إتصال زوجي بأبي وطلبه أن أسكن قريبا من أهلي
 

طبعا بعضكم يعرفون مشكلتي مع زوجي اللي سافر وخلاني وقت ولادتي وقلت له اني مابغى ارجع معاه لما يرجع وإني بقعد عند اهلي اربعه شهور زيادة
بختصار اليوم اتصل علي ابويه وقال خذ بيت قريب منكم وانه بيجيني بيومين الإجازة وهو بيسكن عند امه ؟!!! تقريبا سنه

انا افكر اقوله أني مابغى يحط لي سكن وبقعد عند اهلي احسن 🙂
ايش رأيكم ؟!!

تم تعديل العنوان ليتناسب مع المضمون

رد: إتصال زوجي بأبي وطلبه أن أسكن قريبا من أه
 

هل يريد من والدك ان يشتري المنزل؟او يوفر السكن؟
و لما هو لا يسكن معك و يظل عند امه. حتى لو ما سافر
و ماردة فعل والدك. و بما اجابه ؟

رد: إتصال زوجي بأبي وطلبه أن أسكن قريبا من أه
 

لا ابويه يدور ع بيت بالعماره عمد اهلي واقعد قريب منهم وهو يروح يسكن عند امه الخمسه ايام عشان عمله ويجيني بالإجازات
ابويه قال له من عيوني 🙂

رد: إتصال زوجي بأبي وطلبه أن أسكن قريبا من أه
 

والله مافي احلا من الاستقلاليه ..
تقعدين بيت بروحك وبراحتك ازين من جلستك عند اهلك وكل حركه محسوبة عليك
بلا مايتململون من اطفالك بلا يغثونك بتعيقاتهم وان كانت مزحا ..

شخصيا اشوف بقاء المتزوجه عند اهلها يتثاقلونه الاهل وان كانت بنتهم وفي قلوبهم محبه ومعزه لها ...

بالعكس رحبي بالفكره وانبسطي وعيشي استقلاليتك

رد: إتصال زوجي بأبي وطلبه أن أسكن قريبا من أه
 

خليه يحط لك سكن
وتمتعي باستقلاليتك
بيت طول بعرض لك لحالك
العقل والمنطق يقول عرض حلو

بس عواطفك وقلبك لهم كلام ثاني
نصيحة قدمي عقلك على قلبك

ولاتفكري تعاتبيه انه تركك الخ الخ
ولا تطلبي منه يجلس معك ايام اكثر
وكأنه مو هامك ابدا اللي صار
وضبطي بيتك الجديد بحب وفن
تأكدي بعدها هو بيجي يسكن عندك كل الايام

رد: إتصال زوجي بأبي وطلبه أن أسكن قريبا من أه
 

زوجك على ماتعوووديه...
فجأه بعد مرور سنه راح يتعود ع الوضع
الموفر الجميل اللي فيه هدوء وراحة بال
عرض مغري بالنسبه له😉
لكن بالنسبه لك
بعد سنه سنتين ثلاثه الطفل راح يكبر
وراح تترجينه يتحمل المسؤوليه وينقلك عنده
وقتها
راح تتذكرين كلامي😖
وتقولين صدقت ابتسامة ورد😏

رد: إتصال زوجي بأبي وطلبه أن أسكن قريبا من أه
 

والله العالم انه بدا العد التنازلي

رد: إتصال زوجي بأبي وطلبه أن أسكن قريبا من أه
 

لا يا خوي قل خير .. الله يصلح أحوالهم ويسعدهم

حبيبتي صاحبة الموضوع أسأل الله أن يسخر لك زوجك
مع إني أشوف إن الوحدة تروح مع زوجها وين ما يروح دامها مو موظفه ولا هي مرتبطة بمكان عملها ..

رد: إتصال زوجي بأبي وطلبه أن أسكن قريبا من أه
 

ماعاد يهمني ...
اصلا وش لقيت منه غير الالم والخيانه المعنوية الطلاق احسن ..

رد: إتصال زوجي بأبي وطلبه أن أسكن قريبا من أه
 

انتِ ردك قعدت افكر فيه طول اليوم 💜💜 ...
شكلي بقدم عقلي ع قلبي لين ألقى وظيفة بعدها اسحب عليه