|
زوجي وزعله الطويل
السلام عليكم ورحمة الله وبركاته
اسعد الله اوقاتكم بكل خير اول مره اشارك معاكم لكن دائما اتابعكم انا دخلت هنا عشان افضفض واطرح موضوعي اقسم بالله احسس ان نفسيتي تعبانه وماعندي احد اتكلم معه او اشاوره لان الي كانت لي سند بعد الله وكنت افضفض لها واشاورها ..صديقتي الغاليه توفت الله يرحمها والى الان وانا تمر علي امور ومشاكل واحس بنفجر اني اكتمها في صدري ..الحمدلله على كل حال مشكلتي يمكن عادية بس خلاص تعبت وانا صابره وقلت افضفض لكم لعلي بعد الله الاقي عوون ومساعدة انا متزوجة لي خمس سنوات وعندي طفله والحمد لله الحياه ماشية مره فوق ومره تحت والحمدلله مشكلتي الي تعبتني كثير زوجي وشخصيته وكبريائه الي حتى على نفسه دايما نتزاعل كأي زوجين وانا الي اروح افتح معاه نقاش وحوار عشان مايطول الزعل وتطول المشكلة هالمره صار بيننا خلاف وقلت في نفسي انا هالمره بسكت منه ماراح افتح اي حوار او نقاش بشوف كيف الوضع وللاسف الشديد خذلني ولا هميته ولا كأني شي ف حياته يتكلم معي برسمية و حدود وانا اقوم بواجباتي تجاهه والان مر 17 يووم ولا يكلمني ولا شي وانا الله يعلم بحالي نفسيتي تعبانه غير تعب و ضغط الحمل الي انا فيه وغير كذا اهلي مو معي ف نفس المدينه واحيان اجلس ابكي من القهر الي فيني لأنه بطبعي ما أحب احد حاقرني او عايشه مع شخص و مثل كذا زوجي شخصيته شمالي ومن النادر والقليل انه يعتذر طبعا حقه ف الفراش يأخذه وقت مايبي و يعطيني ظهره ويكمل نووووم لا احد يقولي روحي كلميه وافتحي معه نقاش لاني لو ابغى كان من زمان سويت كذا اعطوني حلول جزاكم الله خير |
رد: زوجي وزعله الطويل
17 يوم ماتكلمون بعض كثير صراحة ، والأغرب ياخذ حقه الشرعي وباقي متزاعلين! طيب مهي فرصة عشان يهدى الوضع بينكم إستغليها ، تعلموا مهما وصل الخلاف بينكم مايوصل للقطاعة إذا أستمر حالكم كذا كيف بتعاملون بعض قدام عيالكم؟! .. ممكن تذكرين لنا مشاكلكم بالعادة عن أيش؟ وعن آخر مشكلة؟
|
رد: زوجي وزعله الطويل
قسما بالله كانك تتكلمين علياا،،
خصوصا السنوات الاولى،، انا الوضع يتعبني نفسيا واخر شي استسلم واحاوره وابكي عليه،،لاني فقدت الامل يجيني هو يحاورني عودتو من البداية اخر شي باستسلم،، لكن غالبا يكون الخطأ مني واقعد اكابر الشي لي يخليه ما يفتح معي حوار،، هل يا اختي زوجك يتصرف معك كذا لانك اخطئتي بشي وتكابرين او هو من اخطأ معك ويكابر?! اذا كان الاختيار الاول تنازلي يا اختي وكلميه ولا باس تعتذرين منو حتى يرضا،،اما ان كنت مظلومة خلي الامور زي ما هي مصيرو يرجع لك اما اذا ما استحملتي مثلي تكلمي معه وابكي عشانك وعشان راحتك وخليها اخر مرة تطولون فيها الزعل لما يصير مشكل بينكم لا قطعي الكلام تكلمي معه وتصرفي بطبيعيه ولما تحسين به رايق ناقشيه الذي زعلك ولوميه هذا هو الحل برايي وربنا يهديه ويسخره لك ،،، وعلى فكرة انت زوجك يطلبك للفراش وياخذ حقه الفرق ان زوجي يكابر وينسا المعاشرة لحد ما نتصالح!! |
رد: زوجي وزعله الطويل
سبحان الله
كلن يشوف همه كبير مشكلتك حلها بسييييط ان صار زعل سوي كانك ماتفهمين وتكلمي معاه عادي عشان ماتعطيه وجه للاعتذار وماتنجبرين للإعتذار مع الايام بتتعودين خلاص هذا طبعه الله يعينك كل انسان وعنده عيوب |
رد: زوجي وزعله الطويل
الاعتذار الفضي انسيه.. احنا كذا يالشماليين شنسوي
لاتبينين له انك زعلانه اذا كملتي 20يوم روحي له قولي اشبك ماتكلمني ذابحه لك احد مسويه جريمه كل شي مهتمه فيه حتى حقك تاخذه ودني عند اهلي لان وجودي مثل عدمه هنا واضح ان الخاطر طايب مني واطلعي من عنده وشوفي ردة فعله اهم شي لاتعطينه فرصه يبرر |
رد: زوجي وزعله الطويل
اختي ضيعتني العاطفه
تخيلي وهذا انا قايله له إذا صار اي خلاف بيننا لا تسكت تعال نتاقش نتحاور لازم يكون بيننا حوار ومو حلو الزعل بيننا يطول وهو عارف رأيي كذا لكن للأسف الشديد شايف نفسه علي وبالنسبه لخلافاتنا ع حسب الموضوع احيان بسيطه احيان كبيره واحيان انا امشيه له مثال ف العيد رحنا نعاود اقربائنا وخلصو الرجال نزلو وقاعد يتصل علي لكن مافي شبكة والجوال الثاني ابدا ماسمعته مع زحمة الحريم والاطفال ولما نزلو اهله خرجت معاهم الاقيه منتظرني بالشارع و شوي كأنه بيهجم علي و يضربني ويصارخ اصلك حيوانه ووووالخ انا من أول انتظر وهذا كله قدام اخوانه وخواته والله بكيت وزعلت ولا كلف ع نفسه يكلمني او اي شي الى متى انا طفشت بصراحة انا عارفه انه مافي كرامة بين الزوجين بس هو مسخها معي مابي يعتذر لكن ع الاقل يتكلم يسولف ماقول غير الحمدلله على كل حال |
رد: زوجي وزعله الطويل
معليش اختي هذا زوجك تحمليه وقت زعله
وتجنبي اي شي يغضبه واذا زعل سواء منك الخطأ او منه خليك أحسن منه ولاتنامين الا مسامحته وطالبه السماح منه ويالله من فضلك ان صبرتي واحتسبتي ابشري بالأجور العظيمه والمكاسب الرفيعه بالدنيا والاخره 👍🏻 |
رد: زوجي وزعله الطويل
ام محمد انا حاسة بك وتعاطفت معك
خصوصا بالموقف لي حكيتيه رغم انو تلفظ عليك بكلام جارح ما كلف نفسو يكلمك او يعتذر!! امامك خيارين يا اما تكونين احسن منو وتبادرين عند كل زعل او اذا شايفة حالك قوية ومظلومة خذيلك موقف ولا تبادري الا بعد ما يبادر هو مو ضروري يعتذر لكن اقصد الكلام،، وربنا معك حبيبتي |
رد: زوجي وزعله الطويل
اقتباس:
وانتبهت لهذا النقطة وركزت عليها و بطلت زعل واذا صار شي اقوله ترى انت سويت كذا وكذا .. لكن احس احيان اضغط ع نفسي و اقول ي بنت اصبري واحتسبي لكن الى متى واحس بداخلي اني كرامتي خلاص ..متى هو يحس و ينتبه وجربت كثير طرق ..في حال زعلنا يعني اذا رجع من دوامه استقبله بكل حفاوه وتكريم احيان اراسله ع الواتساب احيان اجي اسسسولف معه ولا كأنه صار شي .. لا ولما اجي اقوله ممكن شوي من وقتك عشان نتاقش ..يتكلم معي من طرف خشمه والله المستعان |
رد: زوجي وزعله الطويل
اقتباس:
انا بصبر بس الى متى الصبر ..الى متى هذا الوضع اقتباس:
ابغاه يرجع لطبيعته .. ومدري اذا بيرضي يوديني عند اهلي ولا لانه احيان يحب يذلني يحب يستفزني كثير |
| الساعة الآن 03:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©