تقصير زوجي بالمصروف
 

السلام عليكم ورحمة الله وبركاته

عدت لكم من جديد
مع اني ماكنت اتمنى ارجع لكم بموضوع هنا
ابي السلاااام ماابي المشاكل

ابي رايكم ومشورة العقول الراجحه
واتمنى مااحد ينصحني بالطلاق
مو كل مشكله الزوجه راح تلجأ للطلاق فيها
وتكون حل

رد: تقصير زوجي بالمصروف
 

زوجي سافر مااعطاني ولا ريال
ولا حتى لو 500امشي حالي فيها
قالي معاي الف ريال ومااقدر اعطيك منها شي
لاوصلت بحول لك
وصل والان له اسبوع ماحول
طلبت منه واذكره يقول مااعندي
ولو صار معاي انتي اول وحده بحولها
لما شفته تأخر
قلتله ترى باخذ من اختي سلف
عادي
قال مو مشكله
قلتله بالنسبه لي استحيت من كثر مااخذ منها
قال خلاص احول لك 200 او 300 اشوف كيف
بعدين
ولحد الان ماحول لي شي

سؤالي..
هل لو زنيت بمصروفي انا وعيالي
بيكرهني اكثر وبيحاول التخلص مني
؟؟؟
او اظل أطلب منه واسوي اني ماأفهم
وأطلب منه كل يومين
عشان يتحمل مسؤوليتي انا وعيالي

انا ملخبطه
وعارفه الحق معاي وادري انه عيب في حقه
يتركني بدون مصروف
هذي صارت تتكرر المرات الاخيره
يخدعني يقول بيعطيني قبل لايمشي
ولما يصير وقت الروحه
يقول مابجيبي ولا ريال
بالصراف فيه فلوس ماتكفي
لما اوصل بحول.
وبعدها يخليني اشحته وياليته يعطيني
الا بعد طلوع الروح..
يقول ظروفه الماديه اصبحت جدآ
سيئه ومن سيء الى اسوأ
..

رد: تقصير زوجي بالمصروف
 

اتا مالي ذنب في ظروفه
تزوجني وظلم من اول زواجي
وهذا هو يعاني
ظروفه الصحيه والماديه
جالسه تسوء اكثر واكثر
ولسى مكابر في ظلمه وتهاونه لحقوقي


ابي حللووووول ذكيه بأسلوب
اخذ حقوقي ومايمسك أي شي ضدي
احسه صار يدور الزله

ترونه هينآ وهو عند الله عظيم

رد: تقصير زوجي بالمصروف
 

كيف ظروفة المادية بكل صراحة؟

رد: تقصير زوجي بالمصروف
 

هو قاري افكارك
عارف انك خايفه يتخلص منك
وتحاولي تعززي مكانتك بالتنازل
عشان كذا مريح نفسه عالاااااخر

بدليل انك اكدتي بكلام كذا مره انه يخدعك
انتي عارفه داخلك انه يقدر يدبرها
بس متراخي ولا هو مهتم

الحل انك تطلبي عن قناعه باستحقاقك
وانك تزوجتي رجال ملزومه منه مو يخليك تشحذين الناس

كوني حاسمه وجاده بطلبك
وان شاء الله بيتغير

رد: تقصير زوجي بالمصروف
 

هل يخفي عليك المال مثلا ولا يريد يعطيك؟؟
ام ان ظروفه صعبة ؟؟

رد: تقصير زوجي بالمصروف
 

على حسب المكاسب
على كلامه ماعنده دخل
وبكل صراحه زوجي من ناحية الفلوس
يموت ولا يقول كم معاه
بس دايما يكرر انه ماعنده ولا ريال

رد: تقصير زوجي بالمصروف
 

لا حبيبتي
لا هو قاري افكاري ولاشي
ماني من النوع الرخو اللي ممكن تكب عفشها
بالعكس انا كتبت في كلامي
اني دااايما اطلب منه
ولا أهتم له بكيفه
تزوجني يتحمل انا مالي ذنب
لاحظت اني اصبر وبالنهايه ماألقى الا الجحود والنكران منه
واصلا غسلت ايدي منه ولا هامني
وش اكثر من اني اطلب مصروف
ويقول ماعندي من وين اجيب
ماعندي رد بعد كذا
لما اقوله دبرها
يقول كيف ومن وين
ماعنده غير هالردود

رد: تقصير زوجي بالمصروف
 

اول ماتزوجني مالاحظت بأن ظروفه صعبه
بالعكس على كلامه قادر افتح ثلاث بيوت مو بيتين
والحين يقول حتى بيت واحد ماعاد اقدر
ويقول ظروفه ساءت
مااتوقع انه يخفي المال ابدا مااتوقع
على كلامه صار مديون وظروفه الماديه سااءت
لكني من كثر كذبه
فقدت الثقه بكل كلامه مهما حلف باليمين

رد: تقصير زوجي بالمصروف
 

وعليكم السلام
قلبي يتقطع عليك ي ابتسامه
مااملك لك الا الدعاء بظهر الغيب
ان يهدي زوجك ويصلحه ويسخره ويرزقه العدل ويفتح عليه أبواب رزقه الحلال
ويطمن بالك ويريح خاطرك ويسعدك
الله الله اخيتي بالصبر فهو مر شديد المراره كالعلقم ولكن عاقبته حميده كالشهد يكفي ان الله مع الصابرين وان الله يحب الصابرين
ولايغلب عسر يسرين والزمي الاستغفار
اعانك الله والهمك الصواب 🙌🏻