ابتلي اخي بأصدقاء سوء والخمر ..
 

السلام عليكم ورحمة الله وبركاته ...

اخوي الصغير كان يصلي كل الصلوات بالمسجد... ومايفرط ولا بصلاة .. بعد رمضان كنت اسمع كلام من زوجي على اخوي ... بس ماكنت اصدقه ... يقول ان أخوي صادق شله سيئه وراعيين بنات وسكيره ... وان يضيع فلوسه عليهم .. واكثر من مره نصبوا عليه ... يخلونه يسكر وياخذون بطاقته ويسحبون مبالغ... وغير الحريم ... ماكنت اصدق زوجي لما كان يقول لي الين اليوم طلعنا وانا وزوجي وشفناه هو وصاحبه ذا اللي جره للمنكر معاهم حريم بالسياره واقفين عند الكوفي ... وربي مصدومه من اخوي ... لو شفت اخوي الكبير يمكن اصدق بس ذا مستحيل... قسم بالله كان ينضرب فيه المثل بأخلاقه ... كيف تحول كذا .. ورجعت سألت زوجي كيف عرف عن انه يشرب المنكر وعن الحريم واصدقاء السوء .. قال ان واحد من اخو صاحبه معهم بالشله ...

ايش اسوي وصعب انصحه لانه اكبر مني فمارح يتقبل نصيحتي ... وثانيا علاقتي فيه شبه منقطعه ... وصعب اكلم امي لانها ماتتحمل ... مع انها كثير كانت تشتكي انه ينقطع عن البيت اسبوع وماتشوفه ... كيف اتعامل مع هالمشكله الله يجزاكم خير ...

رد: ابتلي اخي بأصدقاء سوء والخمر ..
 

الله يصلح حاله ، اطلب من زوجك او احد اخوتك انه ينصحه ويسحبه منهم ، هل هو متزوج ؟

رد: ابتلي اخي بأصدقاء سوء والخمر ..
 

طلبت من زوجي مايتدخل ولا يكلمه ... ابغاه يكون بعيد ... اخواني وش اقولهم ... كل واحد لاهي بحياته ... لا بس خاطب ... ويمكن اخواني يدرون وساكتين على ماسمعت ...

رد: ابتلي اخي بأصدقاء سوء والخمر ..
 

الله يهديه ويصلحه
أختي مالك إلا تبلغين أخوانك .. هو الأقدر على أخراجه من هذي المصيبه
وأبعدي زوجك عن السالفه برمتها ..
الله يبعده عن أصحاب السوء ..

رد: ابتلي اخي بأصدقاء سوء والخمر ..
 

كلمي احد مسؤلي بالهيئة
اذا كنت من داخل السعوديه
واطلبي منه انو يوجهك
وينقذو اخوك
هم جدا متعاونون
والامر راح يكون بسريه
لاتخافي لن يخبرو احد
انك انتي من ابلغتي
ولما تكلمي القسم
اطلبي منهم شيخ تتواصلي معاه
راح يكلمك الشيخ واشرحي له

رد: ابتلي اخي بأصدقاء سوء والخمر ..
 

نفس الرأي ::PPP
ولا تتأخرين في تبليغهم
واسأل الله ان يهديه ويصلحه هو وجميع شباب المسلمين

رد: ابتلي اخي بأصدقاء سوء والخمر ..
 

بلغي ابوك واخوانك يوقفونه عند حد هالبلاوي وادعيله بالهدايه

رد: ابتلي اخي بأصدقاء سوء والخمر ..
 

اهلًا اختي الغالية سمورة
كم عمره اختي الغالية

رد: ابتلي اخي بأصدقاء سوء والخمر ..
 

اللهم امين... انا قلت لزوجي لا يتدخل.. اما إخواني يمكن اقولهم بعد عمليتي ان شاء الله... بس انا كلمت اختي وقالت حتى هي سمعت وماقدرت تتكلم وتقول ان يمكن اخوانا يدرون وساكتين بس ماهي متأكده ... شكراً لك ..

عزيزتي صعب انا اسوي كل هذا ... ينفع اقول لزوجي او اخلي اختي تكلم زوجها يسوي كل هذا ؟

شكراً لك اخي ... اللهم امين ..

رد: ابتلي اخي بأصدقاء سوء والخمر ..
 

ابوي الله يرحمه ... جزاك الله خير


اهلا عزيزتي .. عمره 25 سنه ... كان يكره الدخان وينصح اخواني يتركوا التدخين ومحافظ عالصلوات ماشاءالله... اما الحين انقلب حاله والله حزنت عليه