حيرتي في الزواج من مطلقة بولدي تم الرفض رد217
 

السلام عليكم ورحمة الله وبركاته

اليوم اتصلت علي اختي تقول انها راحت مناسبه وشافت وحده من الجماعه وشافت بنتها
المهم قالت لي منهم وعرفتهم ونعم فيهم وابوهم محترم ويعزني كثير
المهم قالت بعدها بيوم اتصلت علي ام البنت والا تتقهوين عندنا وفعلا راحت اختي لهم وتقول جلست الام تسأل عنك لانهم دارين انك مطلق وش اخبار فلان وابو فلان اللي هو زوجها يحب الوحيد ويمدحه ويقول عنه ونعم الرجال ومن هالكلام
المهم تقول وجت البنت وجلست معهم وجلست اختي تمدحها لي وتقول زين منطوق وهاديه ورزينه واما الجمال هالاسره اصلا معروفين بالزين
والبنت كان متزوجها واحد والله لايبلانا راعي مخدرات وبلاوي وطلبوا انه يطلق بنتهم ورفض ورفعوا قضيه والشيخ طلقها لانه من سجن لسجن الله يرفع عنه ولايبلانا
وعنده منها ولد وبنت
المهم كلمتني اختي وقالت ابي اخطبها لك وقلت انا ماافكر بالزواج الحين
قالت نخطبها ونتفق معهم ان الزواج يكون بعد ست شهور تكون استقريت وجهزت نفسك
قلت اصبري افكر وارد عليك وانتهت المكالمه على كذا
بصراحه محتار


تم تعديل العنوان ليتناسب مع المضمون


مستجدات الرد178

[/INDENT]http://66n.com/forums/showpost.php?p...&postcount=178


تم الرفض الرد217

http://66n.com/forums/showpost.php?p...&postcount=217

رد: هل اتزوج؟؟؟؟؟؟؟؟؟
 

اخي الكريم..

اما سؤالك هل تتزوج؟؟ فيدل على انك غير مستعد للزواج أصلا،، بغض النظر عن كون البنت مطلقة وعندها ولدين..

برأيي خذ الوقت الكافي وعندما تلح عليك رغبة الزواج وتشتهيه من نفسك وقتها اذهب في رحلة البحث عن الزوجة..

عموما الزواج الي بيجي بالضغط.. الواحد مايتسرع فيه لانه بيكون مضغوط فما بيفكر صح..

رد: هل اتزوج؟؟؟؟؟؟؟؟؟
 

الاستخارة دليلك الى الطريق السليم وربي يدبرك الى الخير كله ..
وطالما أنهم لمحو لاختك بشكل تقريبا رسمي ..
ربي يسهل لك ..

أخ وحيد ..
أدرس الموضوع من كل النواحي أهم شيء أخلاقها وحسن أدارتها للامور وقبل كل هذا وذاك ايمانها
إظفر بذات الدين تربت يداك وصية
رسولنا الكريم صلى الله عليه وسلم

رد: هل اتزوج؟؟؟؟؟؟؟؟؟
 

مرحباً أخي

عيالك وعيالها وين بيعيشون

رد: هل اتزوج؟؟؟؟؟؟؟؟؟
 

مدري اختي
فعلا احس اني ماني مستعد للزواج نفسيا
وبنفس الوقت بحاجة زوجه
وعشان كذا محتار

رد: هل اتزوج؟؟؟؟؟؟؟؟؟
 

رجعت شوي لمواضيعك عشان أتذكر سبب طلاقك أعتقد مطلق مرتين ، والله يختك من رأيي ماتستعجل نظرة أختك لها غير نظرتك إنت واللي أختك تشوفه يناسبك مو بالضرورة يكون صحيح ، ماأظن إنك مستعد تتزوج وزي ماقال الرسمي عيالكم وين بيعيشون ، بس برضوه لاتستعجل بالرفض إستخير وفكر بوضعك و وضع عيالك وإسأل اللي حولك من محارمك النساء عن البنت خذ رأي أكثر من وحدة وبعدها كانك إرتحت شوفها شوفة شرعية وخلك صريح وحطوا النقط ع الحروف ولا تستعجل بالزواج طوله شوي لأن ضربتين بالراس توجع ماأعتقد إنك الله لايقوله حمل ضربة ثالثة ، الله يقدم لك اللي فيه الخير ويوفقك وييسر أمرك

رد: هل اتزوج؟؟؟؟؟؟؟؟؟
 

صدقتي اختي
بس المشكله في زواجاتنا نعتمد على اهلنا
يعني مااقدر اعرف اخلاقها وغيره من التفاصيل المهمه الا عن اللي ينقلوه لي اهلي
ولكن سمعتهم ممتازه بشكل عام

رد: هل اتزوج؟؟؟؟؟؟؟؟؟
 

ماتناقشنا بهذا الموضوع ابدا لاني قلت لها ابي افكر
ولكن هي قالت لي ان ام البنت قالت بالحرف ان اذا جا نصيبها راح اخلي العيال عندي
يعني يبقون عند جدتهم

رد: هل اتزوج؟؟؟؟؟؟؟؟؟
 

ممكن واحد من اسباب ترددي هو عيالي
لاني مااقدر اخليهم عندي الا في حال تزوجت
ولكن انا فعلا متردد لاني مثل ماقلتي مافيني حيل لضربه ثالثه

رد: هل اتزوج؟؟؟؟؟؟؟؟؟
 

عندك استعداد تاخذ وحدة معها عيال