هل الابتعاد عن اهل الزوج صحيح
 

السلام عليكم ورحمة الله وبركاته

حبيت اسال من الي عنده خبره و راي سديد
انا زوجي قريبي وكنت احب اهله مره بس بعد الزواج انصدمت منهم

اول شيء امه بس تنتقدني حتى وهي ساكته ما يعجبها العجب مع انهم بسطاء مره
و ماهم شايفين مني خير .. اجيبلهم هدايا و كل عيد ما انساها
و بس تمدح فسلفاتي انهم فيهم وفيهم و قطعت نفسي ابي ارضيها لاني اعزها

و ما مليت بس اخر مره سار سوء تفاهم بيني وبين الاخت الكبيره بناتها قريب مني اعمارهم
اكلوني و وصفوني بابشع الاوصاف و سبو زوجي انه.........
امه اتصلت و هزئتني و هم ما يدرون ايش السالفه هي اتصلت عليهم و تحلل من راسها وكبرتها
و بالنهاية اتضح اني مالي دخل بس خلاص كلامهم ما قدرت انساه
و مره ما سرت اجيهم الا قليل مو زي اول

وجلست شهر نفسيتي دمار ذحين اذا تذكرتها تجيني غصة بحلقي
و امه تسالني اش فيك ماتجين

سلفاتي يتنافسون كل وحده تبين انها الافضل
انا خلاص ما عاد افكر اكسبهم
حبوني كذا بطبيعتي ولا..........

واكتفيت بصداقاتي واهلي الي يعزون على قلبي
ومهما سويت ما يتكلمون من وراي بسوء
و لا يكرهوني اذا غلطت و قصرت فحاجة

بس حبيت اسال هل كذا افضل
مع انهم طيبين
بس ما حسيتني بنتهم
لو حسو اني منهم و فيهم ما صفو كلهم علي و اتهموني بابشع الصفات 😔😔💔💔

رد: هل الابتعاد عن اهل الزوج صحيح
 

وين الطيبه في الموضوع مع كل اللي سردتيه عن أهل زوجك !!

شو يعني سلفاتي ؟؟ خوات زوجك يعيني والا انا غلطان

رد: هل الابتعاد عن اهل الزوج صحيح
 

يعني ما يعبون راسة من وراي و يمدحونله غيري
ولا يسبوني

الي حكيته صار وقت المشكله
نسفو كل الي بيننا ولا كاني الا عدوتهم

رد: هل الابتعاد عن اهل الزوج صحيح
 

السلفات زوجة اخو زوجي

رد: هل الابتعاد عن اهل الزوج صحيح
 

رد: هل الابتعاد عن اهل الزوج صحيح
 

مو حابة اتكلم عنه
انا رحت لبيتها و فهمتها الموضوع و حسيتها ما اقتنعت بس ما همني الي بيصدق بكيفه
و كنت باخذلها كمان هديه زوجي مارضي يقول غلطانه و نعتذرلها كمان
وامة ما تكلمت بس مره كنت جالسة مع زوجات اخوانه قاعده تتكلم عن الي سوت المشكله تقول تتخيل و تصدق .. وعتبانه عليه عشان زوجي عرف بس هو الي نشبلي لاني قعدت ابكي
ايوه الاول تقريبا و هذا كمان لو ما زوجي فجره كنت ابسكت

رد: هل الابتعاد عن اهل الزوج صحيح
 

رد: هل الابتعاد عن اهل الزوج صحيح
 

تدرين ..

اكشفت بعد فترة من زواجي السابق إن البعد طيب في جميع الحالات ..

عندي مثل طبقته في حياتي وارتحت

تقاربوا تكارهوا .. تباعدوا تحابوا ..

طبعاً طبقي هالمثل بحدود وبمهاره

مثلاً أهل الزوج حاولي تكوني رسميه معاهم ومو كل شي تحكيه لهم .. لكن في نفس الوقت اذا طلبوا منك شي افزعي لهم .. يعني خلي شهامتك تظهر في وقتها
اذا احتاجوك فقط لا تقصري معاهم لكن انك تكوني قريبه منهم دايماً واخبارك عندهم تري ماانصحك بذا الشي ..

الفضاوه احياناً تخلق مشاكل .. ممكن أيام تمر بينكم مافيها لا اكشن ولا قيل وقال وتلاقيهم يفتعلون مواضيع بس عشان ينتعش الجو شوي .. والله احيان بتصير

السلفات اذا كانوا فاضيات ماوراهم شغله تبدأ الأقاويل وفلانه قالت ومدري ايش وتوصل لأهل الزوج وبما انك قريبه منهم عادي يشوفون مواجهتك مافيها شي ويواجهونك حتى لو كنتي مظلومه بس لأنك في وجههم كل يوم ومتعودين عليك ..

لكن لو كنتي بعيده ورسميه والله ترتاحين بشكل ماتتخيلينه .. ولا أحد يتجرأ يقرب من حدودك

رد: هل الابتعاد عن اهل الزوج صحيح
 

وعليكم السلام ورحمة الله وبركاته
أذا من هذه العينه .. فالبعد والتعامل الرسمي هو أفضل حل لراحتك أنتي بالدرجه الأولى ..
تواصلي معهم ك صلة رحم أكراماً لزوجك .. قللي الزيارات وتكون في المناسبات الرسميه
لاتحملي في قلبك عليهم شئ .. اعفي عنهم لله
هذا مانحن عليه البشر طباع تختلف لا نتفق مع كائن ونتقرب من الأخر ..
ليس بالضرورة الحكم أنهم سيئين .. لكن تحكمهم أمور مثال الحميه والدفاع عن أي شخص منهم من مبدء النصره لأخيك .. وهو فهم خاطئ لحديث الرسول صلى الله عليه وسلم (انصر أخاك ظالماً أو مظلوماً.. بقية الحديث)
وفقنا الله وإياك لما يحب ويرضى

رد: هل الابتعاد عن اهل الزوج صحيح
 

جزاكم الله خير جميعا
وارائكم على راسي ❤🌹🌹🌹