|
زوجي عايز يحرمني من اهلي
السلام عليكم ورحمة الله وبركاته
يارب تكونو بخير جميعا احتاجلكم في حل مشكلتي ومشاركتي في ارائكم في التعامل مع زوجي وتصحيح اخطائي انا ليا مال عند اهلي منزل باعوه ووزعو فلوسه علينا ولسه ليا باقي حقي مبلغ مش قليل ومش كبير بس ضعف اللي خدته واخواتي خدو حقهم الا انا واخت ليا وكانوا اهلي واعدينني اني هاخد باقي حقي من اخر مبلغ جايلهم وهو اليومين دول انا واختي زعلانين منهم انهم مش عايزين يدونا حقنا وممكن يصرفوه علي اخي المهم انا اتكلمت امام زوجي وسمع كلامي انا واختي واتكلمت معاه عادي وقلتله انا هكلم مامتي وهاخد حقي واتكلمت مع امي ورجعت من عندها زعلانه ودموعي موقفتش لساعات وقلت لزوجي انهم بيقولو لو خدت حقي هو هيصرفه طبعا كلامي ده غلط بس اتسرعت في الكلام بعدها اتكلمنا انا وزوجي وقلتله غالبا مش هاخد حقي دلوقتي اتنرفز جدا وقالي دي اخر فلوس جايالهم وهتاخديه امتي قلتله انت مالك انت قالي لا حاجتك حاجتي وبطلي هبل وسكوت عن حقك وان سكتتي انا مش هسكت وهتخانق معاهم زعقتله ومتتدخلش بيني وبين اهلي قالي انتي اللي قلتي لو مخدتيش حقك هتقللي علاقتك بيهم وتبقي بر بيهم عشان ربنا قلتله انا حره قالي لا هحرمك منهم وتسالي عليهم عشان ربنا وبس بس هتقللي جدا معاهم قلتله تصدق اني ندمت اعتبرتك عاقل وحكيتلك ومفيش قوه هتمنعني عن اهلي وانا اللي احدد علاقتي بيهم ومن وقتها وانا قاعده قافلة وشي ومخنوقة منه وهو كده كده كان مزاجه وحش من قبلها وتعبان بس انا عايزة اعلمه ان ده مينفعش معايا وحرام عليه يقول كده ويخليني اخسر اهلي عشان فلوس واعرفه اني بجد زعلت منه جدا ومش هحكيله تاني اي حاجه خاصة بيا وبيهم وخاصة ان قبل ما اروح لامي سالته انا لو طلبت منك تتدخل هتتدخل قالي لا انا ماليش فيه اما يبقي ورث ابقي اتدخل ليه غير رايه عايزه اعلمه الصح وخطه اتعامل معاه بيها عشان يعرف الحق وان ميصحش يقوللي ويعمل كده ويتخانق معايا عشان حاجة متخصهوش وقالي كمان وقت الخناقه مش هدخل بيت اهلك وانا مش طايقهم بسبب ظلمهم ليكي اادبه ازاي شورو عليا |
رد: زوجي عايز يحرمني من اهلي
مرحباً أختي
تصدقي وأنا بأقرأ كلامك حاس نفسي في مسرحية مش في موضوع شوفي يا أختي لاتأدبيه ولا يأدبيك كلام الكلام إللي حصل بينكم إعتبريه ولا كأنه حصل وأرجعي لطبيعتك وروحي لأهلك بهدوء وبدون شوشرة وكثرة كلام .. وحتى لو منعك .. شوية دمعتين وكلمتين دينية عن البر .. وحتمشي الأمور وأوعي تنقلي كلام لا من طرف زوجك ولا من طرف أهلك وبالنسبة للفلوس تفاهمي مع أهلك فقط وأوعي تجيبي سيرة ثاني لزوجك .. وحتى لو إستلمتيهم حطيهم في بنك وقفلي عليهم وأتركيها لما تعوزيها بارك الله فيك |
رد: زوجي عايز يحرمني من اهلي
هو قال لك رأيه
ولما انتي انفعلتي.. هو انحرج فحاول يفرضه عليك لكن مجرد كلام صدقيني طبقي إللي في رد الرسمي وبتنحل ان شاء الله |
رد: زوجي عايز يحرمني من اهلي
مشكلة النسوان هداهن الله تجعل قضايا الميراث والاموال عثره بين الزوج واهلها ...!
المفروض تحلي مشكلتك مع اهلك فقط ولاتشتكي لزوجك بأي حاجه حتى لو منعوك فلوسك تحاولي تدخلي اي احد بالموضوع الا (((زوجك )))......! حتى لاتعملي خصومه كبيره بين زوجك واهلك ، وبالأخير هتخسري الاثنيين ....! |
رد: زوجي عايز يحرمني من اهلي
اختي زوجك تنرفز لانه اهلك تكلموا عنه بانه راح ياخذ فلوسك .. وانتي غلطتي لما نقلتي هذا الكلام ..
الموضوع صار وقت عصبيه .. يوم يومين وتعود المياه الى مجاريها باذن الله ... وفي المستقبل لا تنقلي اي كلام لزوجك .. والعكس .. اي لا تنقلين كلام من زوجك لاهلك .. وان شاء الله ان زوجك عقلاني وما راح يمنعك من اهلك .. هي فترة كم يوم بس .. وقولي له موضوع الفلوس بيني وبين اهلي .. كلها فتره ويعطوني اياها ... |
رد: زوجي عايز يحرمني من اهلي
مهما يصير في بيت اهلك
لو يصير بينكم خلاف في ميراث او اي شي لاتقولينه لزوجك انتي واهلك ترجعون زي السمنه على عسل وزوجك ماراح ينساها وراح يذكرك فيها والعكس صحيح مع الاهل |
رد: زوجي عايز يحرمني من اهلي
تعبي قلب زوجك على اهلك وبعدين تزعلين !!
تصرف زوجك طبيعي لان اهلك اتهموه الله يهديك المفروض سكتي وما علمتيه عن مشاكلكم |
رد: زوجي عايز يحرمني من اهلي
جزاكم الله كلكم خير انا معنديش ذره شك انه عايز الفلوس ليه وهو عارف انهم الامان الوحيد ليا وعارف اني مش هصرف منهم حاجة وكل جنيه معاه بالنص بيننا وغير كده دايما كان بياكدلي في كلامنا انه مالوش دعوة بفلوسي حتي لما كنت بقوله هشتغل كان بيقولي مرتبك ليكي الا لو في ضروره قصوي ومعرفتش اتصرف اذا انتي حبيتي عن رضا تشاركي وامر المبلغ مفروغ منه ومش انا اللي بدخله في خصوصياتنا امي بتقوله عادي وكانت عايزاه يشغل لينا فلوسنا انا واختي بس محصلش نصيب لاننا بنعتبر بعض عيله واحده وحتي لو انا دخلته ده شريك حياتي يعني مع بعض في كل حاجة لو مش هحكيله هو وافضفض ليه ليا مين غيره احكيله بس للاسف شكلها عواقبها وحشة ولازم افصل حاجات في حياتي عنه بس انا عايزة اوصله ان مينفعش عشان بحكيلك وبعتبرنا واحد انك تهددني باهلي وتخليني اخسرهم عشان الفلوس ده قرار ليا انا بس تقول رايك اه لكن اجبار لا اوصلهاله ازاي
وبما انكم كلكم اتفقتو علي راي الاخ الرسمي وبصراحة انا بثق في رايه وحكمته هعمل كده واما يتكلم معايا هتكلم عادي ومش هفتح الموضوع بس لو هو فتحه اعرفه ازاي اني زعلت وقتها واوصله ازاي ان يحترم اهلي ومشاعري وانهم خط احمر ميقدرش يخليني اخسرهم وانه ندمني اني بحكيله كل حاجة بسبب تهوره في الكلام |
رد: زوجي عايز يحرمني من اهلي
اقتباس:
|
رد: زوجي عايز يحرمني من اهلي
بصراحه معذور لو انفعل وقال اللي قاله
تجين تشكين له وتبكين ولما يقول رأيه واخذته الحميه عليك تقولين له انت مالك!!!!! طيب طالما انك ماتبينه يتدخل ليش تدخلينه انتي اصلا وتاخذين رايه وتبكين عنده وتشتكين له من ظلم اهلك فعلا شي غريب وبعدين جايه تقولين له اهلي يقولون انك تاخذ فلوسي وتبينه يكون ثلج وجايه تقولين ابي ادبه !!! ولدك هو والا زوجك انت تأدبينه!!!!!!! موضوعك انتي واهلك حليه باللي تشوفينه مناسب لك ولاتدخلين زوجك في الموضوع لا بشكوى ولا ببكا |
| الساعة الآن 01:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©