|
زوجي مسافر مع امه
السلام عليكم
زوجي حيسافر مع امو واخته واخوه امهم حاجزتلهم قلتو انتا متزوج المفروض تاخدني معاك يقلي ما معايا فلوس وامي تعتمد عليا ما تعتمد على اخويا والله مرره مقهوووره طيب انا فين ؟؟ و كمان ما يبغاني اروح عشان اخوه معاهم .. مو المفروض مايروح الا وزوجتو معاه ؟؟؟ يقلي انا ما جيت اقلك عشان تسويلي مشاكل بس جيت اعطيكي خبر 😭 |
رد: زوجي مسافر مع امه
السلام عليكم
بما ان امه متكفله بالسفر وزوجك ليس لديه المال لتسافري معهم فلا داعي لتكدير زوجك في امر كهذا .. وخصوصا ان ام زوجك لم توجه لك دعوه .. موفقه Glk |
رد: زوجي مسافر مع امه
يمكن راحين علاج ؟ وما حابين احد يعرف لذلك عليك تفهم ذلك ، وإذا تواصلت مع امه قول لها كذا يا عمتي تروحين وتتركين لوحدي .
|
رد: زوجي مسافر مع امه
هذي هرجتهم عند السفر( انا ماجيت استاذنك انا جيت اعطيك خبر )
بالنهايه هو بيسوي اللي براسه سواء كلمتيه او حاورتيه او لاطفتيه او دلعتيه اسعدي نفسك بنفسك وما اقولك هالكلام نظريا بالعكس انا مجربه شعورك لان زوجي سبق وسفر زوجة ابوه وانا رافض يسفرني بالبدايه كنت اتضايق من الموضوع بعدين عرفت انه عديم احساس وصرت اشتغل على نفسي واسعدها اطلع ارفه عن نفسي.. اشتغل على هواياتي ..اتفرج على برنامج احبه ..اجلس اسوي جلسة روقان كفي وشموع ..ابحث عن تطوير ذاتي وطرق تربية الاطفال و و والمشاغل تطول |
رد: زوجي مسافر مع امه
وإذا فعلا طلع الاحتمال ذلك ، انصحك يا اختي انك تتفهم الامر وتكتمي ، وما تبحث و تفتش اكثر ، هم ايضا لهم ظروف و أمور .
|
رد: زوجي مسافر مع امه
الله يعين
التزمي الصمت ياختي واذا اهلج سافرو اطلبي منه انج تسافرين معهم ـ |
رد: زوجي مسافر مع امه
يختي اذا كان زوجك مو معناه خلاص ملكك , ما يطلع مع غيرك!!! عادي يحطك في بيت اهلك فترة ويطلع مع امه او اخته او اخوه او صاحبه ,, خلاص لا تكوني نشبة ,, وزي ما قالت اختنا يمكن طالعين علاج وما يبغاكي تعرفي
|
رد: زوجي مسافر مع امه
اقتباس:
لان السفر على حساب امه مو على حسابه وترى مو لانه تزوج خلاص رجلك على رجله بكل مكان من حق امه تسافر مع ولدها لوحدهم وانتوا بكره جمعولكم فلوس وسافروا امه من حقها تتهنا بولدها وتشوف ثمرة تعبها عليه و ترتاح في سفرتها من غيرة الحريم وحركاتهم |
رد: زوجي مسافر مع امه
صعبة تسافرين مع أهله وهم يتكفلون بمصاريفك هو ع الأقل ولدهم ويمون عليهم وفوق كذا محتاجينه ، وغير كذا ماراح تاخذين راحتك وأخوه موجود ولا هو راح ياخذ راحته يعني مو معقولة دافع بالرحلة ومايستمتع عشانك معهم ، يمكن بيسكنون بشقة وحدة وتكون صغيرة
|
رد: زوجي مسافر مع امه
لا مو رايحين علاج امو ما شاءالله مافيها شي طيبه رايحين يتمشو و سافرت قبل كدا بدون اولادها
|
| الساعة الآن 02:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©