خطيبي بارد
 

اتمنى ان تساعدوني في هذه المشكله.. عقد قراني على احد اقربائي منذ فتره..

ولاحظت انه منذ خطبتي وهو بار في مشاعره.. نادرا ما يتصل.. واذا اتصل ما يطول خمس دقايق ويبند؟؟

هو انسان طيب وخلوق.. لكن مشكلته البرود.. اذا اهتميت في مظهري ما يهتم واذا ما اهتميت بعد نفس الشي ما يعلق
حتى صار عندي احباط.. وما عدت اهتم في شكلي.. رغم اني والحمدلله على درجة من الجمال

بروده هذا سبب لي مشكله حتى اني احيان افكر في الانفصال
احيان احاول ابدأ معه واطول في السوالف.. وفجأه يقطع السالفه ويقول الحين عنده شغل

ما اعرف شو اسوي ... :(

اختي انا اشوف من وخلال فلسفتي بالحياة إن الحياة تعاون وكفاح .وفي بعض الاحيان يكون الطرف الاخر الرجل او المرأة غير منتبه لبعض الامور الخاصة بالحياة الزوجية والاسرة والمسؤليات لهذا انا أرى ان تتكلمي مع خطيبك وتحكي له ماذا تحبي وماذا تكرهي ...وان تاخذي بيدة حبه حبه حتى يصل إلى الصورة التي تتمنينها فربما هو يعاني من مشاكل اسرية او ضغوطات الأن او قبل الخطبة ...فليس بها شيء لو انت بادرتي بتعليمة بعض الامور المتعلقة بالحياة وكيفية الإستمرارية فيها .لهذا اختي الغالية لا تتسرعي بطلب الطلاق او إتخاذ قرارات غير صائبة .أنا احكي لكي هذا الكلام من واقع تجربه.

والله يا اخت ساره .....انا من خلال قرائتي لمشكلتك شخصت حالت خطيبك...وبصراحه الله يعينك...انتي ساخنه وهو بارد ...لكن
تخيلي لو انك جبتي مويا بارده ومويا ساخنه بنفس الكميه وخلطيهم مع بعض في اناء واحد ...ماذا سيكون حال الماء المخلوط بنظرك...اكيد انه راح يكون ماء دافىء ...يعني الي اثر بالثاني هو الماء الساخن صح ولا لا...اذاً...لا تخافي لاتخافي مادام انك انتي ساخنه في كل شي الملبس والكلام الحلو يعني انيميشن(حركيه)صدقيني سينتقل كل هذا من مدارك المتحرك الى مداره الساكن والصامت ويؤثر عليه ويدفعه ويجعله يتحرك حتى يبدا بالدوران والاقتراب من مدارك فيتداخل معه فتصبحان مدار واحد متطابقان متجانسان......

اسف على الفلسفه تراني فيزيائي ....لاتواخذيني

لكن صدقيني لاتياسي راح يتعلم الي تبينه مع مرور الوقت والله يوفقكي ويسعدك

والله انا بعد عندي نفس المشكلة لكن العكس لاني كنت استحي من كلامه معاي لكن بعدها لما بديت اتجاوب معاه بدى هو يصير بارد لدرجة كبيرة لكن انا اقول كل هذيامور تصير لانكم مخطوبين بس ينحدد الزواج كل شي راح يتغير
انا متأكدة ولو اني نفسي ماني عارفة حل لمشكلتي بس اهدي انت واخذي الامور ببساطة وهو راح يحس بس انت خليك مثل اول مهتمه لنفسك لانو الحياة ما توقف عنده هو

مااقول غير الله يعينك
ويوفقكم
شاويشكم

اعتقد والله اعلم انها مشكله بسيطة ، ولا داعي لشغلة الانفصال والكلام هذا .

يمكن يكون بارد في اول الامر لكن بعد كذا ممكن يتغير 180 درجة وانا اعرف شباب من هذي النوعية ، في اول الخطوبة يكون بارد وغير مبالي ، لكن بعد الزواج سبحان الله يختلف تماماً وهذا انا شفتها بعيني والله .

يمكن يبغى يسوي نفسه ثقيل ، وراسي ؟ اعطيه فرصة يسوي هذا الشيء بعدها تشوفين .

بعدين والله احترنا معكم ياهالبنات / مرة تقولون خطيبي بارد ، ومرة تقولون اذا انخطبت ما ابغى اسمع صوت خطيبى الى يوم العرس . ومره ترمون اللوم على الشباب . والله ما ادري وين المشكلة بالضبط

اختي العزيزة

ليش العجل على الحرارة وانتم لازلتم في البداية

الصبر اولا وعليك مسؤلية تشغيل حرارته

هل مجرد الخطوبة او عقد القران يعفي الزوجة من دورها الانثوي المفطورة عليه من الله

غليك اختي تشغيل وسائل الاغرى المتعددة ليس في الملبس فقط وانما في الامور المختلفة وانتي ادرى مني الف مرة

بسم الله الرحمن الرحيم
أختي ... عليكي بالصبر... إنتي لا تياسي ولا تحتاري...
كما قال لك الإخوة... حرارتك وبرودته تدفيكم إنتو الإثنين...
إصبري وصدقيني... ما يهم مين البارد ومين الساخن... مين الواقعي ومين الخيالي... المهم في البداية الصراحة والألفة والمحبة والتفاهم...
اتكلمي معاه... ولا يخليكي بروده تتركي تجملك ليه!
خليكي إنتي السباقة!
والله يوفقكم اللهم آمين

عجبتني ردود الاخوان :
RMR
خالو ريان

بس كمان مافي مانع تنبهه للموضوع بشكل غير مباشر يعني ممكن تقولي (( انت توحشني كثير لكن للاسف دايم تكلمني وانت مشغول ومستعجل ..))
او تقولي (( في اشياء في قلبي ودي اقولها لك لكن بخليها لما تكون رايق ...)),,,, ومن هالكلام ياامورة وانتي ست العارفين

من عادة الخاطب أو المخطوبة أن يكون بينهما بعض البرود أو شي من البطء في تطور المشاعر تجه بعضهما البعض وبعد أن يتعود كل منهما على الآخر ويبدأن فهم بعضهما يبدأ التجانس والتلاطف والسعي للتوافق والانسجام لما فيه مصلحة الرفين.

لا تستعجلي على خطيبك وامنحيه بعض الوقت حتى يتفاعل معك