زوجي ورمانسيته الزايدة اتعبتني
 

السلام عليكم
بدخل ع طول بالموضوع وهو مزعجني صراحة
انا لي تقريبا 3 شهور متزوجة
الحمد لله زواجي تقليدي عمري 21 وزوجي 24
زوجي انسان اجمل مني كشكل وحبوب وطيوب وعاطفي جدا وهذا سبب متعبني منه
رومنسيي جدا جدا جدا
يعني بكل لحظة يجي يضمني ويبوسني اوكي
يحبني بجنون وانا احبه
لكن يبوسني بكل وقت وبكل لحظة يضمني
يعني وقت النوم وقت الاكل وقت الطبخ الغذا وقت الغسيل
احس اني مليت ومابي اجرحه
هو الحمد لله مو مقصر علي بشي من كل النواحي
وشخصيته قوية مع اهله ومع العمل
يعني ماحد يتدخل بحياتنا الحمد لله ومستقلين بحالنا
بس المشكلة الوحيدة هاذي يعني يجيني بااوقات سيئه ويبي مني حضن وبوسات
كذا مره المح له لكل شي وقته يتعدل يومين ويرجع
ياليت تفيدوني وشلون افهمه!!
ادري موضوعي غريب لكن متعبني

رد: زوجي ورمانسيته الزايدة اتعبتني
 

نهههههههه يا بنت الحلال ذكري الله

لا تحسدين نفسج .. بعدكم معاريس و طاير المسكين بج

صبري شوي يتشوفينه تعود و تملل و بدا يتعود عليج

رد: زوجي ورمانسيته الزايدة اتعبتني
 

هلا اختي
زوجج ما شاء الله عليه رجل محترم وطيب
من كلامك عنه , فلا تكسرين خاطره وتحسسينه
انك مضايقة منه , ان شاء الله مع الايام راح يخفف
من عاطفته الزايدة حاولي تكسبينه
مثلا اذا انتي تطبخين ويتقرب منك لا تحسسينه
انج تبينه يبتعد بوسي راسه مثلا وقوليله
حبيبي ريح قاعدة اطبخ لك وابي اجوف رايك في طباخي
اول سنوات الزواج من اصعب المراحل حاولي تكسبينه
احتمال هذا طبعه وهو انسان عاطفي ممكن تغيرين نفسك شوي عشانه
بالتوفيق حبيبتي

رد: زوجي ورمانسيته الزايدة اتعبتني
 

هو فعلا عاطفي جدا
ماشاء الله مو الدعوة دعوة حسد
هو شي جميل انه يقدرني
بس يجيني بااوقات سيئه اكون متنرفزة وماني طايقة نفسي خصوصا وقت الدورة اكره نفسي ومالي خلق احد
اظطر اجامله
اخاف يجي اليوم الي انفجر بوجهه
وماودي اكسره واجرحه اكيد
انا الخسرانه لاتغير علي
بس كيف اوضح له ؟

رد: زوجي ورمانسيته الزايدة اتعبتني
 

بكرا بينقلب الحال طولي بالك..

لساتكم عرسان انتبهي انتبهي تحسسيه انك متضايقة او تلمحي هو حاليا طاير فيك فتغلبه العواطف الجياشة.. لكن بعد فترة سيتذكر تضايقك من قربه في البداية ويكيل لك الصاع صاعين ..

رد: زوجي ورمانسيته الزايدة اتعبتني
 

انصحك.. لا توضحي ولا تلمحي ولا شي..

زي الي تتحمل سوء معاملة الزوج اتحملي انتي كثر الاحضان مين مثلك..



ادري انه يضايق لكن اصبريييي على الرومانسية غيرك يصبر على بلاوي

رد: زوجي ورمانسيته الزايدة اتعبتني
 

اختي انا فاهتج بس احذري الانفجار حتى لا يتحول
الحب الى كره ,, وقت الدورة قوليله انا تعبانة واحس
اني برجع مثلا وبيني له تعبك وصديقيني راح يتفهم مع الايام
بس حبيبتي الريال يحب الكلمة الطيبة واذا تعصبين او تنفجرين
راح يضايق

رد: زوجي ورمانسيته الزايدة اتعبتني
 

إن لله وإن إليه راجعون .

رد: زوجي ورمانسيته الزايدة اتعبتني
 

باجر ترفضين ورآه تدورين لو بوسة عالطاير

حمدي ربج ياختي

رد: زوجي ورمانسيته الزايدة اتعبتني
 

تذكريني بوحدة من صديقاتي كذا وكل شوي كانت تروح لأهلها تبي الفكة وآخرتها طلقها ، الرجال مهما كان عاطفي ورومنسي ويغدق على زوجته بمشاعره بس مجرد ماتحسسه ولو بشي بسيط إنها كارهته بسبب هالشي يقلب 180 درجة ، قبل الدورة كلنا نصير نفسية لكن إشربي أعشاب زنجبيل ، قرفة ، نعناع ، زهورات ، خزامى ، لك الحرية تختارين المشروب اللي يعجبك ويريحك نفسياً وجسدياً ، إستمتعي إستمتعي إستمتعي بكرة بيتغير وبالذات لما يصير عندكم أطفال وتصيرين إنتي تلاحقينة