أمي تتهمني أنا وزوجي بالبخل
 

السلام عليكم ورحة الله وبركاته ..

اليوم حصل معايا موقف عكر مزاجي وتضايقت منو جددا
مو قادره اخرج من حالة الضيقه هدي ...
الي حصل انو احنا في جده وفي محل بالرياض ناخد منه بن للقهوه
ف انا قبل شهر قلت لأهلي انا حأطلب تبغو احسبكم قالو ايوا وكل وحده قالت تبغى كم كيلو ..
ومشيت الايام والاسابيع وانشغلنا انا وزوجي وماطلبنا ..
المهم .. من هدا الشهر جاتنا ضيقه ماليه انا وزوجي
في موضوع نزلته للي شافو عن الوضع المادي لنا هذا الشهر وان نص الراتب يروح ويصرف على اهله وكذا ..
المهم فخلاص شلنا موضوع البن من بالنا لأن سار مبلغنا في اليوم محدود مايتعدا ال 120 ف اليوم عشان نقدر نكمل لأخر الشهر بهدا الراتب بيكون وضعنا كدا لمدة 6 شهور تقريبا
فكنسلنا موضوع الين حاليا نخليها بوقتها


المهم الي حصل رحت لأهلي اليوم وجالسين ماما واخواتي يتكلمو عن البن وقالو بيطلبو وكدا
فقالو حيكون في زايد من الكرتون فروحت انا قولت خلاص اخد انا كمان لو رضي زوجي

قبل اكمل كلمتي ماما عصبت وقالت والله ماتذوقونه انت وهو كررتها 3 مرات وهي متنرفزه وتزعق .. انا تفاجئت لا شعوريا قلتلها اصلا مانبغى ماعندنا فلوس
قالت احسن بيخل وبخيله متزوجين بعض

انا هنا قسم بالله كإنو احد اعطاني كف تفاجئت وطبعا عشان هيا امي ما تكلمت مست الجوال وسكت عشان ما اتكلم ..

الي حز بخاطري وقهرني انها قالت كذا بصوت عالي قدام اخواتي ويمكن زوجي الي ف المجلس سمع كلامها ..

وفووق هدا كلووو والله العظيم من يوم تزوجنا الى الشهر الي فات واحنا نعزم ماما واخواتي وبابا مطاعم كفيهات بالذات ماما زوجي يحبها ويوقول احب اسعد اهلك
وسوالهم كلهم اعياد ميلا لماما واختي وحفلة خطوبه لأختي
يقول انا انبسط لما اسعدهم وافرحهم
وكمان يقول بعمل لأمك وابوكي حفله بيوم زواجهم وووو

لكن لما انزنقنا حاليا قامت تتكلم وتقول دا الكلام وكمان مو بي في هدا الموقف قالته
كدا مرا قالتلي دا الكلام دا الشهر ..


حاسه بقهر ليه محد يقدر ؟؟ معقوله حتى الأمهات ؟

لو كنتو بمكاني ايش تسوو ؟؟ وانا والله حتى جالسه بيني وبين نفسي اقول نفسي اشتريلها هديه بس لما الوضع يتحسن

كيف اخرج من هدا المود وخاصتا انو زوجي ملاحظ ضيقتي وماقلتله ؟؟
وكيف اتصرف معاها ؟؟

تم تعديل العنوان ليتناسب مع المضمون

رد: كيف تتصرفو لو كنتو مكاني ؟؟؟
 

الله المستعان ربي يفرج عنك يارب ويبعد عنك الضيق
ويسخر لك زوجك واهلك

رد: أمي تتهمني أنا وزوجي بالبخل
 

اذا بدك دحين انسي الموضوع ولا تفتحيه معاها
وبس تتحسن أوضاعكم جيبيلها القهوة حتى لو عندها واشرحيلها ظرفك

بتقولي مابتقدر ممكن الحفلات والعزايم مابتهمها ابحثي عن حاجات تهتم بيها
والموقف وضحلك

رد: أمي تتهمني أنا وزوجي بالبخل
 

أختي هذه كلمة بسيطة لا تصبحي حساسة وتكبري الموضوع ،والايام تجري، في مثل مصري يقول (الكلمة ما تلزئش)

ويقول الشاعر النبطي

إن كان لك صاحب ما يدمح الزله
خله يولي وحط الضلع من دونه
تلقى بداله صحيب يشرب الدله
صدره شمالي و خلق الله يحبونه

*يدمح يمحو
*صدره شمالي صدره وسيع للضحك والمزاح

رد: أمي تتهمني أنا وزوجي بالبخل
 

حبيبتي طوفي
الاهل لما يكبرو يصيرو حساسين ويمكن يرموا كلمه بدون شعور
ابد زوجك من وصفك مايقصر
وحلو انكم بديتو تقننوا المصاريف
لا توقفي على هالكلمه وطنشي واعتبيرها من بر الوالدين عدم ردك

رد: أمي تتهمني أنا وزوجي بالبخل
 

جزاكم الله كل خير حاولت اتقبل الموضوع مع انو امس كررت الكلام هدا عليا تاني
بس ما تكلمت وحاولت اجامل صراحه

رد: أمي تتهمني أنا وزوجي بالبخل
 

الله الله
اعجبتني الابيات

رد: أمي تتهمني أنا وزوجي بالبخل
 

الكلمه ماتلزئش ايوا بس تكرارها يضايق والله .. احساس في الداخل مو حلو والله العظيم ..
قبل الموقف هدا تحلمت ان امي تقولي لاتجي بيتي وشرابك وسخ ( شراب = جوارب ) وكنت مستغربه لاني شايفتو نظيف .. وفسره ليا احد المفسرين بأن امي تشوفني بخيله وانا في الواقع عكس هذا الكلام .. وبعدها بنفس اليوم حصل الموقف معاها ..

لو ماتحلمت دا الحلم كان وسوست انو انا فعلا ابخل على امي وابويه بشي ..

رد: أمي تتهمني أنا وزوجي بالبخل
 

حبيبتي احيانا الناس ما يملىء عينهم شي يمكن لانك تعطي امك وايد وتكرميها وف ازمتك وقفتي هذا الشي امك نست اللي سويتيه معاها في ناس كذا وكثير فلا تناقشيها ولا تذكريلها ايش سويتو وايش عملتو كل شي بأجره عند الله وما في عيب اذا حكيتيلهم ازمتكم لكن بطريقه ثانيه لا تدخلي فيه موضوع البخل يعني وكأنك تفضفضي عشان تعرف سببكم وتحس انها غلطانه