زوجي مدمن و احتاج وقفتكم تم الطلاق الرد31
 

بسم الله الرحمم الرحيم

السلام عليكم و رحمة الله و بركاته..

اكتب لكم و كلي اسى و الم على ما اواجه في حياتي مع زوجي
اولاً انا متزوجة منذ 7 اشهر تقريبا
عمري 26 سنة و زوجي 28
قبل فترة تقريبا اسبوعين اكتشفت ان زوجي يستخدم حبوب
و هالشي اكتشفته عن طريق الواتس و هو يكلم احد اخوياه
مافتحت له الموضوع بتاتاً لاني ما بغيت اخطي خطوة اندم عليها
بعد بفترة طلب مني اسوي له حساب ف الفيس بوك
سويت له و طلب حساب ف سناب قلت له اوك و بضيفك عندي
رد علي و قال انتي وراي ف كل مكان ؟!
عرفت انه ما يبغى اعرف حساباته
باستثناء الفيس بوك و طلبني اعيده له شرح فتح حساب ع الفيس بوك
عرفت انه راح يسوي حساب اخر لاني الال اعرفه
المهم بعد فترة فتحت جواله
شفت محمل تويتر فتحته لقيت المضافين عنده بنات عرض و اشحن لي و كم سعر قضاء ليلة معها هذا من غير الصور الاباحية و لقيت مسج ع الخاص مع وحدة من هالاشكال
و مفهوم المسج انه يبغاها لكن خايف انها تضحك عليه بمجرد ما يشحن لها تسحب عليه
انصدمت صدمة فضيعة و كلمتها بعدها ب4 ايام ضحك حاول ينكر لكن ماكان له مجال
بعدها قال هذا خويي يضحك ع الناس و سكت
اثناء ما جواله معي لاحظت اغلب برامجه برامج تعارف
و اغلب الصفحات اللي يتصفحها و محركات البحث تحتوي ع كلمة مطلقات او ارامل
زواج مسيار زي كذا
و ف هالبرامج.محادثات مع نساء قرات تقريبا 2
بعدها سوا فورمات لجواله و قلت يمكن حس بغلطه
تفاجأت امس بالتحديد ان عنده حساب جديد ع تويتر و نفس الموال بنات و ضايف شخص --- على زوجته خفت و عرفت ان تفكيره غير سوي
اللي يرضى يضيف رجل كذا معناته تفكيره فيه خلل
مقاطع و صور و كلام

يعني مدمن مخدرات و مدمن افلام و محادثات اللي ممكن تتطور الى لقاء
و انا بصدد الاستقالة لاني موظفة و اخذت اجازة 6 اشهر بدون مرتب و جالسة ارتب وضعي باقدم استقالة و اتوظف فنفس مكان عمله لكن من شفت هالاشياء وقفت التفكير ف للاستقالة هذا الرجل لا اضمنه
ارجوا من الله ثم منكم النظر في مشكلتي

مستجدات الرد15


http://66n.com/forums/showpost.php?p...5&postcount=15


تم الطلاق الرد 31


http://66n.com/forums/showpost.php?p...1&postcount=31

رد: زوجي مدمن و احتاج وقفتكم
 

من قلتي يتابع ---- هنا بقولك خذي موقف حازم معه ، اللي يتابع أفلام إباحية يستحل الحرام وشوي شوي يتجرأ على أمور ماكان يتجرأ عليها قبل والموضوع مثل الإدمان اللي لازم تزيدين الجرعة لأن جسمك تعود عليه بالضبط الإباحيات كل مره بيدور على شي غريب وجديد يجربه عشان ترتفع عنده المتعه إذا ناوي يسوي شي مع زوجة --- بيجي اليوم اللي بيدور على تبادل زوجات قاتلهم الله أنى يؤفكون المواجهة ثم المواجهة مع إنه واحد زيه مدمن مخدرات وإباحيات لايصلح يكون زوج لكن هذي حياتك وقرارك إنتي واجهية وتكلمي معه وخوفيه بالله إذا له رغبة بالتوبة كوني عون له وإذا أخذته العزه بالإثم وكابر على الحق وقالك إرضي بهالوضع من رأيي تنفذين بجلدك و وظيفتك لاتستقيلين منها ولاتنقلين عنده حتى لو تعدل

رد: زوجي مدمن و احتاج وقفتكم
 

اختي انصحك لوجه الله, لا تحملين ابدا, وان شاء الله تكوني كذلك.

اولاً: شيلي من راسك فكرة انه تجيبين ابناء منه في الوقت الحالي.

ثانياً: قومي بنصحه وتذكيره بربه, وحاولي بكل الاشكال مساعدته, واذا صبرك ومساعدتك له ماثابتك واستمر على ماهو عليه, اذاً انصح بأن كلن يروح في سبيله. بسبب انه استمراره على هالشي انتي لا ترضينه على نفسك ولا على ان يكون أب لابنائك!!!!

كان الله بعونك..

رد: زوجي مدمن و احتاج وقفتكم
 

هل سألتم عنه قبل الزواج ؟

رد: زوجي مدمن و احتاج وقفتكم
 

للأسف الشديد هذا حال أغلب الشباب ..
وش صار في الدنيا ؟؟

لا حول ولا قوة الا بالله ..

أسأل الله أن يفرج همك ويصلح أحوالك ..

وظيفتك ثم وظيقتك ثم وظيفتك لا تفرطي فيها ..

على فرض انه كان رجل صالح كمان مايصير تفرطي في وظيفتك

في هذا الزمن لا تثقي الا في نفسك وبس

رجال تزوجتيه لا تثقي فيه نهائياً وتخسري مستقبلك الوظيفي عشان حضرته يرضى

حتى لو هو رجل صالح مثلاً مصيره يرميك في يوم .. ماعد فيه امان ياقمرر

زوجك وصفاته ماعندي تعليق عليها
احس اني متقرفه ماني قادره اتكلم ..

لكن لفت نظري انه يدور في محرك البحث على أرامل ومطلقات ..

ليته يدري ان كم من مطلقه حملت هذا اللقب عشان بس تفتك من زوج سيء الأخلاق وتحافظ على دينها وشرفها من وساخة بعض الرجال اللي مو حق زواج أصلاً

خلاصة كلامي المطلقة أشرف وأشرف من اللي يعتقد انها انسانه مستعده تبيع نفسها عشان متعه

حسبي الله ونعم الوكيل ..

رد: زوجي مدمن و احتاج وقفتكم
 

يا عمنا يا أبو البنات ..

الله يسلمك ويبارك فيك ترى السؤال في هالزمن مايكفي

ياما ناس تسأل عن شخص ويزكونه ويمدحونه وفي النهايه تكتشفه المسكينه بعد الزواج

عني حالياً أسأل عيال أخواتي وأخوي هم شباب وسنهم مقارب لسني ماشاءالله

اقول لهم وش رايكم في شباب هاليومين

والله يردون علي بهرجه وحده 90 في الميه خربانين

واذا جيت سألت عن شاب قالوا لك الناس يصلي ويصوم ورجال وولد ناس وابن حلال ومن هالكلام

واذا تزوج تنكشف جميع بلاويه وأوراقه قدام المسكينه اللي تدبست فيه

رد: زوجي مدمن و احتاج وقفتكم
 

كنصيحة أولى : لا تحملي أبدا ، خذي كل الاحتياطات اللي تمنع حدوث حمل.
انتبهي تحملي و تأتي بطفل يكون هذا أبوه
انتبهي تحملي و تريدين الخلاص من حياة الخيانة وتتطلقي و يقيدك طفلك و يجعلك تعيشي في حجيم طوال عمرك.

ثانيا : اجمعي الأدلة، أي شيء يدينه ، وراقبيه عن بعد ثم استشيري شخصا حكيما من أهلك ليساعدك فأنت وحدك لاتستطيعي حل كل هذه البلاوي في زوجك أو لنقل ليساعدك في قرار الاستمرار او الانفصال .

رد: زوجي مدمن و احتاج وقفتكم
 

شوفي كل شي ممكن ينحل إلا الإدمان

أبويه كان عنده طالب كويس و قدر الله وطاح في الإدمان وعالجوه أهله وقابل أبويه وشكله غير الي كان يعرفه حتى وهو مدمن كانت حالته أفضل من بعد معالجته وأقصد نفسياً ( انطوائي ،خجول جداً ، ساكت طول الوقت )

وطلب من أبويه يزوجه من أي عائله وقاله حتى طبيبي قال أقدر أتزوج وطلب منه أبويه رقم طبيبه واعطاه

لما كلمه أبويه قال لازم أعطيه أمل في الزواج والحياه الطبيعيه عشان مايرجع للإدمان ولأنهم بعد العلاج حساسين جداو
لكن يرجع طبيعي 100في 100 مستحيل وبيظل ع العلاج النفسي للأبد لأنه الحبوب والحشيش في زمنا هذا مضروب مو طبيعي مثل قبل فيأثر ع خلايا الدماغ بشكل مباشر ومهما تعاجل يظل مريض نفسي

واغلب الحالات الي عندي رجعو للإدمان بسبب نفور الناس ومنهم الأهل من حالته الي مابعد العلاج


لذلك ياأختي ركزي ع موضوع الإدمان وتأكدي منه إذا تأكدتي إنه بالفعل مدمن إنفذي بجلدك

وموضوع البحث والحسابات ربما تعود عليها وع الطقطقه ع الخلق فلا تستهيني بموضوع الإدمان

رد: زوجي مدمن و احتاج وقفتكم
 

اختي انتي نفس مشكلتي وانا اقولك عن موقفي بس فيه فرق أن انا زوجي مو مدمن
بس حساب وضايف بنات وشروط وكلام قذر مثله
واجهته وأنكر وقال جيبي المصحف احلف لك بس عرفت انه يمين كذب لأن كلمة السر كانت اسمه الحقيقي
واجهته وصرخ علي وقال ليه تفتشين باغراضي
وكنت أبيه يبرر موقفه ويعتذر ويقول تعالي نتفاهم لكنه انسان غبي قلب الطاولة علي شلون افتش وليه اشك فيه
أخذت اغراضي ورحت بيت أهلي
مع لن لي بنت منه
يس الله يرعاها وراح اعيشها أحلى عيشه
ولا تصير بيننا وتشوف تصرفات أبوها وتازم نفسيا
اختي اذا زوجك ينفع معاه المواجهه والحوار ناقشيه وحذريه من خيانته
اذا ما ينفع مثل زوجي
اسحب عليه
وعيشي لنفسك واسعديها
نصيحه من اخت

رد: زوجي مدمن و احتاج وقفتكم
 

سألنا عنه ف كل مكان و كلن شهد له بالخير و الصلاة

تخيلوا شهدوا له بالمسجد وهو اقسم بالله مايصلي ف المسجد الا ماندر يعني ف الشهر مره تقريبا


واجهته قبل شوي و كانت فيه لا مبالاة مو طبيعية و لا ناقشني و لا اعتذر و لا شي
بالعكس ضحك و قال اتسلى
و لما واجهته عن -- بالذات قال مادري والله وش معناتها

قلت له اللي يستمتع بزوجات غيره
يسويها ف زوجته
و كان رده عادي ما احترق مثل اي رجال غيور