صديقي يبغى يخطب أخت زوجتي
 

السلام عليكم

أخوني و خواتي مساء الخير جميعاً.


أنا عندي موضوع حاب أخذ رايكم فيه خصوصاً المتزوجين و المتزوجات و حتى العزاب أيضاً.

الموضوع و مافيه كالتالي:

عندي صديق لي و أبن عمي لمح لي أنه يبغى يخطب أخت زوجتي و يبغى يعرف رائي و هكذا...

أنا أهل زوجتي يثقون فيني ثقة عمياء و لو أخطب بنتهم للشاب هذا راح يوافقون لأنه عن طريقي و متأكد مليون بالمية من هذا الكلام....

المشكلة الشاب فيه عيوب ما ادري أخاف أظلم البنت لأن أعرف أهل زوجتي ما راح يشاورون البنت راح يقولون الولد مافيه شي و هذا نصيبك تزوجي....

لأنهم ناس على قد حالهم و يبغون الستر لبناتهم...

المشكلة حتى لو أحاول ما أتدخل بالموضوع ما راح يعرفون غيري يسألونه عن هذا الشاب...

الاشياء الجيدة:

- الشاب موظف براتب متوسط يقدر يفتح بيت و هو مرتاح.

- الشاب محافظ على الصلاة و الصيام.

- الولد شجاع و قلبه جامد (مشاكل أيام الثانوي لما كنا مراهقين)

الاشياء السلبية:

- مالياً مع أني أعرفه كويس ما أقدر أقول مرات أحس فيه أمساك شي خفيف لكن مو بخيل و تقريباً و أخوانه نفس الطبع و هم بعد الزواج مو مقصرين مع زوجاتهم بشي.

- الشاب أمرد (ما فيه أي شعرة بوجهه و قصير بعض الشي) صراحة بنات كثير يضايقهم جداً هذا الشي بس مو عارف اذا هو سبب كافي لرفض الشاب؟

- أحس مرات أنه شخصيته مو قوية مره بين الرجال "ماله هيبة قوية" يعني رجل مسالم جداً. لكن مو لدرجة أنه ضعيف لا بالعكس عادي جداً.


غير كذا أشوف أن الشاب محترم و ما فيه شي ثاني...


هو سألني عن أهل زوجتي (اذا عندهم بنات بسن الزواج و بعض التلميحات أنه يبغى يخطب منهم و كذا)


أنا شخصياً أتمنى الزواج يتم لأنه راح أستفيد بس عندي أحساس أنه مو مناسب للبنت ما أدري ليش و أنه لو صار شي بتقول البنت أنه أنا السبب !!!

البنت محترمة جداً و الف واحد يتمنها و شخصياً لو كان عندي أخت و تقدم لها كان ممكن أقول لأختي أنتظري شوي ممكن يتقدم لك شخص أفضل منه (بكل أمانه)...


أنا ملخبط الولد ينتظر رد مني و أنا خايف أورط العالم معاي....

المشكلة بكل صراحة أنه أقل من أزواج أخوات البنت من الناحية المادية و الاجتماعية و هذا الشي أشوف أنه ممكن راح يسبب مشاكل بينهم؟

أنا أقدر أوضح لصاحبي أنه لو يشوف بنت غيرها أفضل و ممكن أني أشجعه عليها....

الشي اللي يضايقني مثل ما قلت لكم انه لو كان عندي أخت و تقدم لها كان ما نصحتها فيه لكن بنفس الوقت ممكن الناس تبغى تزوج بنتهم...

عطوني الرأي السليم...

رد: صديقي يبغى يخطب أخت زوجتي
 

رد: صديقي يبغى يخطب أخت زوجتي
 

مادام ماتقبله يكون زوج لأختك الافضل ان لايتزوج اخت زوجتك ويروح في سبيل حاله

رد: صديقي يبغى يخطب أخت زوجتي
 

رد: صديقي يبغى يخطب أخت زوجتي
 

صحيح كلامك بس أعرف عمي أبو زوجتي راح يوافق على الشاب لأنه أهم شي عنده ستر بناته و صعب أقوله الشكل و ممكن البنت ما تتقبله و من هذا الكلام و بالاخير راح يقولون أنه أنا اللي ورى هذا الزواج....



ممكن أقول الكلام هذا لأنه ما عندي أخوات كثير أسعى لتزويجهم و ابحث لهم عن الستر؟؟
و ممكن ضروفي تختلف عن الناس لانه مثل ما قلت الناس على قد حالهم و ما يبغون غير الستر و الحمد لله الله وفقهم بأزواج لبناتهم من أفضل الشباب....



فعلاً لو أفكر انه أهم شي الصلاة و انه عنده وضيفة محترمة و مالي هدومه خلاص هذا كفاية بس أخاف بعدين تبدا المقارنات بينه و بين الاخرين !!!

رد: صديقي يبغى يخطب أخت زوجتي
 

بصراحة انا ما اشوف انها عيووب ...
يعني اذا الرجال يخاف الله . مو مهم شكله
قصير او طويل..او خالي من الشنب..
هالاشياء مايتحكم فيها..
لا تقطع نصيب البنت ، اذا خطب البنت بيسألون عنه والبنت تستخير..

ان اكرمكم عند الله اتقاكم
ماتكلم عن المادة والوضع الاجتماعي..
هذا زمن البنت تطلب فيه الستر ونادر الي محافظ على صلاته وملتزم بـ امور دينه..

عندي واحد من اخواني كل ماخطبني احد قال ماتصلح وعلى هذا الحال ،وكل شاب خطبني
احسن منه بالاخلاق وناجح..تتوقع اني بسامحه بسبب رفضه..

رد: صديقي يبغى يخطب أخت زوجتي
 

رد: صديقي يبغى يخطب أخت زوجتي
 

خليه يتقدم الحمد لله سلبياته ماهي في الخلق والدين


شكله الله اللي خلقه كذا وماهو بعيب ،

ظروفه المادية حتكون واضحة لما يتقدم ودامه يشتغل ومجتهد على نفسه فالف الحمد لله

ماهو باجتماعي هذة الصفة ممكن تنعرض مسبقا وشوف اذا البنت توافق او لا


ونصيحتي قول لزوجتك سلبياته تقولها لاختها وهي الا تحدد الموافقه من عدمها

ولاتنسى ذكر الايجابيات كمان ..

كذا م قطعت رزق البنت ولا غشيتهل

رد: صديقي يبغى يخطب أخت زوجتي
 

شاور زوجتك قبل ..
وهي أعرف بأختها ..
هل ممكن أختها تقبل شاب بهالمواصفات ..
وهل تتوقع أن أختها بيجيها الأحسن ..
إذا هي جميلة وصغيرة فعادة بيجيها واحد ماديته جيدة ..
فالأفضل ماتستعجل .. لأن مادام مجتمعها وأخواتها بمستوى جيد
فبتحس بالنقص ، وأغلب مشاكل الأزواج بسبب المقارنات وضيق المادة ..
لازم نكون واقعيين ..

رد: صديقي يبغى يخطب أخت زوجتي
 

مع ان سلبياته عاديه مافي شي قوي
لكن لاتتدخل بالموضوع ابدا
واذا سالك اهل زوجتك قول شهادتي بفلان مجروحه اسالوا غيري