اتمنى الانتقام من طليقي رغم مسامحتي له
 

السلام عليكم
اللهم ياواحد احد اجبر كسر قلبي

مدري من فين ابداء مزيج من المشاعر المختلطه
اعيش مرحلة تأنيب ضمير ممرضه احس بالذنب احس اني انا الغلطانه بقلبي حرقه
وودي انتقم منه واحس انه انسان شرس وماعنده حسن العشره
مشاعر احباط وخذلان من اهلي واقاربي والكل
احس مافي احد وقف معي رغم الكل معاي
هل انا رافعه سقف التوقعات بالبشر الى ذا الدرجه؟!

اوقات كثير احس اني مغيبه عن الواقع جداً مغيبه
كااان يحبني وواثقه من حبه لي في فييي كثير منغصات بس الحب موجود
ومتاكده من هالحب فجئه طلع كل عيوب الدنيا فيني

مو مقهوره الا من غبائي الزايد هل لما كانت نيتي زينه طلعت بذا الغباء
طلقني بطريقه حقيره بجد حقيره

والمصيبه مخبر خالته اللي احبها جدا جدا انه حيطلقني وانا مادريت فما كان منها
الا بمجالس الحريم في وحده بتسمعون خبر طلاقها قريب بعدين تضحك بطريقه الكل استغرب!؟
طيب ليش والله ماسويت لها شي
طليقي كان يحكي بسلوب جديد وطريقه جديده
وكأنه محفظ كلام مش كلامه
وامه تبراء لله من تصرفاته وتتهمه بالجنون وانه معيون ولا مسحور او شباب الاستراحه محرضينه

**مش دنائه اخر من يعلم بطلاقي انا؟

قربت تمر سنه ع طلاقي وكنت كلي قووه وشموخ وعلووو ورفعه

وافتخر بنفسي رغم اني مطلقه

لكننن
الان
بديت اضعف وانا اكرهه مجرد ضعفي من ضعفي

ممكن انا غلطت اني زعلت وتركت بيتي وماصرت ارد عليه بس لدرجة هذي كنت رخيصه عنده
ففتحت الباب للمخربين رغم اني مااحط شي بذمتي

كل تبريراته جداً سقيمه

انا تحملت ظروف سفره وعمل وماديته

للدرجه هذي ماقدر وقفاتي معه

افكر ارسله بس مو حابه اهين نفسي والان هو اجنبي
والله ابي انتقم منه اشد انتقام بس مااقدر حتا ارفع يدي وادعي عليه !
وسامحته لوجهه الله وسامحت الكل وخالاته وكلهم لان من عفا واصفح فاجرهه على الله
ومقهوره كيف. عفيت واصفحت

انا متعبه حقاً

تم تعديل العنوان ليتناسب مع المضمون

رد: في وحده بتسمعون خبر طلاقها قريب هههههه
 

عوضك الله خيرا منه...

ليش ماتفهمون ان هالأشكال البعد عنها رحمة؟؟؟

لسه الحياة امامك وعندك فرصة تبني حياة حلوة.. وفرصة تتزوجي من جديد بأحسن من طليقك ان شاء الله،،، غيرك راك عمرها وشبابها وتعبها وبالأخير طلقها بعد ما قضى على كل أحلامها..

مانك مجبورة تسامحي.. لكن حاولي تعتبري الي صار من الماضي الي راح، ومالك قدرة على تغييره.. خلي تركيزك على الي جاي.. اطوي الصفحة، اعزمي على طيها، طليقك لا تتعبني نفسك في التفكير فيه.. ماراح تستفيدي.. وكل من يجيبلك اخبار اطلبي منه يحتفظ بها لنفسه.. انا حتى اهلي ما احب يجيبولي سيرة طليقي.. لاني لما ارجع بالذاكرة للوراء اتعب.. واندم لاني ما تطلقت زمان.. والوم نفسي ليش اعطيته اكثر من حقه، و و و .. اتعب والله..

ركزي على نفسك واستفيدي من هذه التجرية للزواج المقبل باذن الله.

رد: في وحده بتسمعون خبر طلاقها قريب هههههه
 

السلام عليكم

الدنيا غريبه جداً والأغرب هو نحن بتصرفاتنا وبعقليتنا ... ساعات نسوي شي وندري أنه خطأ مع ذالك نستمر فيه وهذي طيبعة البشر

أختي الواحد ما يشعر بمعزتة ومكانة شخص الا بعد فقدانه ... الله يصبرك ويقويك

أهم شي أعرفي إن الله هو المصرف للأمور وهو إلي بيده كل شي ولا فيه شي مستحيل والدعاء خير طريق وسبيل ... لو كان لك نصيب ترجعي له صدقيني قدرة الله فوق كل مخلوق
وسبحان الله يمكن الله يعوضك لدرجة إنك تنسي كل معاناتك ... فخلي أملك بالله كبير , وأدعي واستغفري والله وحده يصرف الأمور بحكمته وقدرته
الحمد لله على كل حال

رد: في وحده بتسمعون خبر طلاقها قريب هههههه
 

مرحلة زواجك شيك تم صرفة ونتها منذو سنة
لاتلتفتي للماضي بغض النظر من
المخطئ لاتستطيعين الاصلاح
والكلام بالماضي نقص بالعقل
ركزي بالمستقبل وتركي جلد الذات
لانك لان تستفيدي شي غير الاهموم
التفكير الايجابي سوفا يمحو جروح الماضي
ويبني المستقبل كوني اكثر تفاءل ياخية

رد: في وحده بتسمعون خبر طلاقها قريب هههههه
 

صاحبة الموضوع .. انتي بداخلك عارفه انك لو رجعتي له ماراح تنسي اللي صار .. يعني بتكوني متحامله عليه ومو ناسيه اللي عمله فيك والحقد عليه بيظل ملازمك حتى لو مادعيتي عليه ..

وفي نفس الوقت تجيك أوقات بسيطه يعني كل بعد شهر شهرين ثلاثه .. ينعمل لمخك فرمته بسيطه بحيث كل شي عمله فيك بتنسيه وتتذكري بس اللحظات الحلوه والحميميه اللي كانت بينكم ويبدأ الحنين يتعبك وتنهمر دموعك شوق لهذا الشخص اللي غلط في حقك ..

صدقيني مشاعرك اللي تحسي فيها تمر على كل المطلقات ..
تمر فقط على المطلقات اللي عاشوا مع أزواجهم بكل وفاء واخلاص وحب .. لكن اصابهم الخذلان .. نعم خذلان حطم قلوبهم وكسرها .. لأنهم عاشوا مع ازواج واعطوهم كل مايملكون من حب وفجأه جات الطعنه في الظهر .. جاء الجفاء .. جاءت الاساءة مقابل الاحسان ..

ازواج رموهم وطلقوهم وظلموهم بدون أي ذنب يستاهل ..

تعرفي متى راح تتخلصي من هذي المشاعر المتلخبطه ؟؟!!

أول ما يطق بابك العوض من ربنا
أول مايجيك شخص وتنخطبين وتعيشين أجواء الحب .. لكن هذي المره بتعيشيها بكل حذر

أنا على يقين تام .. انه انتي راح تعطيه كل اخلاصك ووفائك اللي اعطيتيه طليقك .. لأنه هذا طبعك في الاساس.. لكن بتكوني هذي المره حذره اكثر من قبل ..

عوضك الله بالصالح صاحب الدين والخلق القويم ..

رد: في وحده بتسمعون خبر طلاقها قريب هههههه
 

كلام يثلج الصدر هذي الفتره آْنَـتي تحتاجين الى الثقه والايجابيه .

رد: اتمنى الانتقام من طليقي رغم مسامحتي له
 

حبيبتي .. انتي عفوتي لانك انساانه رائعه

صدقيني لو تزوجتي .. ماراح تذكرين اسم زووجك الاول .. بتنسين تمااااااما

لما يجي حب احلا كن حبه .. خلاص ..

الله يوفقك ويرزقنا ويرزقك