طليقتي والشقه للمره الثانيه مستجدات رد 93
 

السلام عليكم ورحمة الله وبركاته

لاحول ولاقوة الابالله
مدري هالمشاكل متى راح افتك منها
طلاق وطلقت وعيال وارسلت
كل ماقلت خلاص راح ارتاح يجد شي جديد
وشكلهم ماعندهم شغله الا يخططون
واخوانها مدري وش عجينتهم !!

قبل البارح اتصل علي الولد وقالي امي ماجاها نقل وراح نجي حنا وامي ونسكن بشقه!!!! ومعنى فلان اللي هو ولد اختها وهو شاب عمره 20سنه

المهم اتصلت على اخوها قلت ابي اعرف وش السالفه وخصوصا ان الدراسه باقي لها يومين
كلمته وقالي لا تصدق هذا كلام فاضي
قلت اوك
المهم البارح اتصل علي الولد مره ثانيه وقالي خلاص نبي نجي وخوالي حجزوا لنا بالنقل الجماعي !!! وامي اتصلت على سواق تعرفه من اول وقالت له شوف لنا شقه مفروشه واستقبلنا انت من النقل الجماعي وقال طيب السواق على اساس انهم يوصلون بكره ان شاءالله

المهم اتصلت مره ثانيه على اخوها وقال ايه صحيح لانها لازم تباشر وتجلس ترم وبعدين ينقلونها
وقال وبعدين ابي اكلمك يابو فلان يقصدني بخصوص المصروف قلت ايوه وش فيه
قال المصروف مايكفي ونبي مصروف لهم اقل شي 2000ريال
انا ساكت وخليته يتكلم وانا اغلي من الداخل
المهم يوم خلص
قلت اسمع يافلان انا اول شي متصل عليك بخصوص ان اختك مرسلينها بشقه مع بزر انتم وش جنسكم
انا اكلمك عن اختك وعن هالبزران اللي بهذلتوهم معكم كل يوم مجرجرينهم لديره وانت تقولي المصروف مايكفي
وقلت له انا عرفت منين هالبرود
وشدينا بالكلام وقال اذا انت ماخذتك الحميه سكنها ببيتك وانت اطلع استأجر !!
قلت هذا الباقي تطردوني من بيتي بعد صحيح انكم الحيا صفر عندكم وقفلت الخط بوجهه
واتصل مره ثانيه وقفلت بوجهه

وبعدها بساعه اتصلت على اخوهم الكبير اللي مايدري عن شي وكنت ناوي اقوله كل شي
بس مارد علي لانه حسب ماسمعت انه واصله اني مطلق لاني اشك فيها وزعلان
واتصلت مره ثانيه ولارد
وارسلت له اتصل فيني ضروري ولا اتصل

فكرت اني اسافر له واقابله الاسبوع الجاي واقوله كل شي
وبالاثباتات لان الدعوه احسها مصخت واشوف انها ماهي عامله للثور اخوها هذا اي اعتبار
انا مدري وش هالاخوان بصراحه ماكنت ادري انهم بهالشكل
يعني حتى اللي مايدرون عن السالفه مافكروا يجيبونها هم وياخذون لها شقه مع ولد اختهم ويامنون اختهم
او يراجعون ادارة التعليم علما انهم غثوني بسرعه طلع الصك عشان نقدم لها نقل ولاقدموا نقل ولا شي
يقولون باب النقل مقفل طيب روحوا لادارة التعليم نفسها مو المدرسه

مدري وش اقول الا الله يفكني منهم على خير


مستجدات رد 93

http://www.66n.com/forums/showpost.p...4&postcount=93

رد: طليقتي والشقه للمره الثانيه !!!!!!!!!!!!!
 

اخ الوحيد ..

حركة النقل طلعت من 4 رمضان ..

الحين دوبهم يقولون اختنا مانقلت ؟؟!!

ودوبهم يقررون انها تاخذ شقه ومدري ايش؟؟

هي عارفه من الأول انها ما نقلت .. وحاطه في بالها انها بتسكن في في المدينه اللي فيها مكان عملها ..

يعني الأمر ذا هي عارفته من رمضان !!!

والله احس اني مافهمت السالفه ..

الواحد لو بيدبر عمره بيدبر عمره من بدري مو بين يوم وليله ..

واعتقد الولد ابو 20 سنه رجال .. وبيكون محرم لها .. ما اشوف ان فيها شي لو سكنت بشقه ومعاها المحرم ..

ترى سكنا في شقق لوحدنا .. خصوصاً لما نروح دورات أو مهمات لعمل أو دراسه ..
مافيها شي الله يرضى عليك ..

انا مو فاهمه ليش انت معصب وهي صارت طليقتك ..
إذا على الولد .. اكيد راح يكون معاها وبتسجله في مدرسه قريب من مدرستها

هي أم بعد وما ظنتي ترضى على ولدها أو تهمله .. اكيد بتخاف عليه ..

رد: طليقتي والشقه للمره الثانيه !!!!!!!!!!!!!
 

[QUOTE=متفائله200;3458841]روح لأخوها وكلمه عسى يجي منه شي وقله تذكر إنه أختك بترجع للمكان الي تعرفت فيه ع فلان وفلان وممكن الشيطان يجرها لهم

واولادك أعطهم خبر إنك مارح تتركهم عندها اذا رجعت هنا لإنك ماتضمن رجوعها للحرام وتخاف من تأثر أولادك الكلام هذا لازم يوصلها عشان تخاف

وانت بعد مايرجعو من المدرسه قول للسواق يوديهم عند أختك

دوبي فهمت السالفه ..

يا جماعه أسأل الله أن يهدي الجميع ..

ان شاءالله انها تعلمت بعد الطلاق .. وندمت وتعبت تفسياً .. وصارت انسانه ثانيه

الطلاق لوحده نقطة تحول في حياتها

وان شاءالله انها تابت وانصلح حالها ..

الله يستر على الجميع ..

رد: طليقتي والشقه للمره الثانيه !!!!!!!!!!!!!
 

اولا اسأل الله ان يعوضك ويعوّض طليقتك
بما فيه الخير لكما

ثانيا بخصوص النقل فعلا مو بهالسهوله يجيها
وانا من رأيي اشوف انه هذا مستقبلها
ومعها ولد اختها ويعتبر محرم لها

ومعليش لا تتضايق من كلامي ولكن انت الان مو ولي عليها
فمو من حقك تتكلم مع اخوانها بخصوص نقلها
وسكنها لان هذا شي راجع لها هي وإخوانها

والمفروض انك تفرح انه عيالك صارو قريبين منك
وحاول كل كم يوم تمر وتاخذهم دامهم قريبين عندك
لأن فعلا اطفال مالهم ذنب

وطليقتك الله يهديها صح عليها تصرفات
ولكن استمر بالتطنيش
ولا عليك الا من عيالك فقط

واذا انت قادر ماديا
انا اشوف مافيها شي لو تزيد مصروفهم
لان فعلا 1000 ريال لكل طفل وش تسوي بهالزمن؟
كل شي غالي

ونصيحه من اخت
لاتعلم اخوها خلاص اللي بينكم وانتهى
فأستر عليها وأنسى اللي راح
وراح تلاقيه عند رب العالمين بأذن الله

اذا ودك تكلم اخوها
كلمه فقط عن الرسايل اللي ترسلها
ولو اني اشوف الافضل تطنيشها من غير ماتعلم احد
وادعي لها بالهدايه
مهما كان
طال الزمن والا قصر
بتبقى ام عيالك
هذي حقيقه وعليك تقبلها
وسمعتها من سمعة عيالك

رد: طليقتي والشقه للمره الثانيه !!!!!!!!!!!!!
 

الله يرزقك الزوجه الصالحه اللي تخاف الله فيك وفي عيالك
وتاخذ عيالك عندك وترتاحون من الهم والمشاكل
لاتتنازل ابد لهم قولهم عيالي لهم بيت يجون عندي أم اختكم ماني مسئول عنها
وحاول تبحث عن عروسه الله يسرلك

رد: طليقتي والشقه للمره الثانيه !!!!!!!!!!!!!
 

الاسبوع الجاي ان شاءالله راح اسافر لـ اخوها الكبير واقابله واقوله كل شي

رد: طليقتي والشقه للمره الثانيه !!!!!!!!!!!!!
 

انا معصب لاني اكلمه عن عرضه وهو يكلمني عن المصروف!!
ان شاءالله ان حالها انصلح

رد: طليقتي والشقه للمره الثانيه !!!!!!!!!!!!!
 

إذا بتخبره عن كل شي وعن اللي فهمته !!

الله يرضى عليك .. لا تسويها .. لا تسويها

مثل ما كتمت من قبل .. كمل كتمانك وسترك للأخير واحتسب كل شي لوجه الله

الستر زين ..

سمعة عيالك مرتبطة بسمعتها ..

اسأل الله ان يربط على قلبك وتتراجع وما تفضحها أمام اخوها الكبير

يمكن الآدميه تابت ..

رد: طليقتي والشقه للمره الثانيه !!!!!!!!!!!!!
 

أنا مع حسن الظن بها لكن طليقته لو رجعت رح تتعبه بالمشاكل وبيتعبو الصغار اكثر واكثر

لما تكون مرتاحه مع اولادها وفي شقه في نفس المكان الي فيه الوحيد وفي نفس المكان الي فيه صحباتها وعملها الي تحبه بتكون متفرغة للتنكيد عليه

لكن لما تكون مضغوطه ببعد أولادها وحرمانها منهم بتسعى للرجوع لأهلها عشان تكسب أولادها

رد: طليقتي والشقه للمره الثانيه !!!!!!!!!!!!!
 

انا وليها نعم مو لانها كانت زوجتي الله لايعيد هذيك الايام
لان سمعتها من سمعة عيالي
فـ اي شي يمسع سمعتها راح يضررون العيال منها ومن حقي اني احافظ على سمعة عيالي عشان يكبرون ويقدرون يرفعون راسهم قدام الناس

ثانياً انا اللي معصبني هو البرود اللي هم فيه
ايش هذا معقول فيه كذا !!!!!

النقل للظروف الخاصه واللي هو الطلاق البائن على طول يطلع ولاهو مرتبط بحركة النقل
وانا ادري وش تبي هي بالضبط
هي ماراح تنقل هي تبي تسكن بالمدينه اللي فيها الحين
وراح تماطل ماجاني النقل سنه ورى سنه
وانا يدي على قلبي يارب لاتفظحنا بس

اما المصروف اختي انا ماني مقصر على العيال ابدا
واشتري لهم اللي يبون
وماني من النوع اللي ابخل عليهم باي شي
انا يااختي اكلم العيال يوميا واسألهم وش تبون وارسل لهم عن طريق عمهم ومااعطيهم فلوس بايديهم لاني عارف انها راح توخذ منهم
واا رحت اخذهم واشتري لهم كل شي يبونه حتى اللي ماله سنع