما أوافق وبعدين أندم مع العلم ماعندي مشكله لو تربوا عنده ويزوروني بالعطل او انا أزورهم لانه باكون في منطقه ثانيه هل ارسل له رساله علما ان اهلي لايرغبون بالتواصل معه وانا ابي يكون عنده خلفيه للموضوع هو ابوهم وهذا حق من حقوقه

تم تعديل العنوان ليتناسب مع المضمون

رد: كيف ابلغ ابوهم
 

الافضل يتواصل معه رجل
كاب او اخ كبير و يحطه في الصورة
حتى يعرف على ايش ناوي و بعدها تقرري
و خلي اللي يقول له يعطيه علم انك موافقة اذا رغب باخذ الاطفال، ممكن يحب يلوي ذراعك و بكذا تقطعي الطريق عليه.
او امك ترسل له رسالة
لا احبذ فكرة تواصلك معه، ممكن يفهمها رغبة منك بالرجوع له.
موفقة

رد: حيرتي في اخبار والد اطفالي باني ساتزوج
 

واحد من
اهلك يتواصل معة
ومبروك الزواج

رد: حيرتي في اخبار والد اطفالي باني ساتزوج
 

الله يوفقك

من الأفضل يتواصل معاه ولي أمرك
ويشوف رده من ناحية الأولاد ..

لأنك لو راسلتيه راح ياخذ ويعطي معاك ويشتتك .. الرجال حتى لو ماله رغبه في طليقته سبحان الله إذا سمع انها انخطبت ينقهر .. ما أدري وش السبب ..

رد: حيرتي في اخبار والد اطفالي باني ساتزوج
 

اللي متقدم لك راضي تاخذين عيالك؟
وهو عنده عيال؟
وطليقك متزوج ولاباقي؟
أولادك يعيشون عند أبوهم أو عندك اللي يحدد هالشي مصلحتهم
إذا ظروف المعيشة بمدينة أبوهم أو المدينة اللي بتنتقلين لها أفضل ،
إمكانيات الخاطب المادية بيستحمل طفلين يعيشون معه لازم لهم غرف مستقلة وإذا عنده أطفال بيعيشون معكم ولا مع أمهم
وإذا عنده بنات كيف بالمستقبل و ولدك معك بيعيشون بنفس البيت
كل هالأشياء خذيها بعين الإعتبار في حال الأب وافق ينتقلون معك

رد: حيرتي في اخبار والد اطفالي باني ساتزوج
 

لا تتواصلي معاه
وعيالك كبار
اذا زاروه يبلغوه

رد: حيرتي في اخبار والد اطفالي باني ساتزوج
 

غير ملزومه اخباره بزواجك ....!
الاهم من هذا لاتحرمين الاب من اولاده ، بعد زواجك تسقط حضانتك وهذه سنة الله ....!
وعلى الاب عدم حرمان زيارة الاولاده لأمهم ....!

رد: حيرتي في اخبار والد اطفالي باني ساتزوج
 

لا حول ولا قوة الا بالله
الله يصبر هالاولاد
قسما بالله شي مخيف

رد: حيرتي في اخبار والد اطفالي باني ساتزوج
 

اذا ما في نية رجعة لا تخبرينه
مصيره يسمع خاصة ما عندك مانع الاطفال يعيشون عنده
الله يسعدك

رد: حيرتي في اخبار والد اطفالي باني ساتزوج
 

وليش اساساً تقولين له
لا انتي ولا اهلك طليقك ماله علاقه بموضوع زواجك وخصوصا انك ماعندك مشكله يبقون عندك والا عنده
مع اني اشوفك ودك ياخذهم ابوهم اتوقع كذا من كلامك
على العموم لا تقولين ولا تتكلمين مع طليقك خير شر لا انتي ولا اهلك
وهو راح يعرف انك تزوجتي سواء من الاولاد او من اهله مصيره راح يدري