|
تهديد زوجي الدائم بطردي من البيت
السلام عليكم
حصل نقاش حاد بيني وبين زوجي على لزوم توفير نت وتصليح التلفزيون ! لان البيت بدونها سجن كبير وهو مو حاسس لان أصلا ما يجلس يجي وقت النوم ! النت لي شهر بدون مبالغة وانا اطلبه لكن يماطل ويكتفي انه يعطيني نت اذا كان موجود والنتيجة قالي لمي عفشك وانقلعي لبيت اهلك عندهم نت ! كذا بهذي الصيغة انقلعي ! طبعا حصلت مواقف بعدها ولكن ابرزها انه جاب لي نت وصلح التلفزيون و اذا أرسلت له غرض للبيت يجيبه فورا ! لكن آيه الفايدة اذا بايعني برخيص مو أول مرة يقولها لي ماني عارفة كيف اتصرف لي يومين أفكر ساعة أقول اروح لاهلي واخربها معه وساعة أقول أرسل له رسالة افرغ لكن ما سويت شي اللي سويته سرت انام بفرفه بنتي وذحين حاطط صوره بالواتس اي علاقة تصيبها فتور وفيه من يرحل ومن يوفي نفسي أرسل له الفتور مو معناه سوء اخلاق وسلاطه لسانه ولا الطرف الثاني مجبور يتحمل هذا ع فكره لما جابلي شريحة البيانات قلتله خذها خلاص ماني بحاجتها لكن ذحين تنازلت عن كرامتي عشان استشيركم تم تعديل العنوان ليتناسب مع المضمون |
رد: زوجي والطرد !
اُسلوب زوجي
يحسسني انه طالبني من مكتب استقدام بأي لحظة ممكن ينتهي عقدي وهذا قاتل للامان اللي الوحدة تنتظره من زوجها |
رد: زوجي والطرد !
كلامة هذا في لاحظة غضب مو قصدة
يرخصك لا يلعب الشيطان براسك استهدي بالله وتعوذي من بليس يمكن فية ظروف خارج البيت مئثرة علية وصادفة مشكلتكم .. |
رد: زوجي والطرد !
لا تاخذين كلامه بالمحمل الجاد ..
وليه العناد ؟ انت بتعاندين نفسك قبل ماتعاندينه مشي ..تغاضي مو كل شي بالحياة الزوجيه نوقف عليه .. كم مره يقولي زوجي نفس صيغة زوجك ويجيه الرد مني : والله البيت بيتي ومملكتي مالك اي احقيه تطلعني منه .. واقعد كذا على قلبه . والا : انت اللي تطلع مو انا .. بخروجك من البيت تكبرين المشكله ويعاند هو ويكبرها وتاصل منحنى اخر |
رد: زوجي والطرد !
اقتباس:
ماشاء الله عليك تعجبيني حكيمة وبنفس الوقت قوية بحترامjk |
رد: زوجي والطرد !
هو قالها كذا لانها تجي في لسانه بسبب عصبية و سوء لفظ
لكن ما يقصدها بمعناها الحرفي و الا ليش اتعنى و جاب لك نت و صلح التلفزيون!! يا بنت شغلي المكيف و استمتعي بالنت و التلفزيون و اتركي تحليل هالموقف. ما يسوى اوكي. تم خلاص قفلي الموضوع😁 |
رد: زوجي والطرد !
أنا ما اعاند
لكن ع الطالعة والنازلةً يقول روحي وقبل كم شهر مطلق عشان تعليق ع اليوتيوب !!!! شي يجرحني و مقدر أتحمله صراحة فوق طاقتي ! شخص يطردني وبعدها ببرود انام جمبه! |
رد: زوجي والطرد !
يعني حتى رسالة
ما تأيدون أرسل قاهرني طيب ومن قهري طق فيني عرق شغاله فلبينية لمعت البيت تلميع خخخ والطاقة السلبيه عيت تخلص |
رد: زوجي والطرد !
اقتباس:
من حقة يغار عليك لانة وبكل بساطة يحبك وغيرة الرجل تهد جبال اضعاف غيرة المرأة |
رد: زوجي والطرد !
اقتباس:
اذا جا وكان هادى جدا تقدرين تناقشينة بكل هدوء عسى الله يوفقكم |
| الساعة الآن 07:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©