ما اسباب صمت الزوج ؟؟؟؟
 

ابغى اعرف اش اسباب صمت الزوج وقلة كلامة والزوج صاحب هالصفه لاي نمط ينتمي

انا قلت مع الوقت بيتغير بس ملييييت من هالوضع امس حسيت بخنقه شويه وابكي

رد: ما اسباب صمت الزوج ؟؟؟؟
 

السلام عليكم

حسب ما كنت اسمع من الدكتور ميسرة طاهر .. وحسب ما أرى في نفسي
هذه طبيعة الرجل بشكل عام .. قلة الكلام والصمت عند التفكير
وهي تختلف عن النساء ويقلقهن هذا الأمر لعدم معرفتهم بنمط حياة الرجل

لكن ما أدري كيف نوع الصمت عند زوجك

بالتوفيق

رد: ما اسباب صمت الزوج ؟؟؟؟
 

هوا كذا مع الناس ولا بس معاكي!!

رد: ما اسباب صمت الزوج ؟؟؟؟
 

اصحابه بااسط معهم في الجوال وماشاءالله اتصالاته ما تنتهي كأنه شخص يعتمدون عليه يحب الجمعات ويحب يرتب وينسق لها

مع اهله احس عادي مو ذييك السوالف بعكس اخوانه

رد: ما اسباب صمت الزوج ؟؟؟؟
 

اذا عمت خفت كلهم كدا اختي الصمت المطبق او النكد اذا الصمت احسن

رد: ما اسباب صمت الزوج ؟؟؟؟
 

الصمت أفضل من الثرثرة

رد: ما اسباب صمت الزوج ؟؟؟؟
 

لا والله الصمت ممل...
المعذرة بس مو يمكن احتمال ان سوالفج ما تعجبه ؟
سبق و نصحتج ان تبحثين عن الأمور المشتركة بينكم أو تشوفين هو شنو يحب
حتى لو كرة القدم حاولي تتابعين معاه وتقرئين في المواضيع اللي تهمه
بس وقتها ما عجبتج النصيحة.. وقلتي ان ما تبين تشوفين شيء انتي ما تحبينه أساساً
بس أتوقع صار لازم تخلقين بينكم قناة مشتركة...

قبل أسبوع كنت اقرأ عن موضوع ما اهتم له
ولا احبه .. بس اعرف زوجي ما شاء الله اضطلاعه واسع وايد وايد فيه
والبارحة كان موضوع حديثنا وعلمني أشياء جديدة وأضاف لي معلومات ما كنت اعرفها أبدا
بجذي قاعدة افتح قناة تواصل متجددة بيننا
في نفس الوقت انبهر من اضطلاعي على هالموضوع وقرائتي فيه
وكان مستانس ويعطيني معلومات من قلبه لأن حس اني مهتمة
فجأة لقيت نفسي معجبة بالموضوع ومن طلع لصلاة الفجر صليت وقعدت اقرأ فيه أكثر...
وترى زوجي من النوع اللي اذا ما خلقتي قناة بينج وبينه ممكن نقعد ساكتين
بس بهالطريقة هو منه ومن نفسه تعود ان على طول يكلمني بمواضيع هو يحبها
وبمواضيع آنه احبها..
صار ما يسكت دائما فيه موضوع يتكلم عنه او يمزح فيه

هذي تجربتي ... يجوز تفيدج

انتي اسعي وسوي اللي عليج وشوفي

رد: ما اسباب صمت الزوج ؟؟؟؟
 

مجرد طبع

انتي ابدأي بالاحاديث معه و اعملي الجو اللي تريدينه

رد: ما اسباب صمت الزوج ؟؟؟؟
 

كلها يا وفاء متعبة صعب تعيشي مع انسان صامت مايشاركني حياته اذا ما سألت ما يقول الا ما ندر ترى شيء يخنق اشغلت نفسي بالنت وبنتي بس تعبت انا عايشه معه

رد: ما اسباب صمت الزوج ؟؟؟؟
 

مره شكيت لصحبتي وهي شكت علي زوجها كثير كلام

الاعتدال حلو