|
محتارة بين كلام آمي وكلام آبوي
ابغى رأيكم في موضوعي بذات الي عندهم أطفال
أمس صار لي ظرف في مدينة طليقي اضطريت أودي بنتي عند ابوها وهو وافق اخذها البنت قامت تبكي لانها ماتعرفه رغم ان قبل اربع شهور وديتها له لظرف عندي وجلست مع نص يوم ولا بكت بلعكس واضح انها كانت مبسوطة مادري ذي المرة ليه هل لانها من زمان ماشافته لما اخذها توقعنا دقائق تبكي وتسكت بعد ساعتين رجعها البنت في حالة مستحيل أنساها حتى اخوي يقول جلس ابوها يمسح دموعها قبل ينزلها البنت جاتني مصدومة أكلمها ماما حبيبي انا ماما تطالع فيني في حالة ماقدر اوصفها عيونها متنفخه من البكي تركتني وراحت وقفت بعيد عني ومصدومة البنت طبعا أخذت تهزيئه من اخوي وابوي ان البنت ماعادً تروح لابوها وامي تقول لا تروح والأسبوع الجاي تروح له يوم عشان تتعود عليه ويتعود عليها ويقوم فيها شوي وانا محتارة بين كلام امي وكلام أبوي واخوي المصيبة ابوها انسان مو متفاهم يعني لو أبوي بيقوله البنت لازم تتعود عليك وكل اسبوع خذها يوم راح يزعل ويقول مال لاحد شغل فيني وراح يعاند طبعاً بتقولون لاتظلمينه وهو ماراح يقول ذَا الكلام قبل 8شهور كلمه أبوي ان بنتك انتظم على زيارتها مرتين كل شهر مثل ماحكم الشيخ قام زعل وعاند وقال مال لاحد شغل فيني ومن زعله قطع مصروف البنت ذلحين انا في حال الله عالم فيها بنتي مو صغيرة صارت تفهم هي على بالها ان أبوي هو ابوها وامي امها اساس انا ماتقولي ماما تناديني باسمي وامي وابوي ماما بابا انصحوني هل اسمع كلام امي والأسبوع الجاي أعطيه بنته عشان تتعود او اسمع كلام اخوي وابوي انه خلاص ماتروح له الا اذا كبرت وعرفت انه ابوها انا اهم شي عندي مصلحة بنتي ولا ودي تتعب نفسيتها |
رد: محتارة بين كلام آمي وكلام آبوي
هو ليش ما يجي ياخذها ليش انتم الي تودونها لة !!!
وكلام امك صح |
رد: محتارة بين كلام آمي وكلام آبوي
رحمت بنتك
وهو ليه ما يجي ينتظم لزيارتها صعبه انتم تفرضون هالشي نصيحتي بنتك عندك لاترمينها عليهم ولا تعلمينهم غصب طيب ياخذونها لازم هو يجي وياخذها هذي بنته مايحتاج احد يعلمه كيف الابوه |
رد: محتارة بين كلام آمي وكلام آبوي
ماهي ردة فعل والدها؟؟
هل تضايق لانها لاتعرفه او غير مبالي !! الا يسأل عنها الا يشتاق لها؟؟ وبالتاكيد الافضل ان تتعود عليه البنت ويأتي ليأخذها كل فتره وارى ان الطبيعي ان يكون هو من يطلبها ويأتي ليأخذها بنفسه لكن الظاهر لي انه لايهتم فأن كان لايهتم ولايريد ذلك فلاأرى بيدك شي تستطيعين فعله !؟ كان الله في عونك |
رد: محتارة بين كلام آمي وكلام آبوي
اذا ماطلبها يااختي مافي ظرف يحدك تخليها عنده يبدو لي انك كذا موديتها لتشغليه او تحننيه عليها وعليكم .. ان جالك مشوار عندك ام اب اخ اخوه اي احد خليها عنده مو توديها وهو ماطلبها خليه الله يحاسبه ع تقصيره انسيه .. المهم هالطفله المسكينه تتوقع انك متخليه عنها شوفي حالتها ..
الله يجبر مصابك اختي وان شاءالله بيعوضك ربي ويعوضها .. الله كرييم ماينسى عباده.. |
رد: محتارة بين كلام آمي وكلام آبوي
الله يعوضك خير
المفروض هو من يشتاق لها ويبحث عن شوفتها ما جا وسال لا تودنها الله الغني ما يضيعها |
رد: محتارة بين كلام آمي وكلام آبوي
بنتك صغيرة كثير..
الزيارات بهذا الأسلوب تضرها أكثر ماتنفعها.. وانتي ليش تاخذيها كذا وتخليها؟ عندك ظرف خليها عند امك وابوك الله يخليهم لك ولبنتك.. خليه ينتظم والا بلاها.. واذا قررتي تاخذيها تشوف ابوها، خلي واحد من اهلك يروح معها ويضل معاهم عشان تطمن.. اما تخليها كذا وتروحي تغيبي لا غلطتي.. |
رد: محتارة بين كلام آمي وكلام آبوي
اقتباس:
🌟🌟🌟🌟🌟 |
رد: محتارة بين كلام آمي وكلام آبوي
اختي فرح اهلن فيك ، للاسف مره رديت عليك وقلت لك بنتك معاك وين ما تروحين تكون معاك
انا الحين ابي افهم ابوها ماشي معاك لاكن كيف ترتاحين وتخلينها معاه اذا هو من كلامك مو سائل فيها ولا يدري عنها ولا حتى يزورها ؟! كيف تخلينها عنده حتى لو ابوها ياختي حرام عليك بنتك خليها عندك امك او اختك اي احد قريب منك واذا لزم الامر خذيها معاك وين المشكلة لما تكون معاك وبخصوص طليقك ان شاءالله عمره م جاء ولا عمر سال ب الحريقة وش لك ف الهم اذا جاء من نفسه ي هلا م جاء م عليك فيه اهم شيء نفقتها تجي كلشهر ملزوم فيها وتنادي امك وابوك عادي ، خليه يعرف عشان لما بكره تكبر تعرفك انتي وتسمع لك انتي ربي يحفظها لك وحطي ف بالك مو بس بنتك اغلب الرجال م يسالون ف عيالهم ، عندك انا لا شافها ولا يسال عليها والحمدلله مرتاحه ف طمني بالك |
رد: محتارة بين كلام آمي وكلام آبوي
اقتباس:
إذا بعضهم اهملوا فهذا لا ينطبق على الاغلبية اخت فرح انتي بنعمه بكرة ماتخافين على بنتك لو تزوجتي ابوها قليل مسؤولية وماهو قدها وماراح ياخذها فيه أكبر من كذا هدية خليه بعيد عن بنتك دامه مايسأل بسلامته بكرة تتزوجين ان شاء الله وبنتك عند امك مافيه قلق ولا خوف انه ياخذها لأنه مايسأل ولا يبيها أحمدي ربك غيرك ترفض لأنها تخاف يأخذ عيالها منها |
| الساعة الآن 08:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©